Zyozuwe 11:4 - Cebaara Bible 2010

⁴ A be yiri ni maa pe ní be kapɛɛnkpumɔnbèle myɛ ní. Pe maa nɛʔɛ àmɛɛ Sólomi Lɔ̀ʔɔ nyɔ́ɔ táminyɔɔ nyɛ lè. Syɔ́ɔnyi ní kapɛɛnkpumɔn-wòtorobèle maa nɛʔɛ be ma gbanʔama.

Zyozuwe 11:4 Iomraidhean Croise

Sélimɛ 22:17

níì jo mii a tɔ̀nɔ́ dùbaw taʔa mɔ na. Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔ́ripiigéle nyɛ lè, ní àmɛɛ sólomi lɔ̀ʔɔ nyɔ́ɔ táminyɔɔ nyɛ lè. Mɔ yodaʔayi a yi nigoobèle kèye fáliga syɔɔ taa.

Sélimɛ 32:12

Mii i mɔ nyɛ́ɛri mi mii syɔɔ mii yɛʔɛfɔw Ezau ma, níì cán mii i fɛ̀ɛgí n jo wi i maa ba mii ní nafɔbèle, ní pìíbèle kpúmɔn kpóo.

2 Samyɛli 17:11

Koro na gee mii a joo lè, koro gi nyɛ, Isirayɛli ye myɛw í kpóʔoro mɔ ma bi séli yaà Dan na bi taa sa nan Bɛɛri-Syeba na pe nɛʔɛ bi pye àmɛɛ sólomi lɔ̀ʔɔ nyɔ́ɔ táminyɔɔ nyɛ lè. Mɔ tiimaa si kári kapɛɛnni ma.

1 Fànʔafɔbèle 4:20

Zyuda ní Isirayɛli ye maa nɛʔɛ àmɛɛ sólomi lɔ̀ʔɔ nyɔ́ɔ táminyɔɔ nɛʔɛ lè. Pe maa ni líi, ní i gbo, ní i fundaanra kpéʔele.

Ŋúnuyi 20:8

Syɛ́ɛnbèle pèle n be sɔ̀ngumi taʔa be wòtorobèle na, á pèle be sɔ̀ngumi taʔa be syɔ́ɔnyi na, wolo si na, Yawe wolo Kolocɔlɔw mɛ́ʔɛ wolo yiri.

Zyozuwe 11:5

Fànʔafɔbèle bee myɛ maa bɛ̀ɛ nibin na ní baa tɛ́ɛn Merɔmi lógi nyɔ́ɔ na jàngó bi kapɛɛnni kpúmɔn ní Isirayɛli ye ní.

Jàbɔbèle 7:12

Madyan ye, ní Amalɛki ye, ní canʔafolomɔ kabangi syɛ̀ɛnnɛ myɛ si maa baa yàli jǐnlɔgi ni àmɛɛ kúdo dìndinge nyɛ lè, á be fàlibaayi nɛʔɛ n pye córomɔ fun àmɛɛ sólomi lɔ̀ʔɔ nyɔ́ɔ táminyɔɔ nyɛ lè.

1 Samyɛli 13:5

A Filisitini ye peyɛɛ gbóʔoro bi sa kapɛɛnni kpúmɔn ní Isirayɛli ní. Kapɛɛnkpumɔn-wòtorobéle sirakama ní selebingéle kagunɔ maa pye be ma n fàra syɔɔnyɔ fɔ̀ɔlɔ selebingéle taanri ní syɛɛnnɛʔɛmɛ na, bee pi da pye àmɛɛ sólomi lɔ́ʔɔ nyɔ́ɔ táminyɔɔ nyɛ lè. A be pan n baa tɛ́ɛn Mikimasyi taana, Bɛti-Avɛn canʔafolomɔ ma.