Zyozuwe 15:1 - Cebaara Bible 2010

¹ Tálɛɛli pe da kaan Zyuda yòdaʔayi syɛɛnfelege ma lè n yɛlɛ ní be túluyi ní, li maa kári fwɔɔ n sáà nan Edɔmi láʔagologi na, Sɛn fìími tára ni wòrogulo kàbangi na, wòrogulo láʔali na yaà.

Zyozuwe 15:1 Iomraidhean Croise

Sélimɛ 35:23

Pìíbèle Leya see wi ma lè, poro be nyɛ, Wurubɛn, wi pye lè Zyakɔbi pìilɛɛw, ní Simeyɔn, ní Levii, ní Zyuda, ní Isakari, ní Zabulɔn.

1 Fànʔafɔbèle 8:65

Lǎli bee ni a Salomɔn fɛ́tiiw kpéʔele woro ní Isirayɛli ye myɛw ní. A syɛɛnnɛʔɛmɛ yìri yaà n séli Lebo-Hamati ma n sáà nan Ezyipiti lòcoologi na n pan n baa kpóʔoro Yawe wolo Kolocɔlɔw yɛ́ʔɛ ma canya kɔrɔsiin fúngo ni, ní níì yàa kɔrɔsiin fàra yaà, a yi pye canya kɛɛ ní sicɛrɛ.

Ezekyɛli 47:19

Wòrogulo kàbangi wóʔo a séli Tamari na, bi kári fwɔɔ sa nan Meriba lògi na, Kadɛsyi ma, si kári fwɔɔ bi sa nan lókologi na Sólomi Lòkpɔʔɔ kabaan na, koro ki a pye wòrogulo kàbangi láʔagologo, wòrogulo ma.

Ezekyɛli 48:7

N séli Wurubɛn láʔagologi na canʔafolomɔ ma n sáà nan canʔajeemɛ na, koro i nyɛ Zyuda syɛɛnfelegi wóʔo.

Córolo 20:16

A wolo si yákpogèle wáa Yawe kurugo, a wi wolo yákpogèle lóʔo, níì nyɛ̀ʔɛni tundunwaa tun a wi baa wolo yirige Ezyipiti ni. Wolo si wo nan bele Kadɛsyi na, kěgi gi nyɛ lè mɔ tásaligi láʔagologo na.

Mariki 3:8

n náà fàra Zyerusalɛmi kěgi wòolo ní Idume tári, ní Zyuridɛnw jelige woolo na, a syɛɛnnɛʔɛmɛ wɔ́ɔ̀ yìri Tiiri ní Siidɔn taana kěyi ma, àmɛɛ pe da wi kapyegèle myɛ kéele lóʔo lè.

Làlwaw Kaanziin 32:51

Níì cán yele n sìnzinmɛ kéele kpéʔele mii na Isirayɛli ye níngi ni, Meriba lógi ma, Kadɛsyi ma, Sɛn fìími tára ni. Yele ga mii tɛ̀ɛn wojaɔn ní Isirayɛli ye níngi ni í.

Zyozuwe 14:2

Pe maa gɔ̌nwáara tɛ́ʔɛ n be kɔ́rigi lɛɛ be na n yɛlɛ ní gee ní Yawe da joo n gbàn Mowizi ma a wi joo lè syɛɛnfeleyi kpanjɛrɛ ní tílaw kéele na.

Zyozuwe 15:2

Pe wòrogulo kàbangi láʔagologo maa séli Solonɛʔɛmi Lɔ̀ʔɔ tɛɛ̀laʔala na, wòrogulo kàbangi na.

Zyozuwe 18:5

Pe a sa di tíla tɛɛyɛ kɔrɔsiin. Zyuda si n yɛlɛ bi kòro wi láʔagologi na, wòrogulo kàbangi na, Zyozɛfu kpáagi wòolo si wɔ́ɔ kòro pe láʔagologi na, solomɔkulo kàbangi na.