Zyozuwe 11:3 - Cebaara Bible 2010

³ Wi maa wɔ́ɔ̀ tun Kanaan ye ma be pye lè canʔafolomɔ ní canʔajeemɛ kabangi na n fàra Amɔri ye, ní Hɛti ye, ní Perezi ye, ní Yebusi ye na be pye lè nyanbeleyi kúlo ni, n wɔ́ɔ̀ tun Hɛvi ye ma be pye lè wodɛ́ɛnbéle ní Hɛrimɔn nyanbelegi tìgimɛ ni Misipa tári ni.

Zyozuwe 11:3 Iomraidhean Croise

Sélimɛ 31:49

Ní wɔ́ɔ i gi yiri Misipa. Níì cán Laban maa níì jo: «Ki n yɛlɛ Yawe í pye kɔ̀rɔsiifɔlɔ mii ní mɔ níngi ni lǎli ni wolo ga wàli n láʔa woyɛɛ na lè.

2 Samyɛli 24:16

Lǎli ni nyɛ̀ʔɛni tunduɔn kɔ́gi yìrige Zyerusalɛmi na n jo woro a wi kálagi lè, a Yawe wi sɔ̀nguri láʔa wɔʔɔgi bee pyele na. A wi gi joo nyɛ̀ʔɛni tunduɔn ma wi pye syɛ́ɛnbèle nínge ni ni gàlagíw kpéʔele lè níì wi pye: «Ki n yɛlɛ nya! Mɔ kɔ́gi tìrige tɔ́ɔliw ni.» Yawe nyɛ̀ʔɛni tunduɔn maa pye Aravina kàsyɔɔgi taana, wi lè Yebusi ye wów.

2 Samyɛli 24:7

A be kári Tiiri tɛɛnirigi ma, ní Hɛvi ye, ní Kanaan ye kěyi myɛ ma. A be sáà gi kwɔ́ɔ Zyuda wòrogulo kàbangi na, Bɛɛri-Syeba ma.

1 Fànʔafɔbèle 15:22

Lǎli bee ni a fànʔafɔw Aza Zyuda ye myɛw yeri, wi ga pe wàa yaʔa í, pe sa kàdɛnɛri ní tíiri tugo, dee ní Bayesya da ni faanni kpéʔele lè. A fànʔafɔw Aza sáà di tɛ́ʔɛ n Geba faan ki lè Bɛnzyamɛ wógi, n fàra Misipa na.

1 Fànʔafɔbèle 9:20

Bele myɛ pe da kòro lè, Amɔri ye, ní Hɛti ye, ní Perezi ye, ní Hɛvi ye ni n fàra Yebusi ye na, gee bee n jo bele myɛ be lè pe o nyɛ Isirayɛli syɛ̀ɛnnɛ í,

Ŋúnuyi 133:3

Ki i nyɛ àmɛɛ Hɛrimɔn kásagi nyɛ lè, gee gi fóo ni tíri Siyɔn nyanbeleyi na lè, níì cán nɛɛ bee Yawe wi dùbaw kaangi, wi lè sìíw, làla o làla.

Ŋúnuyi 89:12

Nyɛ̀ʔɛni i nyɛ mɔ wólo, a tári wɔ́ɔ i nyɛ mɔ wóro. Mɔ wi dulunyanw, ní wi fúngi yárira myɛ kàpɔɔn le.

Ŋúnudaangi 4:8

Da maa ní mii ní wo yìri Liban nyanbelegi ma, ni pìcaa! Da maa ní mii ní wo yìri Liban nyanbelegi ma! Da wéle, bi mɔ yaʔa Amana ǹjogi ni, ní Seniiri ní Hɛrimɔn ǹjogi ni, ní bi mɔ yaʔa càarabèle wéeye nyɔ́ɔ na, ní sèdebèle nyanbeleye na.

Zyeremii 40:10

Mii si na, wéle, mii a kòro Misipa ni, bi pye yɛ́ɛgi na Kalide wóbèle bele má pe a ra maa wolo ma lè. Yele si na, yaa dùvɛɛnw, ní gbɛ̀ɛ́ngi yasanra, ní sǐnmi yaliilaara kpéʔele, yaa di nii yele yaleyi ni, yé kòro yele kěyi ni, yee yele cò yeyɛɛ ma lè.»

Zyeremii 40:6

A Zyeremii kári Gedaliya ma, wi lè Ahikami jáaw, Misipa ma, ní sáà kòro ní wi ní syɛ́ɛnbèle nínge ni pe da kòro tári ni lè.

Zyeremii 41:14

Syɛ́ɛnbèle myɛ si Isimayɛli da cò lè Misipa ni ni syée pulobèlē, a poro kolo n lúru n pan n baa pínɛ ní Kareya jáaw Yohanan ní.

Zyeremii 41:3

A Isimayɛli ní wɔ́ɔ̀ Zyuda ye myɛ kpóo, bele pe da pye yaà ní Gedaliya ní Misipa ni lè n fàra Kalide ye kapɛɛnkpumɔn-nǎnbèle bele na pe da pye yaà lè.

Córolo 13:29

Amalɛki ye i nyɛ tári wòrogulo kàbangi na. Hɛti ye, ní Yebusi ye, ní Amɔri ye si i nyɛ nyanbeleyi kúlo ni, Kanaan ye si i nyɛ wodɛ́ɛnbéle ní sólomi lɔ̀ʔɔ nyɔ́ɔ na, ní Zyuridɛnw nyɔ́ɔ na.»

Làlwaw Kaanziin 4:48

N séli Aroyɛɛri na, ki lè Arinɔn lòcoologi nyɔ́ɔ na fwɔɔ n sáà nan Siyɔn nyanbelegi na, ki lè Hɛrimɔn.

Làlwaw Kaanziin 7:1

«Lǎli ni Yawe mɔ Kolocɔlɔw ga sáà mɔ lége lè tári ni, dee ni mɔ a sa jée lè bi di syɔɔ taa, níì syɛɛnfeleyi nɛnɛ mɔ yɛ́ʔɛ ma, yee yi nɛʔɛ lè, yi lè Hɛti ye, ní Giirigasi ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye, syɛɛnfeleyi kɔrɔsiin, yee yi nɛʔɛ á yi fangi nɛʔɛ n sɔ̀lɔ mɔ wógi na lè,

Zyozuwe 11:17

A wi fànʔa taa tári bee fànʔafɔɔlɔ myɛ na, níì be kpóo nlaa yaà nyanbewaagi na gi nyɛ lè Seyiiri kàbangi na fwɔɔ n sáà nan Baali-Gadi na, Liban jǐnlɔgi ni ki nyɛ lè nyanbelegi tìgimɛ ni ki lè Hɛrimɔn.

Zyozuwe 11:8

A Yawe be le Isirayɛli ye kɔ́yi ni. A be fànʔa taa be na, níì be kɔ́ri n láa ni nɛnɛ ni syée fwɔɔ n sáà nan Siidɔn na ki lè kèkpɔɔgi, ní wɔ́ɔ sáà nan Misirefɔti-Mayɛn, ní Misipa jǐnlɔgi na canʔafolomɔ kabangi na. A pe be kálagi n kwɔ́ɔ. Pe ga wàa nibin yaʔa a wi syɔɔ í.

Zyozuwe 13:11

Galaadi tɛ́nɛmi bi lè Gesyuri ye, ní Maaka ye wómi, a be poro myɛ syɔɔ n fàra nyanbelegi na ki lè Hɛrimɔn ní Basyan myɛw fwɔɔ n sáà nan Salika na,

Zyozuwe 13:5

Gibilii ye tári, ní Liban canʔafolomɔ kabangi myɛ, nlaa Baali-Gadi tári ma yaà nyanbelegi tìgimɛ ni ki lè Hɛrimɔn, níì kári fwɔɔ n sáà nan Lebo-Hamati na,

Zyozuwe 15:38

ní Dileyan, ní Misipe, ní Yokiteyɛli,

Zyozuwe 15:63

Yebusi ye pe da pye lè Zyerusalɛmi ni, Zyuda yòdaʔayi ga gbàn n be nɛnɛ n yirige yaà í. Yebusi ye i nyɛ wodɛ́ɛnbéle ní Zyuda yòdaʔayi nínge ni, Zyerusalɛmi ni fwɔɔ n baa nan níjanʔa na.

Zyozuwe 18:26

ní Misipe, ní Kefiira, ní Mosa,

Zyozuwe 3:10

A Zyozuwe jo: «Gee naa a gi tɛ̀ɛn yele na yele í gi cán bi cán Kolocɔlɔɔ woweew i nyɛ yele níngi ni, si wɔ́ɔ gi cán bi cán wi a tɔ̀nɔ́ syɛ́ɛnbèle naa nɛnɛ yele yɛ́ʔɛ ma, poro bele be nyɛ lè Kanaan ye, ní Hɛti ye, ní Hɛvi ye, ní Perezi ye, ní Giirigasi ye, ní Amɔri ye, n fàra Yebusi ye na.

Jàbɔbèle 20:1

A Isirayɛli ye myɛw peyɛɛ gbóʔoro n pye àmɛɛ nàɔn nibin nyɛ lè Yawe yɛ́ʔɛ ma Misipa ni. Pe maa yìri yaà n séli Dan na fwɔɔ n sáà nan Bɛɛri-Syeba na n fàra Galaadi tári na.

Jàbɔbèle 21:5

Koro kàdoʔo ma a Isirayɛli ye jo: «Isirayɛli syɛɛnfeleyi myɛ ni, a wàa i yaà lé wee wi lè wi ga pan n baa kpóʔoro Yawe yɛ́ʔɛ ma í?» Níì cán pe maa kàli níì jo syɔɔn o syɔɔn wi ga kòro lè sìnban ni kpóʔoroli ma Misipa ma, pe a wee bee kpóo.

Jàbɔbèle 21:8

A be jo: «Isirayɛli syɛɛnfeleyi myɛ ni, a wàa i yaà lé wee wi lè wi ga lúgu n pan Yawe ma Misipa ma í?» A be gi nyaa syɔɔn faala da yìri yaà Yabɛsyi ma, Galaadi tári ni n pan tɛɛkòrogi ma kpóʔoroli ma í.

Jàbɔbèle 3:3

Syɛɛnfeleyi bee yi nyɛ Filisitini ye fànʔafɔbèle kagunɔ, ní Kanaan ye myɛw, ní Siidɔn ye, ní Hɛvi ye be pye lè wodɛ́ɛnbéle ní Liban nyanbeleyi kúlo ni, nlaa Baali-Hɛrimɔn nyanbelegi na fwɔɔ n sáà nan Lebo-Hamati na.

Jàbɔbèle 3:5

A Isirayɛli ye tɛ́ɛn Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye níngi ni.

1 Samyɛli 10:17

A Samyɛli Isirayɛli syɛ́ɛnbèle yeri n kpóʔoro Yawe yɛ́ʔɛ ma Misipa ma,