Zyozuwe 12:8 - Cebaara Bible 2010

⁸ Tári bee i nyɛ nyanbeleyi kúlo, ní tìgimi tára, ní Araba, ní nyanbeleyi tìgimɛ, ní fìími tára, ní wòrogulo kàbangi tára. Bele be pye tári bee ni lè, poro be pye Hɛti ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye.

Zyozuwe 12:8 Iomraidhean Croise

Sélimɛ 10:17

n fàra Hɛvi ye, ní Ariki ye, ní Sinii ye,

Sélimɛ 12:9

Koro kàdoʔo ma a Abirami taʔa n fala yɛʔɛ̀ ma. Wi maa ni tìrigí ní i yìrigí ni syée wòrogulo kàbangi na.

Sélimɛ 13:7

A kàsii jée Abirami yaweenaʔabèle ní Lɔti yaweenaʔabèle nínge ni. Koro n gi taa lǎli bee ni Kanaan ye, ní Perezi ye maa pye yaà wodɛ́ɛnbéle ní tári ni.

Yirile 23:23

Mii nyɛ̀ʔɛni tunduɔn a kári ní mɔ ní sa lége Amɔri ye tári, ní Hɛti ye wóri, ní Perezi ye wóri ni, n fàra Kanaan yé, ní Hɛvi ye ní Yebusi ye wóri na. Mii a bele bee myɛ kálagi péw.

Yirile 3:8

A mii si tìgi n pan ba be yirige Ezyipiti ye kɔ́yi ni, bi be yirige tári bee ni bi kári ní be ní táraa ma, dee di nyɔɔ lè níì kpɔ́ʔɔ. Táraa dii, dee di nyìn nɔ́nɔw, ní sárigi na ni fóo lè. Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye be yaà tári bee ni.

Làlwaw Kaanziin 7:1

«Lǎli ni Yawe mɔ Kolocɔlɔw ga sáà mɔ lége lè tári ni, dee ni mɔ a sa jée lè bi di syɔɔ taa, níì syɛɛnfeleyi nɛnɛ mɔ yɛ́ʔɛ ma, yee yi nɛʔɛ lè, yi lè Hɛti ye, ní Giirigasi ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye, syɛɛnfeleyi kɔrɔsiin, yee yi nɛʔɛ á yi fangi nɛʔɛ n sɔ̀lɔ mɔ wógi na lè,

Làlwaw Kaanziin 9:1

«Ki n yɛlɛ mi lóʔo Isirayɛli. Mɔ wi a Zyuridɛnw jeli wee níjanʔa, syɛɛnfeleyee yi nɛʔɛ lè á yi séew wɔ́ɔ̀ nɛʔɛ n sɔ̀lɔ mɔ wów na, mɔ a yee bee tára syɔɔ yi ma bi taa, si wɔ́ɔ kèkpoloyi taa, yee tòbēle be tɔnɔ fwɔɔ n sáà nan nyɛ̀ʔɛni na lè.

Zyozuwe 10:40

Zyozuwe maa tɔ̀nɔ n tári bee myɛ jáa, gee bee n jo ti nyanbeleyi kúlo, ní di wòrogulo kàbangi, ní di tɛɛfiigi, ní di nyanbeleyi tìgimɛ n fàra di fànʔafɔbèle myɛ na. Wi ga syɔɔn faala yaʔa a wi syɔɔ í. Yala o yala li ŋɔ́ngi lè, a wi ke myɛ kálagi péw n yɛlɛ ní gee ní Yawe Isirayɛli ye Kolocɔlɔw da joo n gbàn lè.

Zyozuwe 11:16

A Zyozuwe tári bee myɛ syɔɔ n taa, gee bee n jo ti nyanbeleyi kúlo, ní di wòrogulo kàbangi myɛ, ní Gosyɛn tári myɛ, ní tìgimi tára, ní Araba ní, n fàra Isirayɛli nyanbeleyi kúlo, ní li tìgimi tára na.

Zyozuwe 3:10

A Zyozuwe jo: «Gee naa a gi tɛ̀ɛn yele na yele í gi cán bi cán Kolocɔlɔɔ woweew i nyɛ yele níngi ni, si wɔ́ɔ gi cán bi cán wi a tɔ̀nɔ́ syɛ́ɛnbèle naa nɛnɛ yele yɛ́ʔɛ ma, poro bele be nyɛ lè Kanaan ye, ní Hɛti ye, ní Hɛvi ye, ní Perezi ye, ní Giirigasi ye, ní Amɔri ye, n fàra Yebusi ye na.

Zyozuwe 9:1

Lǎli ni Zyuridɛn canʔajeemɛ fanʔafɔbèle myɛ kéeli bee lóʔo lè, pe lè nyanbeleyi kúlo fànʔafɔɔlɔ, ní tɛɛfiigi, ní Sólomi Lòkpɔʔɔ nyɔ́ɔ fànʔafɔɔlɔ, nlaa n sáà sígi Liban na, pe nyɛ lè Hɛti ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye,

Jàbɔbèle 1:9

Koro kàdoʔo ma Kanaan ye be pye lè wodɛ́ɛnbéle ní nyanbeleyi kúlo ni, ní wòrogulo kabangi na, ní tɛɛfiigi ni lè, a Zyuda yòdaʔayi kári n sáà kapɛɛnnɛ kpúmɔn ní bele bee ní.