Zyozuwe 22:5 - Cebaara Bible 2010

⁵ Tundunree ní làlwawee Yawe falipyew Mowizi joo n gbàn yele ma lè, ye yákirii yaʔa di na yé di sámaga ye cò. Ye Yawe yele Kolocɔlɔw kéele yaʔa li yele dɛ́nɛ, yáā wi kóloyi myɛ táanri, yé wɔ́ɔ yaa wi tundunri myɛ kpéʔele, yé tan wi na, yaa báara wi ma ní yele zɔ̌nbèle myɛ, ní yele fúnyi myɛ ní.»

Zyozuwe 22:5 Iomraidhean Croise

Ŋúnuyi 106:3

Bele be kányɛɛgi kèlē sámaga n cò lè, ní i sínni kèlē kpéʔele làrigèle myɛ ni lè, bele bee i nyɛ dùba pìibēle!

Ŋúnuyi 78:7

koro ga pye pe be sɔ̀ngumi taʔa Kolocɔlɔɔ na. Pe a tée fɛ̀ʔɛ Kolocɔlɔɔ kapyegèle na í, pe a wi kajoodɛ̀ɛngèle sámaga cò.

Yirile 15:26

Wi n be pye: «Yele ga ni mii Yawe yele Kolocɔlɔw jóomɔ sámagi ni lúro, ní i gi kpéʔele gee gi sín mii nyɛ́nɛ na lè, níì yele líiyi cáan ni mii kajoodɛɛngèle lúro, níì mii làlwaw kèlē myɛ kɔn ní i ge kpéʔele, yáamee mii cáan Ezyipiti ye na lè, mii a tée bi pàa cáan yele na í. Níì cán mii wi nyɛ Yawe, wee wi yele poori lè.»

Yirile 20:6

Bele si be tàmaga le ní mii ní lè, níì mii tundunri kɔn ní i di kpéʔele, mii i funjànga kpéʔele ní bele bee ní bi taa sa nan pe yòdaʔayi yìrigēle saala kagunɔ na.

Yirile 23:13

Kérigèle gele myɛ mii joo yele ma lè, ki n yɛlɛ yaa ge kɔ̀rɔsíi. Yele a ní kɔ́ sɔ̀ngi taa kolocɔlɔwaa faala mɛ́ʔɛ na bàā yiri í. Ki ga yɛlɛ syɔɔn faala í kɔ́ pe wàa mɛ́ʔɛ lóʔo mɔ nyɔ́ɔgi na í.

Yirile 23:25

Yele a ra Yawe yele Kolocɔlɔw kpɔ̀ʔɔrɔ́. Wi a dùbaw taʔa mɔ yaliiri ní mɔ logbaagi na. Mii a yáami nɛnɛ bi léeli mɔ tɛ́ɛgi na.

Kàseegèle 4:23

Da mɔ fúngi kɔ̀rɔsíi mi sɔ̀lɔ yáriri myɛ na, níì cán fúngi ni syɔɔn siiw kèlē myɛ yirigi.

Ezayi 55:2

Gee gi lè ki o nyɛ lìile í, nyàʔá na yele wáliw nii gee bee ni? Gee gi lè ki a syɔɔn tín í, nyàʔá na yele wɔʔɔ gi kéeli na? Koro na ye líiyi cáan ye lóʔo mii ma yáā gi líi gee gi nyɔɔ lè. Yele a ra yele nyɛ́nɛ yaliitaanri fundaanra pingi.

Zyeremii 12:16

Pe ga baa mii syɛ́ɛnbèle kóloyo tama yákirii na, ní i kɛ̀ɛ́ mii mɛ́ɛgi na níì jo: ‹Yawe woweew mɛ́ʔɛ na!› Amɛɛ pe da mii syɛ́ɛnbèle tama pe i kɛ̀ɛ́ Baali mɛ́ɛgi na lè, lǎli bee ni pe a sámaga tɛ́ɛn mii syɛ́ɛnbèle nínge ni.

Matye 22:37

A wi wi pye: « ‹Mi mɔ Kafɔw Kolocɔlɔɔ kéeli yaʔa li mɔ dɛ́nɛ ní mɔ zɔnw myɛ ní, ní mɔ fúngi myɛ ní, ní mɔ sɔngumi myɛ ní.›

Matye 4:10

A Zyezu wi yari: «Núngo mii taana, Sutana. Níì cán ki n sɛ́bɛ níì jo: ‹Maa mɔ Kafɔw Kolocɔlɔɔ kpɔ̀ʔɔrɔ́ máā woro nibin fáliw kpéʔele.› »

Matye 6:24

«Syɔɔn faala a gbǎn báara kùndigibéle siin ma í. Fwɔɔ wàa kéele í wi bɛɛn, wàa wólo si wi dɛ́nɛ. Wi a tan wàa na, si wiyɛɛ láagi yirige wàa ni. Yele a gbǎn pye Kolocɔlɔɔ falipyebèlē, si ní pye lɔ́ri falipyebèlē í.

Luki 1:74

Woro a wolo yirige wolo nigoobèle kɔ́yɔ ni, si wolo yaʔa wolo í da woro fáliw kpéʔele fyáara fun,

Zyan 12:26

Syɔ́ɔnwee faala ga ni caa lè bàā mii fáliw kpéʔele, ki n yɛlɛ wi taʔa mii na, tɛ́ɛgee ni mii ga pye lè, mii falipyew a wɔ́ɔ pye nɛɛ bee. Syɔ́ɔnwee wi mii fáliw kpéʔele lè, mii Tóow a ra wee bee wɔ̀ʔɔrɔ́.»

Zyan 14:15

«Yele ga tàmaga le ní mii ní, yele a ra mii tundunri kɔngi sáā di kpéʔele.

Kapyegèle 11:23

Lǎli ni wi nan yaà lè, níì gi nyaa àmɛɛ Kolocɔlɔɔ kpɔ́ʔɔri kpéʔele be ma lè, a fundaanra pye wi ni, a wi pe myɛ kɛɛlɛ níì be pye be tan Kàfɔw na ní be fúnyi myɛ ní.

Kapyegèle 27:23

Kolocɔlɔwee wóo mii nyɛ lè, woro wee mii kpɔ̀ʔɔrɔ́ lè, wee bee tundunwaa n pan mii ma yébiligi naa ni

Wɔrɔmi ye 1:9

Kolocɔlɔwee fáli mii kpéʔele lè ní mii fúngi myɛ ní ní i Syɛɛnjóocǎnri nyuu lè wi Jáaw kéele na, wi i nyɛ mii séera ncan mii i yele kéeli nyuu mii nyɛ́ɛriyi ni làla o làla.

Wɔrɔmi ye 12:9

Tàmagi ga yɛlɛ kaa kpéʔele ní syɛɛnjóotɛɛyɛ siin joolo ní í. Ki n yɛlɛ ye kapeegèle yaʔa ke yele bɛɛn yé tan kacǎngèle na.

Wɔrɔmi ye 8:28

Wolo n gi cán Kolocɔlɔɔ i kérigèle myɛ pínɛ ni sámagi ke i nyɔɔgi bele má be tàmaga le ní woro ní lè, poro bele wi nyɛ́nɛ n wòlo lè n yɛlɛ ní wi kakɔrirɔli ní.

Làlwaw Kaanziin 10:20

Da fɛ̀ɛgí Yawe mɔ Kolocɔlɔw na, máā wi fáliw kpéʔele mí tan woro na, máā kɛ̀ɛ́ woro mɛ́ɛgi na.

Làlwaw Kaanziin 11:1

«Yawe mɔ Kolocɔlɔw kéele yaʔa li mɔ dɛ́nɛ, mí wi kajoogèle, ní wi làlwaw kèlē, ní wi tundunri, ní wi kajoodɛɛngèle cò làla o làla.

Làlwaw Kaanziin 11:13

Yele ga mii kajoodɛɛngèle sámaga n cò, gele mii nyuu yele ma lè gele níjanʔa, á Yawe yele Kolocɔlɔw kéele yele dɛ́nɛ, a yele i wi fáliw kpéʔele ní yele zɔ̌nbèle myɛ, ní yele fúnyi myɛ ní,

Làlwaw Kaanziin 11:22

Níì cán yele ga kajoodɛɛngèle naa myɛ sámaga n cò ní i ge kpéʔele, gele mii nyuu yele ma lè, á Yawe yele Kolocɔlɔw kéele yele dɛ́nɛ, a yele i wi kóloyi myɛ táanri, níì tan wi na,

Làlwaw Kaanziin 13:4

mɔ a kɔ́ kanyaajoow bee wàlá kanyaaw bee syɛ́ɛnrɛ lóʔo í. Níì cán Yawe yele Kolocɔlɔw wi yele sɛʔɛ ní wéle, bi gi cán kapye Yawe yele Kolocɔlɔw kéele n yele dɛ́nɛ yele zɔ̌nbèle myɛ, ní yele fúnyi myɛ ni.

Làlwaw Kaanziin 4:29

Bi wɔ́ɔ mɔ yaʔa yaà beè, mɔ a ra Yawe mɔ Kolocɔlɔw caa. Mɔ ga ni wi caa ní mɔ zɔnw myɛ, ní mɔ fúngi myɛ ní, mɔ a wi nyaa.

Làlwaw Kaanziin 4:4

Yele bele si ye yeyɛɛ daʔa Yawe yele Kolocɔlɔw na lè, yele myɛ i nyɛ sìi na níjanʔa.

Làlwaw Kaanziin 4:6

Yele a ge kɔn sáā ge kpéʔele, níì cán gee bee ki a pye yele sícilimi, ní yele cánni syɛɛnfeleyi nyɛ́nɛ na, yoro yee yi a làlwaw naa kèlē myɛ lóʔo lè sáā gi nyuu si jo: ‹Syɛɛnfelegi naa gi nɛʔɛ lè, ki n cìlige, ní wɔ́ɔ̀ keele cán.›

Làlwaw Kaanziin 4:9

«Ki n yɛlɛ mɔ í tɛ́nɛ miyɛɛ còganmi cán, máā mɔ fúngi kɔ̀rɔsíi gbanʔama mɔ siiw canya myɛ ni, koro ga pye kérigèle gele mɔ nyapiigèle nyaa lè, mɔ a kɔ́ fɛ̀ʔɛ ge na í, ke a kɔ́ yiri mɔ fúngi ni í. Ge tɛ̀ɛn mɔ piibèle, ní mɔ piinyanbiiyi na.

Làlwaw Kaanziin 5:10

Bele si be tàmaga le ní mii ní lè, níì mii tundunri kɔn ní i di kpéʔele, mii i funjànga kpéʔele ní bele bee ní bi taa sa nan pe yòdaʔayi yìrigēle saala kagunɔ na.

Làlwaw Kaanziin 6:17

Kàjáa Yawe wi lè yele Kolocɔlɔw, ki n yɛlɛ ye wi kajoodɛɛngèle sámaga ye cò, n fàra wi kajoogèle, ní wi làlwaw kèlē na wi joo n gbàn yele ma lè.

Heburubèle 12:15

Ki n yɛlɛ yaa kɔ̀rɔsíi koro ga pye syɔɔnwaa faala a kɔ́ kólogo Kolocɔlɔɔ kpɔ́ʔɔri kurugo í. Ye wɔ́ɔ yaa kɔ̀rɔsíi koro ga pye yasanzorodo tíige a kɔ́ fìin yele níngi ni bi yele fúnyi curugo si wɔ́ɔ yele saamaw nɔ́nʔɔ í.

Zyaki 1:12

Syɔ́ɔnwee wi kòro ni kpàracogo kpéʔele lè kagbanyi ni, wee bee i nyɛ dùba pyà. Níì cán àmɛɛ yi wi sɛʔɛ n wéle lè á wi fànʔa taa yi na, wi a kpɔ́ʔɔri nyùndɔnnɔ taa li lè sìíw wólo, lee Kolocɔlɔɔ joo wi a kaan bele má be tàmaga le ní woro ní lè.

Zyaki 2:5

Mii senyɛn-nidaanmabèle, ye lóʔo, yele ga tɔ̀ʔɔ̂ gi cán ncan bele dulunyanw syɛ̀ɛnnɛ córo lè foomɔfɔbèle, bele bee Kolocɔlɔɔ nyɛ́nɛ n wòlo n kpéʔele yarigaa fɔ̀ɔlɔ woro ma tágali kólogo ni ì? Nyɛ̀ʔɛni fànʔa si pye pe woʔò, gee wi joo wi a kaan bele má be tàmaga le ní woro ní lè ì?

Zyozuwe 23:8

Kàjáa ki n yɛlɛ ye tan Yawe yele Kolocɔlɔw na àmɛɛ yele gi kpéʔele lè nlaa yaà fwɔɔ n baa nan níjanʔa na.

Tɛ̀ɛnnɛ 15:3

Mowizi wi lè Kolocɔlɔɔ falipyew, a be i wi ŋúnugi ŋúu n fàra Bàpili wóʔo na, níì jo: «Kàfɔw Kolocɔlɔɔ, mɔ wi lè Séew Myɛ Kàfɔlɔ, mɔ kapyegèle n kpólo ní i nyɛ bìngaara woʔolo ní! Mɔ kóloyi n sín ní i nyɛ kányɛʔɛ, mɔ wi lè syɛɛnfeleyi myɛ Fànʔafɔlɔ!

1 Samyɛli 12:20

A Samyɛli syɛ́ɛnbèle pye: «Ki ga yɛlɛ yaa fɛ̀ɛgí í. Yele n kapeegi bee myɛ kpéʔele, koro i nyɛ kányɛʔɛ. Kàjáa ki ga yɛlɛ ye wàli ye láʔa Yawe na í. Ki n yɛlɛ yaa báara Yawe ma ní yele fúnyi myɛ ní.

1 Samyɛli 12:24

Ye tɛ́nɛ yaa fɛ̀ɛgí Yawe na, yáā báara wi ma kányɛɛgi na ní yele fúnyi myɛ ní. Níì cán kakpoloyee Yawe kpéʔele yele ma lè, yele nyɛ́nɛ i yi na.

1 Samyɛli 7:3

Lǎli bee ni a Samyɛli Isirayɛli kpáagi wòolo myɛ pye: «Kapye yele fúnyi myɛ ní yele lúru n pan Yawe ma, ki n yɛlɛ ye kolocɔlɔ-nibɔnbèle yirige yeyɛɛ níngi ni n fàra Asitaritebèle na, yé yele fúnyi kàriga Yawe ma yaa báara woro nibin ma. Lǎli bee ni wi a yele yirige Filisitini ye kɔ́yi ni.»