Zyozuwe 18:4 - Cebaara Bible 2010

⁴ Ye nànbēle taanri-daanri nyɛ́nɛ ye wòlo syɛɛnfelege o syɛɛnfelege ni. Mii a be tun be sa tári nyaari be màʔa, pé di kánmi sɛ́bɛ bi yɛlɛ ní be kɔ́rigi kánma ní, si lúru pan mii ma.

Zyozuwe 18:4 Iomraidhean Croise

Misye 2:5

Koro na mɔ a tée syɔɔn taa Yawe syɛɛnkpoʔolomi ni, wee wi mɛɛnnɛ cáan tálɛɛlɛ na lè í.

Córolo 1:4

Isirayɛli syɛɛnfeleyi myɛ nibin nibin nànbēle nibin nibin a pye ní yele ní, bele be nyɛ lè pe narigbaayi kùndigibéle.

Córolo 13:2

«Nànbēle tórigo pe sa Kanaan tári saanri be wéle, dee mii a kaan Isirayɛli ye ma lè. Ye nànbēle nibin nibin wòlo be tofɔlɛɛyi syɛɛnfeleye ni ye tun. Pe myɛ í pye kùndigibéle.»

Zyozuwe 18:3

A Zyozuwe Isirayɛli ye pye: «Táree Yawe yele tóolɛɛbèle Kolocɔlɔɔ kaan yele ma lè, làlìí yele ní i sigi si náa yìri bi di syɔɔ taa?

Zyozuwe 18:5

Pe a sa di tíla tɛɛyɛ kɔrɔsiin. Zyuda si n yɛlɛ bi kòro wi láʔagologi na, wòrogulo kàbangi na, Zyozɛfu kpáagi wòolo si wɔ́ɔ kòro pe láʔagologi na, solomɔkulo kàbangi na.

Zyozuwe 18:6

Koro na ye sa tári tíla tíla tɛɛyɛ kɔrɔsiin, yé gi sɛ́bɛ yaa maa nɛɛ naa mii ma. Mii a ba gɔ̌nw wáa yele ma di kéeli na nɛɛ naa Yawe wolo Kolocɔlɔw yɛ́ʔɛ ma.

Zyozuwe 18:9

A nǎnbèle bee kári n sáà tári nyaari n foro, níì di tíla tɛɛyɛ kɔrɔsiin, níì gee bee sɛ́bɛ sɛ́bɛwaa ni n yɛlɛ ní di kěyi ní, níì lúru n pan Zyozuwe ma tɛɛkòrogi ma Silo ni.

Zyozuwe 3:12

Tɔ́ɔliw ni ki n yɛlɛ ye nànbēle kɛɛ ní siin nyɛ́nɛ ye wòlo Isirayɛli syɛɛnfeleyi ni, gee bee n jo syɛɛnfelege o syɛɛnfelege í nàɔn nibin kaan.

Zyozuwe 4:2

«Ki n yɛlɛ ye nànbēle kɛɛ ní siin nyɛ́nɛ ye wòlo syɛ́ɛnbèle ni, gee bee n joo syɛɛnfelege o syɛɛnfelege ni nàɔn nibin.