Zyozuwe 12:7 - Cebaara Bible 2010

⁷ Táree fànʔafɔɔlɔ Zyozuwe ní Isirayɛli ye kpóo lè Zyuridɛn jeligɔgee na canʔajeemɛ ma, nlaa yaà Baali-Gadi na Liban jǐnlɔgi ni fwɔɔ n sáà nan nyanbewaagi na ki yìri n wáa Seyiiri kàbangi na lè, a Zyozuwe be tári kaan Isirayɛli syɛɛnfeleyi ma, a di pye pe worò, n yɛlɛ ní be tílaganmi ní.

Zyozuwe 12:7 Iomraidhean Croise

Sélimɛ 14:6

Horii ye si na, pe maa poro jáa pe nyanbeleyi na yi lè Seyiiri wóyi, níì be kɔ́ri n láa fwɔɔ n sáà nan Ɛli-Paraan na, ki nyɛ lè fìími tára taana.

Sélimɛ 32:3

Lǎli ni Zyakɔbi be nyaa lè, a wi jo: «Kolocɔlɔɔ tɛɛkòrogi gi nyɛ gee naa.» A wi tɛ́ɛgi bee mɛ́ʔɛ le ni gi yiri Mahanayimi.

Sélimɛ 36:20

Seyiiri wi lè Horii ye wówaa, woro yòdaʔayi yi nyɛ yee naa, poro be pye tári bee kànɔɔnnɔ. Pe mɛ́ɛyi yi nyɛ: Lotan, ní Syobali, ní Sibeyɔn, ní Ana,

Sélimɛ 36:30

ní kùndigiw Disyɔn, ní kùndigiw Esɛɛri, ní kùndigiw Disyan. Poro be pye Horii ye kùndigibèle, pe kùndigibèle Seyiiri tári ni.

Sélimɛ 36:8

A Ezau sáà tɛ́ɛn Seyiiri nyanbelegi na Ezau wi nyɛ Edɔmi.

Ŋúnuyi 135:11

Sihɔn wi lè Amɔri syɛɛnfelegi fànʔafɔlɔ, ní Ogi wi lè Basyan fànʔafɔw, n fàra Kanaan tári fànʔafɔɔlɔ myɛ na.

Làlwaw Kaanziin 2:1

A wolo kolo n lúru n kári fìími tára ma, Nyɛ́nɛri solomɔ lɔ́ʔɔ kólogo ni, n yɛlɛ ní gi ní àmɛɛ Yawe da gi joo mii ma lè. A wolo Seyiiri nyanbeleyi kúlo màʔa canya saʔa ni.

Làlwaw Kaanziin 2:4

Syɛ́ɛnri naa joo mi gbàn syɛ́ɛnbèle ma mi be pye: Yele a sa foro yele senyɛnbèle tára ni pe lè Ezau pìíbèle, pe nyɛ lè wodɛ́ɛnbéle ní Seyiiri ni. Pe a fyáa yele na. Ki si n yɛlɛ yaa yeyɛɛ kɔ̀rɔsíi.

Zyozuwe 11:17

A wi fànʔa taa tári bee fànʔafɔɔlɔ myɛ na, níì be kpóo nlaa yaà nyanbewaagi na gi nyɛ lè Seyiiri kàbangi na fwɔɔ n sáà nan Baali-Gadi na, Liban jǐnlɔgi ni ki nyɛ lè nyanbelegi tìgimɛ ni ki lè Hɛrimɔn.

Zyozuwe 11:23

A Zyozuwe tári myɛ syɔɔ n taa n yɛlɛ ní gee myɛ ní Yawe da joo Mowizi ma lè. A Zyozuwe di kaan Isirayɛli ye ma kɔrigɔ àmɛɛ wi di tíla be na lè syɛɛnfeleye syɛɛnfeleye. A tári ŋɔ́n n daa kapɛɛnni fɔ̀rɔgɔ na.

Zyozuwe 3:17

Sáriga-wòlobèle pe da Yawe joogaanni kásu láa lè, a poro sámaga n yére tɛɛwaagi ni n kòro nya Zyuridɛnw nínge ni. A Isirayɛli ye myɛ i sɔ̀lɔ́ tɛɛwaagi ni fwɔɔ n taa a syɛɛnfelegi myɛ baa sɔ̀lɔ n kwɔ́ɔ n Zyuridɛnw jeli.

Zyozuwe 9:1

Lǎli ni Zyuridɛn canʔajeemɛ fanʔafɔbèle myɛ kéeli bee lóʔo lè, pe lè nyanbeleyi kúlo fànʔafɔɔlɔ, ní tɛɛfiigi, ní Sólomi Lòkpɔʔɔ nyɔ́ɔ fànʔafɔɔlɔ, nlaa n sáà sígi Liban na, pe nyɛ lè Hɛti ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye,