Zyozuwe 14:2 - Cebaara Bible 2010

² Pe maa gɔ̌nwáara tɛ́ʔɛ n be kɔ́rigi lɛɛ be na n yɛlɛ ní gee ní Yawe da joo n gbàn Mowizi ma a wi joo lè syɛɛnfeleyi kpanjɛrɛ ní tílaw kéele na.

Zyozuwe 14:2 Iomraidhean Croise

Kàseegèle 16:33

Pe i gɔ̌nw wáa búrogi na, kàjáa Yawe wi nyɛ syɛɛnsanri joofɔlɔ.

Kàseegèle 18:18

Gɔ̌nwáari i kàkabalayi kwóo, ní i nànniribèle láʔala peyɛɛ na.

Ezekyɛli 45:1

« ‹Lǎli ni yele ga ni tári lee lè di pye kɔrigɔ gɔ̌nwáari báriga ni, ye lɛɛjanna wòlo di ni ye yaʔa kɔlɔ̀ na Yawe ma, li tɔnɔganmi a pye cúlobéle kɛɛ ní siin ní tíla, li kpɔ́ʔɔganmi si pye cúlobéle kagunɔ, ti a pye yacanga di tɛ́ɛyi myɛ ni.

Córolo 26:52

A Yawe gi joo Mowizi ma níì jo:

Córolo 33:54

Yele a tári lɛɛ kɔrigɔ ní gǒnwáara ní, bi yɛlɛ ní yele túluyi ní. Narigbaagee ga kpɔ́ʔɔ lè, ye gee bee kɔ́rigɔ kpɔ́ʔɔ, gee si ga cɛ́rɛ lè, ye gee bee kɔ́rigɔ cɛ́rɛ. Syɔɔn gɔnw ga too tɛ́ɛgee na lè, gee bee a pye wi woʔò. Yele a kɔ́rigi taa bi yɛlɛ ní yele tóobèle syɛɛnfeleye ní.

Córolo 34:13

A Mowizi syɛ́ɛnri naa joo n gbàn Isirayɛli ye ma níì jo: «Tári bee yele a lɛɛ yeyɛɛ na ní gǒnwáari ní. Yawe n jo ti n yɛlɛ bi kaan syɛɛnfeleyi kpanjɛrɛ ní tíla ma.

Córolo 34:17

«Nǎnbèle bele pe a tári lɛɛ yele na lè, poro mɛ́ɛyi yi nyɛ yee naa: Sáriga-wòlow Eleyazari, ní Zyozuwe wi lè Nun jáaw.

Matye 25:34

Lǎli bee ni fànʔafɔw a gi joo wi kàliige wóbèle ma: ‹Yaa maa, mii Tóow dùba pìibēle, ye ba fǎngi kɔ́rigɔ lìi, gee gi sámaga yele kéeli na lè nlaa yaà dulunyanw sélimɛ na.

Kapyegèle 1:26

A be gɔ̌nw wáa be kéeli na a gɔ̌nw Matyasi tɛ̀ɛn, a be wi fàra pìitunbèle kɛɛ ní nibin na.

Zyozuwe 13:7

Koro na ki n yɛlɛ mi tári naa lɛɛ tɔ́ɔliw ni syɛɛnfeleyi kpanjɛrɛ ní Manase syɛɛnfelegi tíla na.»

Zyozuwe 18:10

A Zyozuwe gɔ̌nw wáa be ma Silo ni, Yawe yɛ́ʔɛ ma, níì tári lɛɛ lɛɛ Isirayɛli ye na yaà beè n yɛlɛ ní be tílaganmi ní.

Zyozuwe 18:6

Koro na ye sa tári tíla tíla tɛɛyɛ kɔrɔsiin, yé gi sɛ́bɛ yaa maa nɛɛ naa mii ma. Mii a ba gɔ̌nw wáa yele ma di kéeli na nɛɛ naa Yawe wolo Kolocɔlɔw yɛ́ʔɛ ma.