Zyozuwe 13:3 - Cebaara Bible 2010

³ nlaa Syihɔri lógi na gi fóo ni sɔ̀lɔ́ lè Ezyipiti yɛ́ʔɛ ma fwɔɔ n sáà nan Ekurɔn láʔagologi na solomɔkulo kàbangi na. Tári bee di córo Kanaan ye wóri, gee bee n jo dee Filisitini ye fànʔafɔbèle kagunɔ da ni kàragí lè pe lè Gaza wów, ní Asidɔdi wów, ní Asikalɔn wów, ní Gati wów, ní Ekurɔn wów n fàra Avii ye na.

Zyozuwe 13:3 Iomraidhean Croise

Sélimɛ 10:6

Kami jáabèle be nyɛ Kusyi, ní Misirayimi, ní Puti, ní Kanaan.

Sélimɛ 15:18

Cángi bee na a Yawe joogaanna kpéʔele ní Abirami ní níì jo: «Mii n tári naa kaan mɔ yodaʔayi ma, nlaa yaà Ezyipiti cábigi na n kári fwɔɔ n sáà nan cábikpɔɔgi na, gi lè Ufurati.

1 Fànʔafɔbèle 8:65

Lǎli bee ni a Salomɔn fɛ́tiiw kpéʔele woro ní Isirayɛli ye myɛw ní. A syɛɛnnɛʔɛmɛ yìri yaà n séli Lebo-Hamati ma n sáà nan Ezyipiti lòcoologi na n pan n baa kpóʔoro Yawe wolo Kolocɔlɔw yɛ́ʔɛ ma canya kɔrɔsiin fúngo ni, ní níì yàa kɔrɔsiin fàra yaà, a yi pye canya kɛɛ ní sicɛrɛ.

1 Cányi kèlē 13:5

A Davidi Isirayɛli ye myɛ kpóʔoro nlaa yaà Syihɔri na, ki lè Ezyipiti wógi, fwɔɔ n sáà nan Hamati tɛɛ̀jeeli na, jàngó pe sa Kolocɔlɔɔ kásuw láa Kiiriyati-Yeyarimi ma paa maa.

Ezayi 23:3

Yaliire maa ni maa lòkpoloyi ni, ti lè Niili wóri, cábigi yaliilaara di pye be tɔ̀nɔw tɛɛtaala. Koro gi pye syɛɛnfeleyi jàgiwáa-tɛ́ʔɛ.

Zyeremii 2:18

Tɔ́ɔliw ni nyàʔá mɔ kpéʔele Ezyipiti kólogi na, bi kári sa Niili cábigi lògaa gbaa lé? Nyàʔá mɔ kpéʔele Asirii kólogi na, bi kári sa cábigi lògaa gbaa lé?

Làlwaw Kaanziin 2:23

Avii ye be pye lè wodɛ́ɛnbéle ní kèpiigèle ni fwɔɔ n sáà nan Gaza na, Kafitɔri ye be yiri Kafitɔri ni lè, a poro pan n baa be kálagi n yirige yaà níì tɛ́ɛn pe sìndɛɛgi ni.

Zyozuwe 13:13

Kàjáa Isirayɛli ye da Gesyuri ye ní Maaka ye yirige yaà í. Gesyuri ye ní Maaka ye sèʔé i nyɛ wodɛ́ɛnbéle ní Isirayɛli ye níngi ni fwɔɔ n baa nan níjanʔa na.

Jàbɔbèle 16:5

A Filisitini ye fànʔafɔbèle kári wi ma n sáà wi pye: «Wi lɛ́ɛlɛ jàngó mɔ í gi cán sán wi wi fànnɛʔɛgi taa bi wɔ́ɔ gi cán kánmee na wolo a fànʔa taa wi na lè, wolo si wi pwɔɔ bi wi fwɔɔgɔ. Wolo myɛ nibin nibin a wálifiio saala kagunɔ kagunɔ ní dabata-da kaan mɔ ma.»

Jàbɔbèle 3:3

Syɛɛnfeleyi bee yi nyɛ Filisitini ye fànʔafɔbèle kagunɔ, ní Kanaan ye myɛw, ní Siidɔn ye, ní Hɛvi ye be pye lè wodɛ́ɛnbéle ní Liban nyanbeleyi kúlo ni, nlaa Baali-Hɛrimɔn nyanbelegi na fwɔɔ n sáà nan Lebo-Hamati na.

1 Samyɛli 5:1

A Filisitini ye Kolocɔlɔɔ kásuw láa Ebɛn-Ezɛɛri ma n kári Asidɔdi ma.

1 Samyɛli 5:10

Lǎli bee ni a be Kolocɔlɔɔ kásuw tórigo Ekurɔn ma. Lǎli ni Kolocɔlɔɔ kásuw jée Ekurɔn ni lè, a Ekurɔn ye i yákpogèle wáa ni gi nyuu níì jo: «Pe n pan ní Isirayɛli Kolocɔlɔw kásu ní wolo ma, koro ga pye bi ba wolo ní wolo syɛ́ɛnbèle kpóo.»

1 Samyɛli 5:8

A be tun a be sáà Filisitini ye fànʔafɔbèle myɛ yeri n kpóʔoro yaà poro ma, ní sáà jo: «Nyàʔá wo yɛlɛ bi kpéʔele ní Isirayɛli ye Kolocɔlɔw kásu ní?» A pe be yari: «Gati má Isirayɛli Kolocɔlɔw kásu yɛlɛ bi láa tórigo.» A be Isirayɛli Kolocɔlɔw kásu láa n tórigo yaà beè.

1 Samyɛli 6:4

A Filisitini ye jo: «Nyàʔá wolo yɛlɛ bi taʔa wi na kolomi sáriga?» A pe be yari: «Ye tɛɛ̀ tɛ́ʔɛ ye níkunyo niwiriye kagunɔ, ní tùbēle kagunɔ sámaga bi yɛlɛ ní Filisitini ye fànʔafɔbèle nyɔ́ɔ ní. Níì cán wɔʔɔnijanga ki da pye yele myɛ, ní yele fànʔafɔbèle na.