Zyozuwe 2:12 - Cebaara Bible 2010

¹² Koro na tɔ́ɔliw ni ki n yɛlɛ ye kàli mii ma Yawe na bi gi tɛ̀ɛn kacǎnni mii pye yele na lè, yele a wɔ́ɔ ba kacànna pye mii kpaʔa wóbèle na. Yé fɛ̀ɛwaa kaan ye yaʔa naa mii ma, wee na mii a gbǎn tága lè,

Zyozuwe 2:12 Iomraidhean Croise

Sélimɛ 21:23

Koro na tɔ́ɔliw ni ki n yɛlɛ mi kàli mii ma nɛɛ naa Kolocɔlɔɔ mɛ́ɛgi na bi gi tɛ̀ɛn mii na mɔ a tée mii jànváa í. Mɔ a wɔ́ɔ mii pìíbèle ní mii pìíbèle pìibēle jànváa í. Kàjáa kánmee na mii kacànna pye mɔ na lè, ki n yɛlɛ mɔ í wɔ́ɔ kacànna pye mii na, si wɔ́ɔ kacànna pye tári naa na, dee ni mɔ tɛ́ɛn lè.»

Sélimɛ 24:3

mii si mɔ kɔ́ri mɔ í kàli mii ma Yawe na, wi lè nyɛ̀ʔɛni Kolocɔlɔɔ ní tári Kolocɔlɔɔ, si jo mɔ a tée cɔlɔɔ láa Kanaan ye calipiigèle nínge ni bi kaan mii jáaw ma í, poro bele nínge ni mii nyɛ lè wee wodɛ́ɛɔn ní.

Sélimɛ 24:9

A falipyew wi kɔ́gi le wi kàfɔw Abirahami céekpɔɔli láara ni níì kàli wi ma kéeli bee na.

Sélimɛ 40:14

Kàjáa lǎli ni mɔ ga sáà kacǎnni taa lè, mii i mɔ nyɛ́ɛri ki n yɛlɛ mi sɔ̀ngi mi taa mii na, mí kacànna kpéʔele mii na. Mii kéeli tɛ̀ɛn Faraɔnw na, mí mii yirige kpáagi naa ni.

2 Cányi kèlē 36:13

Alí wi maa caà fànʔafɔw Nebukadinezari cée, woro wee wi da wi kɔ́ri a wi kàli Kolocɔlɔɔ na lè. A wi wi líiweeli pɛɛn níì wi zɔ̌nw gbàn, wi ga fɔ̀lɔ n lúru n pan Yawe Isirayɛli Kolocɔlɔw ma í.

Ɛsitɛri 8:6

Wɔʔɔgi ki a too mii syɛ́ɛnbèle na lè, mɛ̀ɛ́ mii a gbǎn gi nyaa si gi kpàraco? Ba mɛ̀ɛ́ mii a gbǎn mii naridulugi wòolo kwɔ́ɔ-mí-yirigele nyaa si pyèri bi sɛ́ɛ?»

Yirile 12:13

Kpáayee ni yele a pye lè, sìsyaanw a pye yele ma fɛ̀ɛ yi na. Mii a sìsyaanw bee wéle si sɔ̀lɔ yele na. Lǎli ni mii ga ni Ezyipiti tári kpúmɔn lè, kálagili wɔʔɔgɔ a tée nan yele na í.

Zyeremii 12:16

Pe ga baa mii syɛ́ɛnbèle kóloyo tama yákirii na, ní i kɛ̀ɛ́ mii mɛ́ɛgi na níì jo: ‹Yawe woweew mɛ́ʔɛ na!› Amɛɛ pe da mii syɛ́ɛnbèle tama pe i kɛ̀ɛ́ Baali mɛ́ɛgi na lè, lǎli bee ni pe a sámaga tɛ́ɛn mii syɛ́ɛnbèle nínge ni.

Mariki 14:44

Wee si wi nyɛ lè wi levɔw nigoobèle kɔ́yɔ ni, woro maa joo n tɛ̀ɛn be na níì be pye: «Yele ga sáà mii nyaa a mii wee syɔɔnri lè, woro wii. Ye wi cò yaa syée ní wi ní, yáā wi kɔ̀rɔsíi.»

Wɔrɔmi ye 1:31

ní ní i nyɛ sɔ̀ngumɔ-fùnvɔɔlɔ, ní nyɔɔfaliyi kálagifɔɔlɔ, ní tàmaga-fùnvɔɔlɔ, ní nyinimɛ-fùnvɔɔlɔ.

1 Timɔte 5:8

Syɔ́ɔnwee ga pye lè wi o wi syɛ́ɛnbèle màko nyɔɔgi í, àlí gee gi caà wi tiimaa kpáagi wòolo kéele kwɔ́ɔ lè, wee bee n tágali cée, ní wɔ́ɔ̀ pee n sɔ̀lɔ sìndagaɔ na.

Zyaki 2:13

níì cán syɔ́ɔnwee wi nyɛ lè wi o nyinimɛ taagi wi syɛɛnnyɛnbèle na í, Kolocɔlɔɔ a wɔ́ɔ ba nyinimɛ taa wee bee na wi kútiiw làrijoolo ni í. Wee wi nyinimɛ taagi syɛ́ɛnbèle na lè, wee bee a ní da fɛ̀ɛgí Kolocɔlɔɔ kútiiw kéele na í.

Zyozuwe 2:13

bi gi tɛ̀ɛn mii na yele a tɔ̀nɔ́ ba mii tóow ní mii nɔ́ɔw, ní mii senyɛnnǎnbèle, ní mii senyɛnjebèle, ní be wóbèle myɛ yaʔa sìi na, yele a wolo syɔɔ kùúw ma.»

Zyozuwe 2:18

lǎli ni wolo ga baa jée tári ni lè, mi mɛɛnnyɛɛnni naa pwɔɔ fɛ̀nɛtiriw na, wee ni mɔ wolo yirige n tìrige lè. Mí mɔ tóow ní mɔ nɔ́ɔw kɔ́ri mi lége ní miyɛɛ ní kpáagi ni n fàra mɔ senyɛnbèle na be lè nǎnbèle, ní cébèle, ní mɔ kpaʔa wóbèle myɛ ní.

Zyozuwe 2:19

Syɔ́ɔnwee faala wi ga yiri mɔ kpáagi ni n kári kàfugo ma lè, syɔ́ɔnw bee kpóolo kapeele a pye wi tiimaa nyúngi ni. Wi yàkɛɛ a pye wolo na í. Bele si ga kòro ní mɔ ní kpáagi ni lè, á syɔɔnwaa baa kɔlɔ̀ taʔa pe wàa na, wee bee kpóolo kapeele a pye wolo nyúngo wólo.

Zyozuwe 6:22

Nǎnbèle siin pe da sáà tári saanri n wéle lè, a Zyozuwe be pye: «Ye sa jée nànjaacew kpaʔa ni ye céw bee ní wi kpáagi wòolo myɛ yirige naa bi yɛlɛ ní kàligi ní yele da kpéʔele wi ma lè.»

Zyozuwe 9:15

A Zyozuwe bɛ̀ɛlɛ joogaanna kpéʔele ní be ní n gi tɛ̀ɛn pe a kòro sìi na. A syɛ́ɛnmi kùndigibéle kàli be ma.

Jàbɔbèle 1:24

A kɔ̀rɔsiifɔbèle sáà nànwaa nyaa a wi yiri kěgi ni. A be wi pye: «Kěgi tɛɛ̀jeele tɛ̀ɛn wolo na, wolo a kacànna pye mɔ na.»

1 Samyɛli 30:15

A Davidi wi pye: «A mɔ a fɔ̀lɔ́ kári lé ní mii ní bi sa kabigi bee tɛ̀ɛn mii na?» A wi wi yari: «Kàli mii ma Kolocɔlɔɔ na mí jo mɔ a mii kpóo í, mɔ a sa mii le mii kàfɔw kɔ́yɔ ni í. Lǎli bee ni mii a sa kabigi bee tɛ̀ɛn mɔ na.»