Zyozuwe 22:4 - Cebaara Bible 2010

⁴ Tɔ́ɔliw ni àmɛɛ Yawe yele Kolocɔlɔw ŋɔ́ndaala kaan yele senyɛnbèle ma n yɛlɛ ní syɛ́ɛnri ní wi da joo be ma lè, ye kólogi láa ye lúru yaa syée yele kpaaya ma, ye sa tɛ́ɛn tári ni, dee Yawe falipyew Mowizi kaan yele ma lè Zyuridɛnw canʔafolomɔ ma.

Zyozuwe 22:4 Iomraidhean Croise

1 Cányi kèlē 22:18

A wi be yari: «Yawe yele Kolocɔlɔw o nyɛ ní yele ní ì? Wi ga ŋɔ́ndaala kaan yele ma kàbanyi myɛ na ì? Níì cán wi n tári syɛ̀ɛnnɛ le mii kɔ́yi ni, a tári kòro Yawe kɔ́lɔ na, ní wi syɛ́ɛnbèle kɔ́lɔ na.

Yirile 33:14

A Yawe wi yari: «Mii tiimaa a ra syée ní mɔ ní. Mii a ŋɔ́ndaala kaan mɔ ma.»

Córolo 32:18

Wolo a tée lúru pan wolo kpáayi ma í fwɔɔ bi taa Isirayɛli ye myɛ nibin nibin í be kɔ́riyi lɛɛgéle taa.

Làlwaw Kaanziin 12:9

Níì cán ŋɔ́ndaali tɛ́ʔɛ, ní kɔ́rigi Yawe mɔ Kolocɔlɔw a kaan mɔ ma lè, yele ga kɔ́ɔ̀ nan n kwɔ́ɔ yaà í.

Làlwaw Kaanziin 29:8

Koro na ye joogaanni naa syɛ́ɛnrɛ kɔn yáā táanri di na, koro ga pye yele kapyegèle myɛ í da nyɔɔgi.

Làlwaw Kaanziin 3:20

Yele a kòro yaà fwɔɔ bi taa Yawe i ba ŋɔ́ndaala kaan yele senyɛnbèle ma wɔ́ɔgēle àmɛɛ wi li kaan yele ma lè, táree Yawe yele Kolocɔlɔw a kaan be ma lè Zyuridɛn jeligi na. Koro kàdoʔo ma, yele myɛ nibin nibin si naa lúru pan yele tɛ́ɛyi ma, yee mii kaan yele ma lè.›

Heburubèle 4:8

Kapye Zyozuwe maa ŋɔ́ndaali kaan be ma, Kolocɔlɔɔ mǎà dée ní cangaa nikwɔɔ kéele joo koro kàdoʔo ma í.

Zyozuwe 1:15

fwɔɔ bi taa Yawe í sa ŋɔ́ndaala kaan yele senyɛnbèle ma àmɛɛ wi li kaan yele ma lè, pé wɔ́ɔ tári fáliga taa, dee Yawe yele Kolocɔlɔw a kaan be ma lè. Koro kàdoʔo ma tári di lè yele wóri, toro dee Yawe falipyew Mowizi kaan yele ma lè Zyuridɛn jeligi naa na canʔafolomɔ ma, yele a náa lúru pan ba tɛ́ɛn di ni.»

Zyozuwe 12:6

Yawe falipyew Mowizi ní Isirayɛli ye maa be kpóo. Mowizi wi pye lè Yawe falipyew, á woro be tári kaan Wurubɛn ye, ní Gadi ye, ní Manase syɛɛnfelegi tíla ma, a di pye pe worò.

Zyozuwe 13:15

Mowizi maa lɛɛlɛ kaan Wurubɛn ye syɛɛnfelegi ma n yɛlɛ ní be túluyi ní.

Zyozuwe 13:8

Syɛɛnfelegi tílawee, ní Wurubɛn ye, ní Gadi ye maa be kɔ́rigi lɛɛlɛ taa n kwɔ́ɔ, lee Mowizi da kaan be ma lè Zyuridɛn canʔafolomɔ ma. Mowizi wi lè Yawe falipyew, woro wi gi lɛɛ be na kánmi naa na:

Zyozuwe 22:3

Làridɔɔnni myɛ li sɔ̀lɔ lè fwɔɔ n baa nan níjanʔa na, yele ga téè lúru níì yele senyɛnbèle yaʔa í. Gee Yawe yele Kolocɔlɔw da joo n gbàn yele ma lè, yele n gi foro.