Zyozuwe 15:8 - Cebaara Bible 2010

⁸ Láʔagologi maa láa beè Bɛn-Hinɔmi jǐnlɔgi ma, Yebusi wòrogulo kòlodìgimi ni, wi lè Zyerusalɛmi, níì lúgu n kári fwɔɔ n sáà sɔ̀lɔ nyanbelegi ǹjoʔo ni, ki lè Hinɔmi jǐnlɔgi yɛ́ʔɛ ma canʔajeemɛ ma, ní Erefa ye jǐnlɔgi láʔala na solomɔkulo ma yaà.

Zyozuwe 15:8 Iomraidhean Croise

2 Samyɛli 5:18

Filisitini ye maa pan n baa yàli Erefa ye jǐnlɔgi ni.

2 Samyɛli 5:22

A Filisitini ye níì pan n baa yàli Erefa ye jǐnlɔgi ni.

2 Fànʔafɔbèle 23:10

Fànʔafɔw maa Tofɛti yasorigo-tɛ́ɛgi nɔ́nʔɔ gi pye lè Hinɔmi jáaw jǐnlɔgɔ ni, koro ga pye syɔɔn faala a ní kɔ́ wi pyà kaan be sórigo yaà Mɔlɔki ma í, nànbile yoo, calipile yoo.

1 Cányi kèlē 11:4

A Davidi lúgu n kári ní Isirayɛli ye myɛ ní Zyerusalɛmi kánmi na, ki lè Yebusi. Nɛɛ bee Yebusi ye da pye, pe lè tári wòolo.

2 Cányi kèlē 28:3

A wi i nùndaanna yárira sórogi Hinɔmi jáabèle jǐnlɔgɔ ni, ní i wi jáabèle kaangi pe i sórogi náagi ni n yɛlɛ ní syɛɛnfeleyi kapeeye pyeganma ní, yoro yee Yawe da nɛnɛ n yirige yaà lè Isirayɛli ye yɛ́ʔɛ ma.

Nehemii 11:30

ní Zanowa, ní Adulami, ní yi kěyi ni, ní Lakiisyi, ní gi sìnbirigi ni, ní Azeka, ní gi tɛ́nɛmi kèye ni. A be tɛ́ɛn yaà beè n séli Bɛɛri-Syeba na fwɔɔ n sáà nan Hinɔmi jǐnlɔgi na.

Ezayi 17:5

Ki a pye àmɛɛ yaliilaaɔ yaliire lée ni kpóʔoro lè, ní i yaliikanyi cɛnɛ ní wi kɔ́gi ní, ki a pye mɔ a jo pe i yaliikɔrɔ caa Erefa ye jǐnlɔgi ni.

Zyeremii 19:14

A Zyeremii ga yìri yaà Tofɛti ma n lúru n pan, beè Yawe da wi tórigo wi sa kérigèle nyaa-mí-joolo kpéʔele lè, a wi baa yére Yawe kpáagi kadàala na, níì gi joo syɛ́ɛnbèle myɛ ma níì jo:

Zyeremii 19:2

mi yiri maa syée Bɛn-Hinɔmi jǐnlɔgi ma, ki i nyɛ Cóofaan-tɛ́ɛgi kpàánweele yɛ́ʔɛ ma. Mɔ a sa yákpoli wáa ní syɛ́ɛnri ní yaà beè, dee mii a joo mɔ ma lè.

Zyeremii 19:6

Koro na wéle, canyaa i maa, Yawe wi jo nya, yee ni lè pe a ní da tɛ́ɛgi naa yiri Tofɛti í, ní Bɛn-Hinɔmi jǐnlɔgɔ í. Kàjáa pe a ra gi yiri kpóobeeli jǐnlɔgɔ.

Zyozuwe 15:63

Yebusi ye pe da pye lè Zyerusalɛmi ni, Zyuda yòdaʔayi ga gbàn n be nɛnɛ n yirige yaà í. Yebusi ye i nyɛ wodɛ́ɛnbéle ní Zyuda yòdaʔayi nínge ni, Zyerusalɛmi ni fwɔɔ n baa nan níjanʔa na.

Zyozuwe 18:16

A láʔagologi tìgi n kári n sáà nan nyanbelegi láʔala na ki lè Bɛn-Hinɔmi jǐnlɔgi zìnmɛ na, Erefa ye jǐnlɔgi solomɔkulo ma, níì tìgi Hinɔmi jǐnlɔgi ni n kári n sáà nan Yebusi ye wòrogulo kàbangi na, ní níì tìgi fwɔɔ n sáà nan Ɛn-Worogɛli na.

Zyozuwe 18:28

ní Sela, ní Elɛfi, ní Yebusi, pe ba ni yiri lè Zyerusalɛmi, n fàra Gibeyati ní Kiiriyati na. A yoro pye kèye kɛɛ ní sicɛrɛ n fàra yi kèpiigèle na. Koro gi pye Bɛnzyamɛ yòdaʔayi kɔ́rigɔ n yɛlɛ ní be túluyi ní.

Jàbɔbèle 1:21

Yebusi ye be pye wodɛ́ɛnbéle ní Zyerusalɛmi ni lè, Bɛnzyamɛ yòdaʔayi ga be nɛnɛ n yirige yaà í, a Yebusi ye tɛ́ɛn Zyerusalɛmi ni ní Bɛnzyamɛ yòdaʔayi ní fwɔɔ n baa nan níjanʔa na.

Jàbɔbèle 1:8

A Zyuda yòdaʔayi sáà too Zyerusalɛmi na n gi syɔɔ n taa níì ŋɔséew tɛ́ʔɛ n gi jaa, níì gi sórigo ní naà ní.

Jàbɔbèle 19:10

Kàjáa nǎnw ga fɔ̀lɔ bi syɔ́ɔn í. A wi yìri ni syée, ní sáà nan Yebusi zǐnmi na, ki lè Zyerusalɛmi, woro ní wi céw ní, n fàra jòfanibèle siin na, bele na yatɛ́ɛngéle pye lè.