Zyozuwe 11:6 - Cebaara Bible 2010

⁶ A Yawe Zyozuwe pye: «Mɔ a kɔ́ ra fɛ̀ɛgí be na í, níì cán nyɛ̀ʔɛna níbeena nyɔʔɔmɔ na, mii a be myɛ le Isirayɛli ye kɔ́yi ni. Pe a pye wogbumɔn-gbàlibēle ní, kùumɔ. Mɔ a be syɔ́ɔnyi tɔ́lɔyɔ kadoʔo ma kápangboloyo cɛnɛ, si be kapɛɛnkpumɔn-wòtorobèle sórigo ní naà ní.»

Zyozuwe 11:6 Iomraidhean Croise

2 Samyɛli 8:4

A Davidi cò wi ma, syɔɔnyɔ fɔ̀ɔlɔ saala kɔrɔtaanri ní dabata, n fàra tɔlɔyɔ fɔɔlɔ sirakama na. A Davidi kapɛɛnkpumɔn-wòtoro-syɔ́ɔnyɔ dabata yaʔa wiyɛɛ ma, níì wozanyi myɛ tɔ́lɔyɔ kadoʔo ma kápangboloyo cɛnɛ.

2 Fànʔafɔbèle 6:16

A wi wi yari: «Mɔ a kɔ́ ra fɛ̀ɛgí í, níì cán bele be nyɛ ní wolo ní lè, pe n nɛʔɛ n sɔ̀lɔ poro wóbèle na.»

2 Cányi kèlē 20:16

Nyɛ̀ʔɛna, yaa tíri be kurugo. Wéle, pe i yaà ni lúru Hasiisi dǎndamagi na. Yele a be nyaa jǐnlɔgi láʔala na, Yeruwɛli fìími tára zinmɛ na.

Ŋúnuyi 46:10

Woro wi kapɛɛngèle yéregi fwɔɔ n sáà nan yaà tári láʔala na. Wi i sedeyi kabagi, ní i tàbaabèle cɛnɛ. Wi i kapɛɛnkpumɔn-wòtorobèle sórogi ní naà ní.

Ŋúnuyi 46:11

Wi n jo: «Ye yére, ye gi cán mii wi nyɛ Kolocɔlɔɔ, mii wi nyɛ syɛɛnfeleyi nyúngo na, mii wi nyɛ tári nyúngo na.»

Ŋúnuyi 46:9

Yaa maa ye ba Yawe kapyegèle sámaga ye wéle, ye ba kálagigbɔɔli wéle, lee wi taʔa tári na lè.

Kàseegèle 20:7

Syɛɛnsinw i táanri wi nyɔɔ-mí-foroli ni. Wi pìíbèle a ba pye naa dùba pìibēle wi kàdoʔo ma.

Ezayi 30:16

Yele n jo: ‹Eʔe, wolo a lúgu syɔɔnyɔ na bi fàn!› Awá, yaa fé. Yele n jo: ‹Wolo a lúgu syɔɔnyɔ na, yee yi cólogo lè!› Koro na bele pe a ra yele nɛnɛ lè pe a cólogo sɔ̀lɔ yele na.»

Ezayi 31:1

Wɔʔɔli a pye bele na be tíri Ezyipiti ma n sa ni dɛ̀ɛmɛnɛ caa lè, poro bele be peyɛɛ zígi syɔ́ɔnyi na lè, níì peyɛɛ daʔa kapɛɛnkpumɔn-wòtorobèle na pe nɛʔɛni báriga ni lè, ní wɔ́ɔ̀ peyɛɛ daʔa syɔ́ɔnyi fɔ̀ɔlɔ na, níì cán be fǎngi n nɛʔɛ, kàjáa pe o wéle Isirayɛli Wojanw ma í, pe ga lúru ni Yawe caa í,

Ezekyɛli 39:9

Lǎli bee ni, Isirayɛli kěyi syɛ̀ɛnnɛ a yiri, pe a sórigolo kpéʔele, si kapɛɛnkpumɔn-yáriri le naanyǐngi ni, di lè tunmɔzige-yapiigèle, ní wogboloyi, ní sedeyi, ní wɛ̀ɛ́gèle, ní kókpaanbèle, ní tàbaabèle. Pe a ra náagi nii ní di ní yɛ̀ʔɛlɛ kɔrɔsiin fúngo ni.

Oze sɛ́bɛw 14:3

Ye kàdowaara syɛ́ɛnrɛ láa ye yaʔa yeyɛɛ ma, yé lúru ye pan Yawe ma. Ye ba gi joo wi ma ye jo: «Kolomi myɛ kùsulugo syɔɔ, mí fɔ̀lɔ wolo na ní funjànga ní! Wolo a ra wolo nyɔɔwari kpɔ̀ʔɔrɔlɔ wóo mɔ ma sáriga náapegèle sìndɛʔɛ ni.

Nahumi 2:13

Càarabɔw maa ni kaacòro sulugu wi pìíbèle ma, ni yaweele còrí wi càarajebèle ma, wi maa ni wi wéeyi nyìngí kaacǒri na, ni wi tɛɛlarayi nyìngí káari na.

Làlwaw Kaanziin 7:16

Syɛɛnfeleyi Yawe mɔ Kolocɔlɔw a le mɔ kɔ́yi ni lè, mɔ a yi myɛ kálagi, mɔ a kɔ́ yi nyaa nyinimɛ wóyo ní í. Mɔ a kɔ́ ra yi kolocɔlɔbèle kpɔ̀ʔɔrɔ́ í, níì cán gee bee a pye mɔ na karinyanga.

Zyozuwe 10:8

A Yawe Zyozuwe pye: «Mɔ a kɔ́ ra fɛ̀ɛgí be na í. Níì cán mii n be le mɔ kɔ́yi ni. Pe wàa a gbǎn fànʔa taa bi yére mɔ sige í.»

Zyozuwe 11:5

Fànʔafɔbèle bee myɛ maa bɛ̀ɛ nibin na ní baa tɛ́ɛn Merɔmi lógi nyɔ́ɔ na jàngó bi kapɛɛnni kpúmɔn ní Isirayɛli ye ní.

Zyozuwe 11:7

A Zyozuwe ní wi kapɛɛnkpumɔnbèle kári n sáà foo n jée be ni, Merɔmi lógi nyɔ́ɔ na n too be na.

Zyozuwe 11:9

Gee Yawe da joo Zyozuwe ma lè, a wi koro kpéʔele be na. Wi n be syɔ́ɔnyi kàdoʔo ma tɔ́lɔyɔ kápangboloyo cɛnɛ, níì be kapɛɛnkpumɔn-wòtorobèle sórigo ní naà ní.

Zyozuwe 3:5

A Zyozuwe gi joo syɛ́ɛnbèle ma níì be pye: «Ki n yɛlɛ ye yeyɛɛ zámaga ye yaʔa, níì cán nyɛ̀ʔɛna Yawe a kakpoloyo kpéʔele yele níngi ni.»

Jàbɔbèle 20:28

Aarɔn jáaw wi lè Eleyazari, woro jáaw Fineyasi wi da ni yèré wi yɛʔɛ̀ ma lǎli bee ni. A be jo: «A gi yɛlɛ lé wolo í ní kári sa kapɛɛnni kpúmɔn ní Bɛnzyamɛ yòdaʔayi ní, pe lè wolo senyɛnbèle, wàlá wolo í lúru?» A Yawe be yari: «Ye lúgu yaa syée, níì cán nyɛ̀ʔɛna mii a be le yele kɔ́yi ni.»

Jàbɔbèle 7:9

Yébiligi bee ni a Yawe Zyedeyɔn pye: «Yìri mi tìgi be tɛɛ̀tɛ́ɛngi ma, níì cán mii n be le mɔ kɔ́yi ni.

1 Samyɛli 11:9

A pe gi joo tundunbèle ma pe da pan lè níì jo: «Ye sa gi joo Yabɛsyi wóbèle ma, Galaadi ni, yé be pye: ‹Nyɛ̀ʔɛna cânvulɛɛli làla ni yele a syɔɔ.› » A tundunbèle kári n sáà syɛ́ɛnri bee joo Yabɛsyi syɛ́ɛnbèle ma, a gi pye be ma fundaanra.