Zyozuwe 2:21 - Cebaara Bible 2010

²¹ A wi jo: «Amɛɛ yele gi joo lè, ki n yɛlɛ gi pye ànbée.» A wi be yaʔa a be kári. A pe ga kári a wi mɛɛnnyɛɛnni pwɔɔ fɛ̀nɛtiriw na.

Zyozuwe 2:21 Iomraidhean Croise

Yirile 12:28

Gee Yawe joo n gbàn Mowizi ní Aarɔn ma lè, a Isirayɛli ye kári n sáà gi kpéʔele kélemi n yɛlɛ ní gee bee ní.

Matye 7:24

«Syɔɔn o syɔɔn wi mii syɛ́ɛnri naa lúro lè, ní i gi kpéʔele àmɛɛ mii jo lè, wi a pye àmɛɛ sícilio nyɛ lè, wee wi wi kpáagi faan lè fálaga njoʔo ni.

Zyan 2:5

Lǎli bee ni a wi nɔ́ɔw fala n gi joo falipyebèle ma níì jo: «Yárigee faala wi ga kɔ́ɔ̀ jo yele í kpéʔele lè, ye gi kpéʔele.»

Zyozuwe 2:18

lǎli ni wolo ga baa jée tári ni lè, mi mɛɛnnyɛɛnni naa pwɔɔ fɛ̀nɛtiriw na, wee ni mɔ wolo yirige n tìrige lè. Mí mɔ tóow ní mɔ nɔ́ɔw kɔ́ri mi lége ní miyɛɛ ní kpáagi ni n fàra mɔ senyɛnbèle na be lè nǎnbèle, ní cébèle, ní mɔ kpaʔa wóbèle myɛ ní.

Zyozuwe 2:20

Mɔ si ga tɔ́ɔ̀ wolo kéeli joo syɔɔnwaa ma, kàligi gi nyɛ wo níngi ni lè, wolo a syɔɔ kàligi bee ma.»

Zyozuwe 2:22

A be kári n sáà nan nyanbeleyi na, níì kwɔ́ɔ yaà canya taanri fwɔɔ n taa bele pe da yiri be kurugo ni be caa lè, a poro lúru n pan. Pe maa sa ni be caa ni máari kólogi kàbanya myɛ na, pe si ga be nyaa í.