Zyozuwe 12:1 - Cebaara Bible 2010

¹ Táree fànʔafɔɔlɔ Isirayɛli ye kpóo lè níì be tásaligi syɔɔ n taa Zyuridɛn jeligɔgee na, canʔafolomɔ ma, nlaa yaà Arinɔn lòcoologi nyɔ́ɔ na fwɔɔ n sáà nan nyanbelegi na ki lè Hɛrimɔn ni Araba myɛw ní canʔafolomɔ ma, poro be nyɛ bele naa:

Zyozuwe 12:1 Iomraidhean Croise

1 Fànʔafɔbèle 4:19

Urii jáaw Gebɛɛri si i nyɛ Galaadi tári ni. Amɔri ye fànʔafɔw wi pye lè Sihɔn, woro tɛ́nɛmi, ní Basyan fànʔafɔw Ogi tɛ́nɛmi maa pye wi kɔlɔ̀ na. Pirefe nibin wi pye tári bee nyúngo na.

Ŋúnuyi 133:3

Ki i nyɛ àmɛɛ Hɛrimɔn kásagi nyɛ lè, gee gi fóo ni tíri Siyɔn nyanbeleyi na lè, níì cán nɛɛ bee Yawe wi dùbaw kaangi, wi lè sìíw, làla o làla.

Ŋúnuyi 136:21

Níì be tári kaan kɔrigɔ, níì cán wi funjǎngi a tée kwɔ́ɔ í!

Ŋúnuyi 89:12

Nyɛ̀ʔɛni i nyɛ mɔ wólo, a tári wɔ́ɔ i nyɛ mɔ wóro. Mɔ wi dulunyanw, ní wi fúngi yárira myɛ kàpɔɔn le.

Ezayi 16:2

Amɛɛ féjɛɛn-nyaari-mí-màʔana nyɛ lè, ní àmɛɛ féjɛɛnbiiye nyɛ, yee be nɛnɛ n yirige zyàara ni lè, ànbée Mowabi calipiigèle a pye Arinɔn cábigi nyɔ́ɔ na.

Córolo 21:13

A pe ga yìri yaà beè, a be kári n sáà tɛ́ɛn Arinɔn lógi jelige na, gee gi yìrigí lè Amɔri tári ma ni fóo fìími tára ni. Níì cán Arinɔn wi nyɛ Mowabi láʔagologi, Mowabi ní Amɔri ye níngi ni.

Córolo 21:21

A Isirayɛli tundunbéle tun Amɔri ye fànʔafɔw Sihɔn ma pe sa wi pye:

Córolo 21:24

A Isirayɛli wi kpúmɔn ní ŋɔséew ní níì wi tári syɔɔ n taa, n séli Arinɔn na fwɔɔ n sáà nan Yabɔki na, fwɔɔ n sáà nan Amɔn ye tári láʔagologo na. Níì cán Amɔn ye láʔagologi fànʔa maa kpɔ́ʔɔ.

Córolo 32:19

Kɔrigɔ a pye yaà wolo ma ní be ní Zyuridɛnw jelige na í, wàlá yɛʔɛ̀ ma yaà í. Níì cán wolo n wolo kɔ́rigi lɛɛlɛ taa nɛɛ naa Zyuridɛn jeligi naa na canʔafolomɔ ma.»

Córolo 32:32

Wolo a woyɛɛ bwɔɔ bi cábigi jeli Yawe yɛ́ʔɛ ma bi kári Kanaan tári ma, kàjáa wolo kɔ́rigi n yɛlɛ gi kaan wolo ma Zyuridɛn jeligi naa na.»

Córolo 32:33

A Mowizi Amɔri syɛɛnfelegi fànʔafɔlɔ Sihɔn fǎngi tɛ́nɛmɛ, ní Basyan fànʔafɔw Ogi fǎngi tɛ́nɛmɛ kaan Gadi ye, ní Wurubɛn ye, ní Zyozɛfu jáaw Manase syɛɛnfelegi tíla ma, tári bee ní di kěyi, n fàra táree na di kěyi bee màʔa lè.

Làlwaw Kaanziin 2:24

Ye yìri yaa syée ye sa Arinɔn lòcoologi jeli. Wéle, mii n Hɛsyibɔn fànʔafɔw Sihɔn ní wi tári le mɔ kɔ́yi ni, wi lè Amɔri ye wów. Séli tɔ́ɔliw ni mi di syɔɔ mi taa, yìri wi kurugo mi kapɛɛnni kpúmɔn ní wi ní.

Làlwaw Kaanziin 2:32

A Sihɔn yiri ni wolo fàrá ní wi syɛ́ɛnbèle myɛ ní bi ba kapɛɛnni kpúmɔn ní wolo ní Yahasi ni.

Làlwaw Kaanziin 3:1

«A wolo kolo n fala bi lúgu kári Basyan kólogi ni. A Basyan fànʔafɔw Ogi yiri ni wolo fàrá, woro ní wi syɛ́ɛnbèle myɛ ní, bi ba kapɛɛnnɛ kpúmɔn ní wolo ní, Edireyi ni.

Làlwaw Kaanziin 4:44

Làlwaw naa Mowizi tɛ́ʔɛ n kaan Isirayɛli ye ma.

Làlwaw Kaanziin 4:46

Koro n pye Zyuridɛn canʔafolomɔ ma, jǐnlɔgi ni, Bɛti-Peyɔɔri zǐnmi na, Amɔri ye fànʔafɔw Sihɔn tári ni, woro wee wi da pye lè wodɛ́ɛɔn ní Hɛsyibɔn ni, woro wee Mowizi ní Isirayɛli ye baa jáa lè pe yirili kàdoʔo ma Ezyipiti ni.

Làlwaw Kaanziin 4:48

N séli Aroyɛɛri na, ki lè Arinɔn lòcoologi nyɔ́ɔ na fwɔɔ n sáà nan Siyɔn nyanbelegi na, ki lè Hɛrimɔn.

Zyozuwe 1:15

fwɔɔ bi taa Yawe í sa ŋɔ́ndaala kaan yele senyɛnbèle ma àmɛɛ wi li kaan yele ma lè, pé wɔ́ɔ tári fáliga taa, dee Yawe yele Kolocɔlɔw a kaan be ma lè. Koro kàdoʔo ma tári di lè yele wóri, toro dee Yawe falipyew Mowizi kaan yele ma lè Zyuridɛn jeligi naa na canʔafolomɔ ma, yele a náa lúru pan ba tɛ́ɛn di ni.»

Zyozuwe 11:17

A wi fànʔa taa tári bee fànʔafɔɔlɔ myɛ na, níì be kpóo nlaa yaà nyanbewaagi na gi nyɛ lè Seyiiri kàbangi na fwɔɔ n sáà nan Baali-Gadi na, Liban jǐnlɔgi ni ki nyɛ lè nyanbelegi tìgimɛ ni ki lè Hɛrimɔn.

Zyozuwe 11:3

Wi maa wɔ́ɔ̀ tun Kanaan ye ma be pye lè canʔafolomɔ ní canʔajeemɛ kabangi na n fàra Amɔri ye, ní Hɛti ye, ní Perezi ye, ní Yebusi ye na be pye lè nyanbeleyi kúlo ni, n wɔ́ɔ̀ tun Hɛvi ye ma be pye lè wodɛ́ɛnbéle ní Hɛrimɔn nyanbelegi tìgimɛ ni Misipa tári ni.

Zyozuwe 13:8

Syɛɛnfelegi tílawee, ní Wurubɛn ye, ní Gadi ye maa be kɔ́rigi lɛɛlɛ taa n kwɔ́ɔ, lee Mowizi da kaan be ma lè Zyuridɛn canʔafolomɔ ma. Mowizi wi lè Yawe falipyew, woro wi gi lɛɛ be na kánmi naa na:

Zyozuwe 22:4

Tɔ́ɔliw ni àmɛɛ Yawe yele Kolocɔlɔw ŋɔ́ndaala kaan yele senyɛnbèle ma n yɛlɛ ní syɛ́ɛnri ní wi da joo be ma lè, ye kólogi láa ye lúru yaa syée yele kpaaya ma, ye sa tɛ́ɛn tári ni, dee Yawe falipyew Mowizi kaan yele ma lè Zyuridɛnw canʔafolomɔ ma.

Jàbɔbèle 11:18

Koro kàdoʔo ma, a wi tánʔa n foro fìími tára ni n Edɔmi tári ní Mowabi tári màʔa n sɔ̀lɔ Mowabi tári canʔafolomɔ ma. A be sáà tɛ́ɛn Arinɔn jeligi na. Pe ga jée Mowabi tásaligi ni í, níì cán Arinɔn wi nyɛ Mowabi láʔagologi.