Zyozuwe 2:3 - Cebaara Bible 2010

³ Lǎli bee ni a Zyeriko fànʔafɔw tun a be sáà Arahabi pye: «Nǎnbèle pe baa tìrige mɔ ma n jée mɔ kpáagi ni lè, pe yirige naa. Níì cán tári be pan ba saanri wéle.»

Zyozuwe 2:3 Iomraidhean Croise

Sélimɛ 38:24

A yeye taanri félege ga kwɔ́ɔ a pe baa gi joo Zyuda ma níì jo: «Mɔ piiw cɔ́ɔ Tamari n nànjaara kpéʔele, àlí wi n caà fícɛnnɛ taa nànjaari bee fúngo ni.» Lǎli bee ni a Zyuda jo: «Ye wi yirige pe wi sórigo.»

Sélimɛ 42:31

A wolo si gi joo wi ma níì wi pye: ‹Wolo i nyɛ funvii-syɛ̀ɛnnɛ. Tundunlarabéle ban wolo nyɛ í.

2 Samyɛli 10:3

A Amɔn ye syɛɛnkpolobèle be kàfɔw Hanun pye: «A mɔ i sɔ̀ngí lé Davidi mɔ tóow kpɔ́ʔɔ wii, koro na wi kpɛʔɛlɛfɔɔlɔ tun naa mɔ ma? Wi ga wi syɛɛnkpolobèle tun naa mɔ ma pe ba kěgi saanri wéle làrama ni bi gi kánmi cán jàngó si ba gi kálagi wii ì?»

2 Samyɛli 17:20

A Abisalɔmi falipyebèle sáà jée céw bee kpaʔa ni níì jo: «Sán Ahimaasi ní Zyonatan nyɛ?» A céw be yari: «Pe n kári lǒgi jelige na.» A pe be caa n màʔa, pe ga be nyaa í. A be lúru n kári Zyerusalɛmi ma.

1 Cányi kèlē 19:3

A Amɔn ye syɛɛnkpolobèle si Hanun pye: «A mɔ i sɔ̀ngí Davidi mɔ tóow kpɔ́ʔɔ wii, koro na wi kpɛʔɛlɛfɔɔlɔ tun naa mɔ ma? Wi falipyebèle ga pan mɔ ma wii bi ba tári kánma cán jàngó bi di wéle làrama ni si di kálagi wii ì?»

Zyɔbi 21:30

Pe i kakolobyeo yaari bɔ̀nɔw canʔa na ní fundanʔagbɔɔri canʔa na.

Levii ye sáriga-wòlori 24:14

«Ye yiri ní mɛ́ɛkalagi-syɛ́ɛnri joofɔlɔ ní tɛɛkòrogi kàdoʔo ma. Bele myɛ be wi syɛ́ɛnri lóʔo lè, poro a sa be kɔ́yi taʔa wi nyúngi na, syɛ́ɛnmi myɛ si wi wábagi kpóo ní kàdɛnɛri ní.

Zyan 19:4

A Pilati níì yiri kàfugi na n baa be pye: «Ye wéle, mii a wi yirige naa kàfugi na yele ma, koro ga pye yele í gi cán mii ga tɛɛkolobile nyaa wi na í.»

Kapyegèle 12:4

Amɛɛ wi Pyɛri cò lè, a wi baa wi le kàsow ni, níì wi yaʔa sùlasiibéle sicɛrɛ-jɛrɛ tɛ́ɛyɛ sicɛrɛ ma níì jo paa wi kɔ̀rɔsíi taʔalagèlē taʔalagèlē, ní i gi sɔ̀ngí sɔ̀lɔ-mí-yaʔali séri kwɔ́ɔlɔ kadoʔo ma woro a wi yirige yérige Isirayɛli syɛ́ɛnbèle yɛ́ʔɛ ma.

Kapyegèle 12:6

Cángee na Herodi da ni caa bi Pyɛri yirige bi yérige syɛ́ɛnmi yɛ́ʔɛ ma lè, sáni ki nan lè koro yébiligi ni Pyɛri maa ni ŋúnɔ sùlasiibéle siin nínge ni, pe si maa wi pwɔɔ ní nyɔ̀ʔɔdiriye siin ní, kàsokpaàwelebèle pèle si i nyɛ kpaaweeli nyɔ́ɔ na.

Zyozuwe 10:23

Kánmi bee na pe gi kpéʔele n sáà fànʔafɔbèle bee kagunɔ yirige fálaweegi ni n pan wi ma. Poro be nyɛ Zyerusalɛmi fànʔafɔw, ní Heburɔn fànʔafɔw, ní Yarimuti fànʔafɔw, n fàra Lakiisyi fànʔafɔw, ní Egulɔn fànʔafɔw na.

Zyozuwe 2:2

A pe gi joo Zyeriko fànʔafɔw ma níì jo: «Wéle, Isirayɛli wóbèle pèle n pan naa yébiligi naa ni bi ba tári saanri wéle.»

Zyozuwe 2:4

Céw si maa nǎnbèle siin kɔ́ri n sáà làriga níì gi joo níì jo: «Kányɛʔɛ gii nǎnbèle pèle n tɔ̀nɔ n pan naa mii ma, kàjáa mii da tɔ́ɔ̀ be tɛɛyìrige cán í.

Jàbɔbèle 4:20

A wi níì wi pye: «Yére fànikpaagi nyɔ́ɔ na. Wàa ga nan naa ní baa mɔ yíbe níì jo: ‹A wàa i naa lé nɛɛ naa?› Mi wi pye: ‹Eʔe.› »