Zyozuwe 2:6 - Cebaara Bible 2010

⁶ Bi gi taa wi maa lúgu ní be ní kpáagi ǹjoʔo ni n sáà làriga lɛnjere láara ni, dee wi da taani yaà lè kpáagi ǹjoʔo ni.

Zyozuwe 2:6 Iomraidhean Croise

2 Samyɛli 11:2

A Davidi si kɔ́ɔ̀ yìri wi yasinɛgi na cangaa cângwɔʔɔ nyɔ́ɔ na ni nyaari ni máari fànʔafɔ-gbaagi ǹjoʔo ni, a wi cewaa wéle n nyaa wi i wíri, wee wi da tɔ̀nɔ n nyɔɔ lè gbanʔama.

2 Samyɛli 17:19

á céw fàniga tɔ́n kɔ̀lɔ́w nyɔ́ɔ na, níì míimɛ cariga gi na, jàngó syɔɔn faala a kɔ́ kúlo í.

1 Fànʔafɔbèle 18:13

Lǎli ni Zyezabɛli da ni Yawe kanyaajoobèle kúu lè, gee mii kpéʔele lè, wàa ga gee bee joo mɔ ma ì ni kàfɔlɔ? Mii maa kanyaajoobéle dabata làriga togoye siin ní kpɔrigɔ kpɔrigɔ nyanbeweeye ni, ní i yaliiri, ní lǒgi kaangi be ma, ni be nyɔ́ɔyi wóo.

1 Fànʔafɔbèle 18:4

Lǎli ni Zyezabɛli da ni Yawe kanyaajoobèle kúu lè kpóobeele na, Abidyasi maa kanyaajoobéle dabata láa n sáà làriga togoye siin ní kpɔrigɔ kpɔrigɔ nyanbeweeye ni, ní i yaliiri, ní lǒgi kaangi be ma, ni be nyɔ́ɔyi wóo.

2 Fànʔafɔbèle 11:2

Kàjáa Yehosyeba wi pye lè fànʔafɔw Yorami pyà, ní i nyɛ Akazya senyɛnnɛ, a woro Akazya jáaw Zyowasi làra n yirige fànʔafɔw jàala nínge ni lǎli ni pe da ni be kúu lè. A wi sáà wi lége ní wi gbóofɔw ní yasinɛyi kpaafungo ni. A be wi làriga Atalii na wi ga wi taa n kpóo í.

Yirile 2:2

A céw bee baa fícɛnnɛ taa n pyà see, nànbile. A wi gi nyaa wi n nyɔɔ, a wi wi làriga n baa taa yeye taanri.

Zyeremii 36:26

A fànʔafɔw gi joo n gbàn Yerakimeyɛli ma, wi lè fànʔafɔw jáa, ní Seraya ma, wi lè Aziriyɛli jáaw, ní Syelemya ma, wi lè Abideyɛli jáaw, níì jo pe sa sɛ́bɛkanw Baruki, ní kanyaajoow Zyeremii cò. Kàjáa a Yawe be làriga.

Matye 24:17

Wee wi ga pye lè binge ǹjoʔo ni, ki ga yɛlɛ wi tìgi wi jée gi ni bi jo woro a wi yáriri láa í.

Làlwaw Kaanziin 22:8

Mɔ ga kpaafɔngɔ faan, mi gunbiige faan kpáagi ǹjoʔo ni mi gi màʔa, koro ga pye mɔ a kɔ́ sìsyaan wolo kapeele yaʔa li nan mɔ kpáagi na í, gee bee n jo wàa ga láʔa yaà ki ǹjogi ni n baa too.

Kɔlɔsi ye 3:3

Níì cán yele n kùu, á yele sìíw si i nyɛ làrama ni ní Kirisi ní, Kolocɔlɔɔ ni.

Heburubèle 11:23

Tágali báriga ni, lǎli ni Mowizi seefɔbèle wi see lè, a be wi làriga n baa taa yeye taanri, níì cán pe maa gi nyaa wi i nyɛ pìicàɔn. Pe da fyáa fànʔafɔw kajoolo na í.

Zyaki 2:25

Arahabi wi da wírè pye lè nànjaacew, kánmi bee wonijanma na ban wi da wɔ́ɔ̀ sínni taa kapyegèle báriga ni ì, àmɛɛ wi da baa tundunbèle yaʔa a be tìrige woro na lè, ní kɔ́ɔ̀ be dɛ̀ɛmɛ a be lúru n kári kologaa nikwɔɔ ni?

Zyozuwe 2:5

Kpàánweeli làridɔnnɔ ni, cângwɔɔ-yébilimi ni, a nǎnbèle bee yiri n kári. Mii si ga be kàbangáriga cán í. Yaa syée be kurugo kelekele, yele a be nɛnɛ cò.»

Zyozuwe 2:7

A syɛ́ɛnbèle bee yiri n Zyuridɛn kólogi láa ni syée be kurugo n sáà nan tɛɛjeligi na. Lǎli ni be yiri be kurugo lè, a be kpàánweeli tɔ́n.

Zyozuwe 2:8

Sáni tundunlarabèle í sínɛ lè, a Arahabi lúgu be kurugo kpáagi ǹjoʔo ni,

Zyozuwe 6:25

Arahabi wi lè nànjaacew, Zyozuwe maa woro yaʔa sìi na n fàra wi tóow kpaʔa wòolo myɛ, ní wi wóbèle myɛ na. Níì cán tundunbèle bele Zyozuwe da tórigo pe sa Zyeriko saanri wéle lè, wi maa sáà bele bee làriga. A wi tɛ́ɛn Isirayɛli ye níngi ni fwɔɔ n baa nan níjanʔa na.