Zyozuwe 2:11 - Cebaara Bible 2010

¹¹ Wolo gee bee lóʔo lè, a koro wolo bárigaw kwɔ́ɔ, zɔ̀n ga níì pye syɔɔn faala ni yele yɛ́ʔɛ ma í. Níì cán Yawe wi lè yele Kolocɔlɔw, woro wi nyɛ Kolocɔlɔɔ nyɛ̀ʔɛni na yaà ǹjoʔo ma ní nɛɛ naa tári na táàma.

Zyozuwe 2:11 Iomraidhean Croise

1 Fànʔafɔbèle 8:60

Kánmi bee na tári syɛɛnfeleye myɛ a gi cán bi cán Yawe wi nyɛ Kolocɔlɔɔ, wàa nikwɔɔ ní o yaà í.

2 Fànʔafɔbèle 5:15

A wi lúru n pan Kolocɔlɔɔ syɔ́ɔnw ma ní wi taʔafɔbèle myɛ ní. Wi baa nan lè a wi yére wi yɛʔɛ̀ ma níì jo: «Wéle, mii n gi cán ncan kolocɔlɔwaa o nyɛ tári tɛ́ɛgaa faala ni kapye Isirayɛli ni ban í. Tɔ́ɔliw ni mii i mɔ nyɛ́ɛri, fɔ̀lɔ mi kpɔʔɔrɔ syɔɔ mɔ falipyew ma.»

Nehemii 6:16

Lǎli ni wolo nigoobèle myɛ kéeli bee lóʔo lè, syɛɛnfeleyi myɛ yi wolo màʔa lè, a yi fyáa. A yi tɔ̀nɔ n yiyɛɛ nyaa fɛ̀ɛrɛ wóyo ní, ní wɔ́ɔ̀ gi cán fáliw n kpéʔele n foro n yɛlɛ ní wolo Kolocɔlɔw nyɛ́nɛ kéele ní.

Ɛsitɛri 8:17

Fànʔafɔw tundunro, ní wi làlwaw sɛ́bɛ ga nan tátɛʔɛ o tátɛʔɛ, ní kàʔa o kàʔa, ní tɛʔɛ o tɛʔɛ na, ki n pye Zyefubèle ma fundaanra, ní mugurumɔ, ní lìigbɔɔlɔ, ní fɛ́tii canʔa. A tátɛɛyi syɛɛnfeleyaa saʔa yiyɛɛ kàriga Zyefubéle, níì cán pe maa fyáa Zyefubèle na.

Ŋúnuyi 102:15

Níì cán wi kàdɛnɛyi kéele n mɔ falipyebèle dɛ́nɛ, pe i nyinimɛ taagi wi támiigi na.

Ŋúnuyi 22:14

Ke i ge nyɔ́ɔyi múru mii kánmi na àmɛɛ càaraɔ nyɛ, wee wi kaara sulugu lè ní i kaana.

Ŋúnuyi 58:7

Ee Kolocɔlɔɔ, gǎngèle kabagi pe nyɔ́ɔyi ni! Ee Yawe, càarabiiyi kpàcɔʔɔlɔyɔ kabagi!

Ŋúnuyi 83:18

Fɛ̀ɛrɛ í be taa, fyáara í be cò làla o làla, ki n tɔ̀nɔ n yɛlɛ be curugo, bi kálagi!

Yirile 15:14

Syɛɛnfeleyi n gee bee lóʔo a yi i cɛ̀lɛ́. Fyáakpɔɔrɔ n Filisitini ye cò.

Yirile 15:15

Edɔmi sùlasiibèle kàfɔɔlɔ i fɛ̀ɛgí gbanʔama. Fyáara n Mowabi yòdaʔayi fànʔafɔbiigéle cò, a ge i cɛ̀lɛ́. Kanaan syɛ́ɛnbèle myɛ fànʔa n kwɔ́ɔ.

Ezayi 13:7

Koro na, kɔ́yi myɛ fànʔa i kwóo, nǎnbèle myɛ fúnyo i yirigi be ni.

Ezayi 19:1

Joogbanna, Ezyipiti kánmi na. Wéle, Yawe n lúgu fàfaan-cólogogo na ni maa Ezyipiti ma. Ezyipiti kolocɔlɔ-fáanabèle i cɛ̀lɛ́ wi yɛʔɛ̀ ma, zɔ̀nviigi i Ezyipiti ye kɔɔn.

Ezekyɛli 21:15

Kpóobeeli kéele na pe tɔ̀nɔ n wi jɔɔgɔ, pe n wi kurugo jàngó waa nyɛ́ʔɛnɛ. A wolo si yɛlɛ lé bàā fundaanra kpéʔele? Mii jáaw sàbinnɛ i tíiyi myɛ faari.

Nahumi 2:10

Ye wálifiiw fuguri ye láa! Ye tɛ́ɛw fuguri ye láa! Bàngwɔɔ lɔnɛʔɛrɛ i yaà ní lɔgbanri yárira yaleye féleye myɛ ní.

Làlwaw Kaanziin 1:28

Sán wolo a lúgu? Wolo senyɛnbèle n baa wolo bárigaw kwɔ́ɔ àmɛɛ pe baa gi joo lè níì jo: Syɛ́ɛnbèle bee n kpólo n sɔ̀lɔ wolo na, n wɔ́ɔ̀ tɔnɔ n sɔ̀lɔ wolo na, a be kěyi wɔ́ɔ̀ kpólo, á yi tǒbèle tɔnɔ fwɔɔ n sáà nan nyɛ̀ʔɛni na. Alí wolo n caà Anaki yòdaʔayi nyaa yaà.›

Làlwaw Kaanziin 20:8

Sùlasiibèle kàfɔɔlɔ a ní wɔ́ɔ gi joo syɛ́ɛnbèle ma si jo: ‹Wìí syɔ́ɔn wi fɛ̀ɛgí a wi bárigaw kwɔ́ɔ? Ki n yɛlɛ wi lúru waa syée wi kpaʔa ma, koro ga pye wi senyɛnbèle báriga a wɔ́ɔ kɔ́ kwɔ́ɔ àmɛɛ woro wów nyɛ lè í.›

Làlwaw Kaanziin 4:39

Koro na gi cán níjanʔa, mí gi cò mɔ fúngi ni, mi cán Yawe wi nyɛ Kolocɔlɔɔ, nyɛ̀ʔɛni na, ǹjogi ni, ní tári na naa táàma. Wàa ní o yaà ní woro ní í.

Zyozuwe 14:8

Mii senyɛnbèle bele si pe da kári ní mii ní lè, a poro baa syɛ́ɛnbèle báriga kaan a wi kwɔ́ɔ. Kàjáa mii maa Yawe mii Kolocɔlɔw kólogo tánʔa n foro.

Zyozuwe 2:24

Pe n baa gi joo Zyozuwe ma níì jo: «Kányɛʔɛ na Yawe n tɔ̀nɔ n tári myɛ le wolo kɔ́yi ni. Tári syɛ̀ɛnnɛ myɛ báriga n tɔ̀nɔ n kwɔ́ɔ wolo yɛ́ʔɛ ma.»

Zyozuwe 5:1

Amɔri ye fànʔafɔbèle myɛ be pye lè Zyuridɛn jeligi na canʔajeemɛ ma n fàra Kanaan ye fànʔafɔbèle myɛ na be pye lè Sólomi Lòkpɔʔɔ nyɔ́ɔ na, a pe ga gi lóʔo Yawe n Zyuridɛnw waʔa Isirayɛli ye yɛ́ʔɛ ma fwɔɔ n taa a be sɔ̀lɔ, zɔ̀n ga níì pye be ni í, a fyáari be cò Isirayɛli ye yɛ́ʔɛ ma.

Zyozuwe 7:5

A Ayi syɛ́ɛnbèle toko ní kpɔrigɔ ní kɔrɔni félege kpóo be ni. Pe maa be kɔ́ri n láa kěgi kpàánweele taana ni nɛnɛ fwɔɔ n sáà nan Syebarimi na, níì be jáa yaà beè nyanbelegi tìgimɛ ni. A syɛ́ɛnbèle fànʔa kwɔ́ɔ, zɔ̀n ga níì pye pe wàa faala ni í.

Zyozuwe 9:24

A be Zyozuwe yari: «Gee na wolo gee bee kpéʔele lè, koro gi nyɛ ncan ki n fílige n joo wolo ma wo nyɛ lè mɔ púlobèle níì jo Yawe mɔ Kolocɔlɔw maa gi joo n gbàn wi falipyew Mowizi ma níì jo wi tári naa myɛ kaan yele ma, si di syɛ́ɛnbèle myɛ kálagi yele yɛ́ʔɛ ma. Gee bee na wolo fyáa yele na gbanʔama wolo sìíw kéele na.

Tɛ̀ɛnnɛ 6:16

A be i yákpogèle wáa nyanbeleyi ní kàdɛnɛyi ma níì jo: «Ki n yɛlɛ ye too wolo na, ye wolo làriga fàngoli tɛ́ɛnfɔlɔ na, ní Bàpili fundanʔara na,