Zyozuwe 18:1 - Cebaara Bible 2010

¹ A Isirayɛli syɛ́ɛnmi myɛ piyɛɛ gbóʔoro Silo ma n sáà Syɛ́ɛnmi Tɛɛfaraga fànikpaʔa kóri yaà beè. Tári maa pye be kɔlɔ̀ na n kwɔ́ɔ.

Zyozuwe 18:1 Iomraidhean Croise

2 Samyɛli 7:6

Níì cán nlaa cángee na mii Isirayɛli ye yirige yaà lè Ezyipiti ni fwɔɔ n baa nan níjanʔa na, mii ga kɔ́ɔ̀ tɛ́ɛn kpaʔa ni í. Mii pye ni nyaari ni máari lè, fànikpaʔa ki da pye mii tɛɛ̀tɛ́ɛnni ki lè kpɔ̀ʔɔrɔli fànikpaʔa.

1 Fànʔafɔbèle 14:2

A Zyerobowami wi céw pye: Ki n yɛlɛ mi mɔ kánmi kàriga koro ga pye syɔɔn a kɔ́ gi cán bi cán mɔ i nyɛ Zyerobowami cɔ́ɔ í, mí kári Silo ma. Wéle, nɛɛ bee kanyaajoow Ahiya nyɛ, woro wee wi da gi joo mii kéeli na lè níì jo mii a ba pye syɛ́ɛnbèle naa fànʔafɔlɔ.

1 Fànʔafɔbèle 14:4

A Zyerobowami céw gi kpéʔele kánmi bee na, níì yìri n kári Silo ma n sáà jée Ahiya kpáagi ni. Ahiya da níì gbàn ni nyaagi í, níì cán wi nyapiigèle da ní ni kàragí í lɛɛri báriga ni.

1 Fànʔafɔbèle 2:27

Kánmi bee na Salomɔn Abyatari nɛnɛ n láʔa Yawe sáriga-wòlori fáli na jàngó syɛ́ɛnri í foro, dee Yawe da joo lè Helii kpáagi wòolo kéele na Silo ni.

Nehemii 9:24

Pe yòdaʔayi si n baa jée di ni n di syɔɔ n taa. Di syɛ́ɛnbèle pe lè Kanaan ye, mɔ n bele bee tìrige n cáan pe yɛʔɛ̀ ma, n be fànʔafɔbèle, ní di syɛ́ɛnbèle le be kɔ́yi ni, koro ga pye pe be cò bi yɛlɛ ni gi ní àmɛɛ ki be dɛ́nɛ lè.

Ŋúnuyi 78:60

Wi n Silo kpáagi yaʔa, fànikpaagi bee wi da yérige syɔɔn ye níngi ni lè.

Ŋúnuyi 78:66

wi n taʔa wi nigoobèle na ni kpúmɔn ni syée, wi n be kàriga yafaʔagéle, pe kòro nya làla o làla.

Zyeremii 26:6

lǎli bee ni mii a keele tɛ́ʔɛ kpáagi naa na àmɛɛ mii gi pye Silo na lè, si wɔ́ɔ kěgi naa pye dánga yáriga tári syɛɛnfeleye myɛ ma.› »

Zyeremii 26:9

Nyàʔá na mɔ kérigèle nyaagi ni nyuu Yawe mɛ́ɛgi na níì jo: Kpáagi naa a pye àmɛɛ Silo nyɛ lè, kěgi naa si jaa bi pye syɛ̀ɛnnɛ fun?» A syɛ́ɛnbèle myɛ tìn n kpóʔoro Zyeremii na n wi màʔa Yawe kpáagi ni.

Zyeremii 41:5

a nànbēle togoye sicɛrɛ yìri Sisyɛmi, ní Silo, ní Samarii ma n pan, pe bàʔajɔɔbèle maa pye wogunubéle ní, pe búroyi si i nyɛ wozuluguyo ní, á be peyɛɛ kɔnɔgi kɔnɔgi. Míimɛ sáriga, ní nùndanʔa yáriga maa pye be kɔ́yi ni bi ba wòlo sáriga Yawe kpáagi ni.

Córolo 32:22

tári ga sáà kòro Yawe kɔ́lɔ na á yele náà lúru n pan, lǎli bee ni yele a ní kolomɔ taa Yawe ní Isirayɛli ye ma í. Tári naa a pye yele kɔ́rigi Yawe yɛ́ʔɛ ma.

Kapyegèle 7:45

Amɛɛ wolo tóolɛɛbèle fànikpaagi bee taa lè, a poro ní Zyozuwe kári ní gi ní n sáà jée syɛɛnfeleyaa tára ni, yee Kolocɔlɔɔ nɛnɛ a yi fàn pe yɛ́ɛgi na lè. A gi kòro nya fwɔɔ n taa n baa nan Davidi lǎli na.

Zyozuwe 18:2

Isirayɛli ye syɛɛnfeleye kɔrɔsiin yi da kòro, yee yi lè yi da kɔ́ɔ̀ yi kɔ́rigi lɛɛlɛ taa í.

Zyozuwe 18:8

A nǎnbèle bee yìri n kári, poro bele pe da ni syée sa tári tímana bi pan lè. Zyozuwe si maa be pye: «Yaa syée ye sa tári nyaari ye màʔa, yé di kánmi sɛ́bɛ ye lúru yaa maa mii ma. Mii a ba gɔ̌nw wáa yele ma di kéeli na nɛɛ naa Silo ni, Yawe yɛ́ʔɛ ma.»

Zyozuwe 19:51

Yoro yi pye kɔ́riyi, yee sáriga-wòlow Eleyazari, ní Nun jáaw Zyozuwe, ní narigbaayi kùndigibéle lɛɛ lè ní gɔ̌nwáara ní Yawe yɛ́ʔɛ ma Silo ni n yɛlɛ ní Isirayɛli syɛɛnfeleyi ní, Syɛ́ɛnmi Tɛɛfaraga fànikpaʔa kpaaweele yɛ́ʔɛ ma. Kánmi bee na be tári lɛɛ n kwɔ́ɔ.

Zyozuwe 21:2

n sáà joo ní be ní Silo ni, Kanaan tári ni níì jo: «Yawe maa gi joo n gbàn Mowizi ma níì jo kèyaa n yɛlɛ yi kaan wolo ma wolo í tɛ́ɛn yi ni n fàra tári na ti yi màʔa lè, toro í pye wolo yaweeri kéele na.»

Zyozuwe 22:12

Lǎli ni Isirayɛli ye gee bee lóʔo lè, a Isirayɛli syɛ́ɛnmi myɛ piyɛɛ gbóʔoro Silo ma bi kári sa kapɛɛnnɛ kpúmɔn ní be ní.

Zyozuwe 22:19

Táree yele taa lè di pye yele wóro, kapye ti n nɔ́nʔɔ, ki n yɛlɛ ye jeli yaa maa Yawe tári ma ye ba tɛ́ɛn wolo níngi ni, beè Yawe tɛɛkòrogi nyɛ lè. Kàjáa ki ga yɛlɛ yele í Yawe cée í. Yele a kɔ́ ceri láʔa wolo na si ní sáriga-wòlo-yafaangaa faan yeyɛɛ wóʔo bi fàra Yawe wolo Kolocɔlɔw wóʔo na í.

Zyozuwe 22:9

A Wurubɛn ye, ní Gadi ye, ní Manase syɛɛnfelegi tíla yiri Isirayɛli wóbèle bele nínge ni, Silo ni, Kanaan tári ni n lúru n kári Galaadi tári ma, toro dee be taa lè n yɛlɛ ní gee ní Yawe da joo n gbàn Mowizi ma a wi joo lè.

Jàbɔbèle 18:31

Yafaangee Mika da sámaga lè, pe maa koro tɛ́ʔɛ yaà, a gi pye be woʔò lǎlee myɛ ni Kolocɔlɔɔ kpáagi pye lè Silo ni.

Jàbɔbèle 21:12

A be sáà nàngeele sinján pìcaala saala siin nyaa yaà Yabɛsyi ni, Galaadi tári ni, bele be lè pe da kɔ́ɔ̀ sínɛ ní nàɔn ní n nàngeele cán í. A be pan ní be ní tɛɛ̀tɛ́ɛngi ma Silo ma, Kanaan tári ni.

Jàbɔbèle 21:19

A be jo: «Wéle, Yawe fɛ́tiiw i kpéʔele yɛɛlɛ o yɛɛlɛ Silo ma wi lè Betɛli solomɔkulo ma. Kólogi gi yìri Betɛli ma ni syée Sisyɛmi ma lè, wi i nyɛ gee bee canʔafolomɔ ma, Lebona wòrogulo ma.»

1 Samyɛli 1:24

Lǎli ni wi wi láʔa yíremi na lè, a wi kári ní wi ní Yawe kpáagi ma Silo ma. Wi si maa yɛ̀ʔɛlɛ taanri náapɛɛlɛ cò n kári n fàra míimɛ gɔnvaʔa-nyɛ́nnɛ, ní dùvɛɛn kpàbi-nyɛ́nnɛ na. Pìíw si maa cɛ́rɛ.

1 Samyɛli 1:3

Yɛɛlɛ o yɛɛlɛ nǎnw bee maa ni yìrigí wi kěgi ma ni lúru ni syée Silo ma bi sa Nyɛ̀ʔɛni Sùlasiibéle Kafɔlɔ Yawe kpɔ̀ʔɔrɔ, si sáriga wòlo wi ma. Beè Helii jáabèle siin da pye, pe lè Hofinii, ní Fineyasi. Pe maa pye Yawe sáriga-wòlobēle.