Zyozuwe 20:3 - Cebaara Bible 2010

³ koro ga pye wàa ga fòʔo syɔɔn na n kpóo, bi gi taa wi ga gi kíri í, wi a gbǎn fàn bi sa jée kěyi bee kàa ni. Kánmi bee na wee wi a ra wi caa bi sìsyaanw wolo gɔlɔ́ wòlo lè, wi a syɔɔ wee bee ma.

Zyozuwe 20:3 Iomraidhean Croise

2 Samyɛli 14:11

A wi jo: «Fànʔafɔw, ki n yɛlɛ mi sɔ̀ngi Yawe mɔ Kolocɔlɔw kéele na koro ga pye sìsyaanw wolo gɔlɔ́-wòloo, a kɔ́ kàa fàra tooli na àmɛɛ wi a mii pìíw kpóo lè í.» A fànʔafɔw jo: «Amɛɛ Yawe nyɛ lè sìi na, mɔ piiw ǹjookannaa nibin a too tári na í.»

Levii ye sáriga-wòlori 4:2

«Ki joo Isirayɛli pìíbèle ma mí be pye: ‹Lǎli ni wàa ga fòʔo n kapeele kpéʔele lè Yawe tundunraa kéele na, n keelaa kpéʔele lee li lè li o nyɛ kpéʔelemɛ í:

Córolo 35:12

Kěyi bee a pye yele ma kàsuro-jée-kèye, sìsyaanw wolo gɔlɔ́-wòloo yɛ́ʔɛ na. Koro ga pye pe a kɔ́ syɛɛnkpoow kpóo wi kútiiw ní sìnjoo ni syɛ́ɛnmi yɛ́ʔɛ ma í.

Córolo 35:19

Sìsyaanw wolo gɔlɔ́-wòloo a syɛɛnkpóow kpóo. Wi ga wi fàra n nyaa wi a wi kpóo.

Córolo 35:22

Kàjáa syɔɔn ga wi syɛɛnnyɛnnɛ ŋɔrigɔ ki si ga pye nigooro ni í, wàlá n wi wáa ní yarigaa ní bi gi taa wi da làra n wi sige wii í,

Heburubèle 6:18

jàngó yi katɛɛyi siin yi lè yi a gbǎn fàli í, Kolocɔlɔɔ si a wɔ́ɔ gbǎn finɛ yi kéeli na í, yee bee kéele í wolo kɛɛlɛ gbanʔama, wolo bele wo fàn n sáà sɔ̀ngumi tɛɛtaʔaga taa n cò níì syɔɔ lè, koro gee Kolocɔlɔɔ tɛ́ʔɛ wolo yɛ́ʔɛ ma lè.

Zyozuwe 20:2

«Syɛ́ɛnri naa joo Isirayɛli ye ma mí be pye: ‹Ki n yɛlɛ ye kàsuro-jée-kèye nyɛ́nɛ ye wòlo yeyɛɛ kéeli na, yoro yee kéele mii joo Mowizi ma a wi jo yele ma lè,

Zyozuwe 20:4

Syɛɛnkpóow ga fàn n sáà nan kěyi bee kàa na, wi a yére kěgi kpàánweele na si wi kataali joo tɛ̀ɛn kěgi bee wólɛɛbéle na. Poro a wi syɔɔ lége ní peyɛɛ ní kěgi ni, si tɛɛkòrogo kaan wi ma wi pye yaà ní poro ní.