Zyozuwe 13:6 - Cebaara Bible 2010

⁶ ní nyanbeleyi kúlo syɛ̀ɛnnɛ myɛ, nlaa yaà Liban na fwɔɔ n sáà nan Misirefɔti-Mayɛn na, gee bee n jo Siidɔn ye myɛw. Mii a be nɛnɛ yirige yaà Isirayɛli ye yɛ́ʔɛ ma. Ki si n yɛlɛ mɔ í dee bee myɛ kaan Isirayɛli ye ma kɔrigɔ ní gɔ̌nwáari ní bi yɛlɛ ní gi ní àmɛɛ mii gi joo n gbàn mɔ ma lè.

Zyozuwe 13:6 Iomraidhean Croise

Ŋúnuyi 80:8

Kolocɔlɔɔ, mɔ wi lè Nyɛ̀ʔɛni Sùlasiibéle Kafɔlɔ, ki n yɛlɛ mi wolo lúrugo mi télege! Mí mɔ yɛ́ɛgi gbɛ̀ɛnmɛ yirige koro ga pye wolo a syɔɔ.

Córolo 33:54

Yele a tári lɛɛ kɔrigɔ ní gǒnwáara ní, bi yɛlɛ ní yele túluyi ní. Narigbaagee ga kpɔ́ʔɔ lè, ye gee bee kɔ́rigɔ kpɔ́ʔɔ, gee si ga cɛ́rɛ lè, ye gee bee kɔ́rigɔ cɛ́rɛ. Syɔɔn gɔnw ga too tɛ́ɛgee na lè, gee bee a pye wi woʔò. Yele a kɔ́rigi taa bi yɛlɛ ní yele tóobèle syɛɛnfeleye ní.

Zyozuwe 1:6

Ki n yɛlɛ mi nìrimɛ le, mí lòmaana le, níì cán mɔ bárigaw ni syɛ́ɛnbèle naa a tári kɔ́rigɔ lìi, dee kéele na mii da kàli be toolɛɛbèle ma níì jo mii a di kaan be ma lè.

Zyozuwe 11:12

A Zyozuwe wɔ́ɔ̀ fànʔa taa fànʔafɔbèle bee kèye myɛ, ní yi fànʔafɔbèle myɛ na. A wi be kpóo ní ŋɔséew ní. Wi n be kpóo péw àmɛɛ Yawe falipyew Mowizi da gi joo n gbàn lè.

Zyozuwe 11:8

A Yawe be le Isirayɛli ye kɔ́yi ni. A be fànʔa taa be na, níì be kɔ́ri n láa ni nɛnɛ ni syée fwɔɔ n sáà nan Siidɔn na ki lè kèkpɔɔgi, ní wɔ́ɔ sáà nan Misirefɔti-Mayɛn, ní Misipa jǐnlɔgi na canʔafolomɔ kabangi na. A pe be kálagi n kwɔ́ɔ. Pe ga wàa nibin yaʔa a wi syɔɔ í.

Zyozuwe 13:7

Koro na ki n yɛlɛ mi tári naa lɛɛ tɔ́ɔliw ni syɛɛnfeleyi kpanjɛrɛ ní Manase syɛɛnfelegi tíla na.»

Zyozuwe 23:13

ye gi fílige ye cán Yawe yele Kolocɔlɔw a ní kòro bàā syɛɛnfeleyi bee nɛnɛ da yirigi yele yɛ́ʔɛ ma í. Kàjáa yi a pye yele na cɔ̀ɔ, ní karinyanga, ní sapile yele lɛ̀ʔɛgèle ni, bi pye wúuro yele nyapiigèle ni fwɔɔ bi taa yele í kwɔ́ɔ yiri tácǎnri naa ni, dee Yawe yele Kolocɔlɔw kaan yele ma lè.

Zyozuwe 23:4

Ye wéle, syɛɛnfeleyi bee wozanya yi kòro lè n séli yaà Zyuridɛnw na, ní yee myɛ mii kálagi n kwɔ́ɔ lè péw fwɔɔ n sáà nan Sólomi Lòkpɔʔɔ na canʔatoomɔ ma, mii n yee bee myɛ tára lɛɛ yele na gɔ̌nw wáala báriga ni a di pye yele Isirayɛli ye syɛɛnfeleyi kɔ́rigɔ.

Zyozuwe 23:5

Yawe yele Kolocɔlɔw a yi ŋɔrigɔ bi léeli yele na bi yi nɛnɛ yirige yaà yele yɛ́ʔɛ ma. Yele a yi tári syɔɔ taa bi yɛlɛ ní gi ní àmɛɛ Yawe yele Kolocɔlɔw gi joo yele ma lè.