Zyozuwe 16:10 - Cebaara Bible 2010

¹⁰ Kanaan ye be pye wodɛ́ɛnbéle ní Gezɛɛri ni lè, pe ga bele bee nɛnɛ n yirige yaà í. Kanaan ye sèʔé i nyɛ wodɛ́ɛnbéle ní Efirayimi ye níngi ni àlí n baa nan níjanʔa na. Kàjáa pe n be kɔ́ri pe i pɔrɔtɔɔri fáli kpéʔele.

Zyozuwe 16:10 Iomraidhean Croise

1 Fànʔafɔbèle 9:15

Pɔ́rɔtɔɔri fáli na fànʔafɔw Salomɔn da syɛ́ɛnbèle kɔ́ri n cáan lè, woro wi nyɛ wee naa. Wi n be kɔ́ri a be Yawe kpáagi ní woro tiimaa kpáagi faan, ní Milo, ní Zyerusalɛmi tǒw, ní Hasɔɔri, ní Megido n fàra Gezɛɛri na.

1 Fànʔafɔbèle 9:16

Faraɔnw, gee bee n jo Ezyipiti fànʔafɔw, woro maa kári n sáà too Gezɛɛri na n gi jáa níì gi sórigo. Kanaan ye be pye wodɛ́ɛnbéle ní kěgi ni lè a wi poro kpóo, níì gi kaan wi pìíw ma wi pye lè Salomɔn céw, gi pye cèpɔrigi yakanʔa.

1 Fànʔafɔbèle 9:21

poro bele yòdaʔaya yi da kòro lè tári ni pe kàdoʔo ma, níì cán Isirayɛli da gbàn n be kálagi n kwɔ́ɔ péw í, a Salomɔn bele bee pèle kɔ́ri, a be pye pɔrɔtɔɔri fáli púlobéle fwɔɔ n baa nan níjanʔa na.

2 Cányi kèlē 8:8

pe yòdaʔayi wòolo pe da kòro naa lè pe kàdoʔo ma tári ni, poro bele be lè Isirayɛli ye da be kálagi n kwɔ́ɔ péw í, a Salomɔn poro cáan pɔ́rɔtɔɔri fáli na, koro ni be nyɛ fwɔɔ n baa nan níjanʔa na.

Zyozuwe 10:33

Lǎli bee ni Horami wi lè Gezɛɛri fànʔafɔw, a woro kári sa Lakiisyi ye dɛ̀ɛmɛ. A Zyozuwe wi ní wi syɛ́ɛnbèle myɛ kpóo. Pe wàa nibin ga syɔɔ í.

Zyozuwe 15:63

Yebusi ye pe da pye lè Zyerusalɛmi ni, Zyuda yòdaʔayi ga gbàn n be nɛnɛ n yirige yaà í. Yebusi ye i nyɛ wodɛ́ɛnbéle ní Zyuda yòdaʔayi nínge ni, Zyerusalɛmi ni fwɔɔ n baa nan níjanʔa na.

Zyozuwe 16:9

Pe maa kèyaa wòlo n fàra yi kèpiigèle na Manase yòdaʔayi kɔ́rigɔ ni n yaʔa Efirayimi yòdaʔayi ma.

Zyozuwe 17:12

Manase jáabèle da gbàn n kěyi bee syɔɔ n taa í. Kanaan ye da fɔ̀lɔ n yiri tári bee ni í.

Zyozuwe 17:13

Lǎli ni si Isirayɛli ye baa fànʔa taa lè, a be Kanaan ye kɔ́ri pe i pɔrɔtɔɔri fáli kpéʔele, pe ga gbàn n be nɛnɛ n yirige yaà í.

Jàbɔbèle 1:29

Kanaan ye be pye wodɛ́ɛnbéle ní Gezɛɛri ni lè, Efirayimi ga be nɛnɛ n yirige yaà í. A Kanaan ye tɛ́ɛn yaà Efirayimi ye níngi ni, Gezɛɛri ni.