Zyozuwe 18:3 - Cebaara Bible 2010

³ A Zyozuwe Isirayɛli ye pye: «Táree Yawe yele tóolɛɛbèle Kolocɔlɔɔ kaan yele ma lè, làlìí yele ní i sigi si náa yìri bi di syɔɔ taa?

Zyozuwe 18:3 Iomraidhean Croise

Kàseegèle 10:4

Syɔ́ɔnwee wi báara kɔvɔlɔmɔ ni lè, fɔ̌ngi i tuun wi na. Bele kɔ́yɔ si ni fànʔa nyɛ lè fáliw pyele na, pe i yarigaa taagi.

Kàseegèle 13:4

Yarira láa i nyɛ sàlagafɔlɔ na wi fúngi ni, wi si o di taagi í, kàjáa gee lòmaanafɔbèle caa be fúnyi ni lè, pe i gi taagi saʔa.

Kàseegèle 15:19

Sàlagafɔlɔ kólogo i nyɛ wúuro tɛɛsùlugo, kàjáa syɛɛnsinbèle kobile i nyɛ falafala.

Syɛɛnjóow 9:10

Yariga o yariga mɔ kɔ́gi ga taa bàā kpéʔele lè, da gi kpéʔele ní mɔ fangi myɛ ní. Níì cán kapyele, ní katimanana, ní cánna, ní sícilimɛ o yaà kúbèle tɛɛkòrogo ni beè mɔ syée lè í.

Sofonii 3:16

Cángi bee na, pe a gi joo Zyerusalɛmi ma si jo: «Siyɔn, mɔ a kɔ́ ra fɛ̀ɛgí í! Mɔ kɔ́yi a kɔ́ fɔlɔ í!

Matye 20:6

A wi níì yiri tèfalabèle gbaa ziin làla ni, n níì pèle nikwɔɔlɔ nyaa woyérebéle ní. A wi be pye: ‹Nyàʔá na yele yére nɛɛ naa n cángi kwɔ́ɔ fali fun?›

Zyan 6:27

Yaliiree di fɔ́ɔnri lè, ki ga yɛlɛ yele í da báara dee bee kéele na í, fwɔɔ dee di nyɛ lè ti a fɔ́nʔɔ bi nyaa í, ní i sìibangwɔɔw kaangi, ki n yɛlɛ yaa báara dee bee kéele na, Syɔɔn-pya wi a yaliiri bee kaan yele ma. Níì cán Tofɔw Kolocɔlɔɔ n wi nyɛ́nɛ n wòlo níì wi nyɔ́ɔgi syɛ́ɛnrɛ kaan wi ma.»

Zyozuwe 1:6

Ki n yɛlɛ mi nìrimɛ le, mí lòmaana le, níì cán mɔ bárigaw ni syɛ́ɛnbèle naa a tári kɔ́rigɔ lìi, dee kéele na mii da kàli be toolɛɛbèle ma níì jo mii a di kaan be ma lè.

Zyozuwe 13:1

Zyozuwe maa baa lɛɛ gbanʔama. Lǎli bee ni a Yawe wi pye: «Mɔ wi lɛɛ n kwɔ́ɔ wee gbanʔama, á tánɛʔɛrɛ si sèʔê kòro, dee di yɛlɛ di syɔɔ lè.

Zyozuwe 18:2

Isirayɛli ye syɛɛnfeleye kɔrɔsiin yi da kòro, yee yi lè yi da kɔ́ɔ̀ yi kɔ́rigi lɛɛlɛ taa í.

Zyozuwe 18:4

Ye nànbēle taanri-daanri nyɛ́nɛ ye wòlo syɛɛnfelege o syɛɛnfelege ni. Mii a be tun be sa tári nyaari be màʔa, pé di kánmi sɛ́bɛ bi yɛlɛ ní be kɔ́rigi kánma ní, si lúru pan mii ma.

Jàbɔbèle 18:9

A be jo: «Ye yìri wo sa too be na. Níì cán wolo n sáà tári nyaa, ti n tɔ̀nɔ n nyɔɔ. Yele a kɔ́ kòro kàa sìnjoo ni í. Ye a kɔ́ pye sàlagafɔɔlɔ í. Ye yìri yaa syée ye sa tári bee syɔɔ ye taa.