Zyozuwe 2:16 - Cebaara Bible 2010

¹⁶ A wi be pye: «Yaa syée nyanbeleyi ma ye sa làra yaà beè, kapye koro ban í bele be yiri n kári yele kurugo lè, pe a yele taa cò. Ki si n yɛlɛ ye sa canya taanri kwɔ́ɔ yaà bi taa bele be yiri n kári yele kurugo lè, pe lúru pan. Koro kàdoʔo ma yele a náa kólogi láa bàā syée.»

Zyozuwe 2:16 Iomraidhean Croise

Ŋúnuyi 11:1

Ŋúnuŋùúbèle kùndigi wóʔo. Davidi ŋúnugi. Yawe wi nyɛ mii tɛɛlàragi. Nyàʔá na yele a mii pye: «Tɔlɔyɔ wári maa syée mɔ nyanbelegi ma àmɛɛ féjɛɛnnɛ nyɛ lè?

Zyaki 2:25

Arahabi wi da wírè pye lè nànjaacew, kánmi bee wonijanma na ban wi da wɔ́ɔ̀ sínni taa kapyegèle báriga ni ì, àmɛɛ wi da baa tundunbèle yaʔa a be tìrige woro na lè, ní kɔ́ɔ̀ be dɛ̀ɛmɛ a be lúru n kári kologaa nikwɔɔ ni?

Zyozuwe 2:15

A wi be yirige fɛ̀nɛtiriw na n tìrige tǒw kàdoʔo ma ní mɛɛnnɛ ní. Níì cán wi kpáagi maa faan n pínɛ tǒw ni.

Zyozuwe 2:22

A be kári n sáà nan nyanbeleyi na, níì kwɔ́ɔ yaà canya taanri fwɔɔ n taa bele pe da yiri be kurugo ni be caa lè, a poro lúru n pan. Pe maa sa ni be caa ni máari kólogi kàbanya myɛ na, pe si ga be nyaa í.

1 Samyɛli 23:14

A Davidi kòro fìími tára ni, tɛɛnirigi ni. Wi maa ni kòró nyanbelegi na Ziifi fìími tára ni. Sawuli maa ni wi caa canʔa o canʔa, kàjáa Kolocɔlɔɔ ga wi le wi kɔ́yi ni í.