Zyozuwe 23:1 - Cebaara Bible 2010

¹ Làlaa saʔa maa kwɔ́ɔ àmɛɛ Yawe da ŋɔ́ndaala kaan Isirayɛli ye ma lè pe nigoobèle nínge ni, poro bele pe da be màʔa lè. Zyozuwe si maa tɔ̀nɔ n baa lɛɛ gbanʔama.

Zyozuwe 23:1 Iomraidhean Croise

Sélimɛ 25:8

Abirahami fundaanratɔw maa tɔ̀nɔ n lɛɛ n tín níì kùu n fàra wi toolɛɛbèle na pe da kùu lè.

1 Fànʔafɔbèle 1:1

Fànʔafɔw Davidi maa tɔ̀nɔ n baa lɛɛ gbanʔama, a pe i yalere saʔa nii wi na káfugo si da ni jǐn wi ni í.

1 Cányi kèlē 23:25

Níì cán Davidi maa jo: «Yawe Isirayɛli ye Kolocɔlɔw n ŋɔ́ndaala kaan wi syɛ́ɛnbèle ma, ní baa tɛ́ɛn Zyerusalɛmi ni bi kòro naa làla o làla.

1 Cányi kèlē 27:1

Isirayɛli yòdaʔayi wòolo, n yɛlɛ ní be nyɔ́ɔgi ní, be pye lè narigbaayi kundigibéle, ní i nyɛ saala kagunɔ kagunɔw, ní dabata-daw kùndigibéle, ní kùndigibéle, bele pe da ni fànʔafɔw dɛ̀ɛmɛ́ lè kérigèle myɛ na ge pye lè kabiyi wòʔolo, be panni ní be gàríw kéele na yeʔe o yeʔe, yɛ́ɛli yeye myɛ ni, kabiga o kabiga woolo maa pye nànbēle sirakama ní selebingéle siin.

2 Cányi kèlē 14:1

A Aza i gi kpéʔele gee gi nyɔɔ níì sín Yawe wi Kolocɔlɔw nyɛ́nɛ na lè.

2 Cányi kèlē 14:5

A wi kèniriye faan Zyuda ni, níì cán tári maa pye yɛɛ̀nyinge na, kapɛɛnnɛ ga yìri wi kurugo yɛ́ɛgèle bee ni í, ncan Yawe maa ŋɔ́ndaala kaan wi ma.

2 Cányi kèlē 20:30

A Zyozafati fǎngi pye yɛɛ̀nyinge na, ncan wi Kolocɔlɔw maa ŋɔ́ndaala kaan wi ma kàbanyi myɛ na.

Ŋúnuyi 46:9

Yaa maa ye ba Yawe kapyegèle sámaga ye wéle, ye ba kálagigbɔɔli wéle, lee wi taʔa tári na lè.

Ezayi 63:14

Amɛɛ yaweʔe tíri jǐnlɔgɔ ni lè, Yawe Pǐli n pan ní be ní ŋɔ́ndaali ma.» Kánmi bee na mɔ mɔ syɛ́ɛnbèle yɛ́ʔɛ kíni, jàngó bi nìjangbɔɔrɔ mɛ́ʔɛ taʔa miyɛɛ na.

Làlwaw Kaanziin 31:2

«Mii sìíw yɛ̀ʔɛlɛ i nyɛ níjanʔa togoye kɔrɔni. Mii a ní gbǎn pye yele nyúngi na í. Yawe n gi joo mii ma níì jo: ‹Mɔ a tée Zyuridɛnw naa jeli í.›

Zyozuwe 11:23

A Zyozuwe tári myɛ syɔɔ n taa n yɛlɛ ní gee myɛ ní Yawe da joo Mowizi ma lè. A Zyozuwe di kaan Isirayɛli ye ma kɔrigɔ àmɛɛ wi di tíla be na lè syɛɛnfeleye syɛɛnfeleye. A tári ŋɔ́n n daa kapɛɛnni fɔ̀rɔgɔ na.

Zyozuwe 13:1

Zyozuwe maa baa lɛɛ gbanʔama. Lǎli bee ni a Yawe wi pye: «Mɔ wi lɛɛ n kwɔ́ɔ wee gbanʔama, á tánɛʔɛrɛ si sèʔê kòro, dee di yɛlɛ di syɔɔ lè.

Zyozuwe 21:44

A Yawe ŋɔ́ndaali kaan be ma kàbanyi myɛ na n yɛlɛ ní kàligi ní wi da kpéʔele be toolɛɛbèle ma lè. Pe nigoowaa faala ga gbàn n yére n be sige í. A Yawe pe nigoobèle myɛ le be kɔ́yi ni.

Zyozuwe 22:4

Tɔ́ɔliw ni àmɛɛ Yawe yele Kolocɔlɔw ŋɔ́ndaala kaan yele senyɛnbèle ma n yɛlɛ ní syɛ́ɛnri ní wi da joo be ma lè, ye kólogi láa ye lúru yaa syée yele kpaaya ma, ye sa tɛ́ɛn tári ni, dee Yawe falipyew Mowizi kaan yele ma lè Zyuridɛnw canʔafolomɔ ma.

1 Samyɛli 12:2

Tɔ́ɔliw ni fànʔafɔw wi a ra kínigi yele yɛ́ɛgi na lè woro wi wee naa. Mii na, mii n lɛɛ n bàra n kwɔ́ɔ. Mii jáabèle si be bele ní yele ní. Mii n kíni yele yɛ́ɛgi na nlaa yaà mii cárimi làla ni fwɔɔ n baa nan níjanʔa na.