Zyozuwe 11:2 - Cebaara Bible 2010

² n fàra fànʔafɔbèle bele na be pye lè solomɔkulo kàbangi na nyanbeleyi kúlo ni, ní Araba ni, Kinarɔti wòrogulo kàbangi na, ní jǐnlɔgi tára, ní Dɔɔri dǎndamayi na, canʔajeemɛ ma.

Zyozuwe 11:2 Iomraidhean Croise

1 Fànʔafɔbèle 15:20

A Bɛn-Hadadi lóʔo fànʔafɔw Aza ma, níì wi sùlasiibèle kàfɔɔlɔ tórigo Isirayɛli kěyi kánma na. A be Iyɔn, ní Dan, ní Abɛli-Bɛti-Maaka jáa, Kinerɛti tɛ́nɛmi myɛw, n fàra Nɛfitalii tári myɛ na.

1 Fànʔafɔbèle 4:11

Salomɔn pìíwee pe da ni yiri lè Tafati, woro wi da pye wi céw.

Córolo 34:11

Láʔagologi a séli Syefami ma bi tìgi fala Iribila ma, Ayɛn canʔafolomɔ kabangi na, si ní tìgi bi fala sa nan Kinerɛti sólomi lɔ̀ʔɔ nyɔ́ɔ na, canʔafolomɔ ma.

Luki 1:39

Cányi bee ni a Marii yìri ni fyàalá ni syée nyanbeleyi kúlo ni Zyuda tári kègaa ma

Luki 5:1

Cangaa syɛɛnnɛʔɛmɛ maa Zyezu màʔa fwɔɔ n wi cɔ̀ɔnri jàngó bi Kolocɔlɔɔ syɛ́ɛnri lóʔo wi ma, wi si maa pye woyéreo ní Zyenezarɛti lòkpɔɔgi nyɔ́ɔ na,

Zyozuwe 10:40

Zyozuwe maa tɔ̀nɔ n tári bee myɛ jáa, gee bee n jo ti nyanbeleyi kúlo, ní di wòrogulo kàbangi, ní di tɛɛfiigi, ní di nyanbeleyi tìgimɛ n fàra di fànʔafɔbèle myɛ na. Wi ga syɔɔn faala yaʔa a wi syɔɔ í. Yala o yala li ŋɔ́ngi lè, a wi ke myɛ kálagi péw n yɛlɛ ní gee ní Yawe Isirayɛli ye Kolocɔlɔw da joo n gbàn lè.

Zyozuwe 10:6

A Gabaɔn syɛ́ɛnbèle tun a be sáà gi joo Zyozuwe ma Giiligali ma, beè wi pye lè wodɛ́ɛɔn ní, níì wi pye: «Mɔ a kɔ́ mɔ púlobèle yaʔa í. Da maa kelekele mi ba wolo syɔɔ, ba wolo dɛ̀ɛmɛ. Níì cán Amɔri ye fànʔafɔbèle be nyɛ lè nyanbeleyi kúlo ní, pe n peyɛɛ gbóʔoro n pan ba too wolo na.»

Zyozuwe 11:16

A Zyozuwe tári bee myɛ syɔɔ n taa, gee bee n jo ti nyanbeleyi kúlo, ní di wòrogulo kàbangi myɛ, ní Gosyɛn tári myɛ, ní tìgimi tára, ní Araba ní, n fàra Isirayɛli nyanbeleyi kúlo, ní li tìgimi tára na.

Zyozuwe 11:21

Lǎli bee wonijanna ni a Zyozuwe kári n sáà Anaki ye kwɔ́ɔ n yirige yaà, poro bele be pye lè nyanbeleyi kúlo kèye ni, yi lè Heburɔn, ní Debiiri, ní Anabi, n fàra Zyuda nyanbeleyi kúlo myɛ, ní Isirayɛli nyanbeleyi kúlo myɛ na. A Zyozuwe pe ní be kěyi kálagi péw.

Zyozuwe 12:23

Dɔɔri wi pye lè Dɔɔri dǎndamayi na, woro fànʔafɔw nibin. Goyimi wi pye lè Giiligali taana, woro fànʔafɔw nibin.

Zyozuwe 12:3

níì láa Araba ma fwɔɔ n sáà nan Kinarɔti lòkpɔɔgi na canʔafolomɔ ma, níì kári n sáà nan Araba Sólomi Lɔ̀ʔɔ na ki lè Solonɛʔɛmi Lɔ̀ʔɔ, canʔafolomɔ ma, Bɛti-Yesyimɔti kàbangi na, ní wòrogulo kàbangi na Pisiga tìgimi ni.

Zyozuwe 13:27

ní jǐnlɔgi Bɛti-Harami, ní Bɛti-Nimira, ní Sukɔti, ní Safɔn, gee bee n jo Hɛsyibɔn fànʔafɔw Sihɔn fǎngi tɛ́nɛzanma. Zyuridɛnw wi pye tári tɛɛ̀laʔala níì kári fwɔɔ n sáà nan Kinerɛti lòkpɔɔgi tɛɛ̀laʔala na Zyuridɛnw canʔafolomɔ ma.

Zyozuwe 17:11

Kěyee Manase taa lè Isakari, ní Azɛɛri ni, yoro yi nyɛ: Bɛti-Syeyan ní gi tɛ́nɛmi kèye, ní Yibileyami ní gi tɛ́nɛmi kèye, ní Dɔɔri ye ní gi tɛ́nɛmi kèye, n fàra Ɛn-Dɔɔri ye ní gi tɛ́nɛmi kèye, ní Taana ye ní gi tɛ́nɛmi kèye, ní Megido ye ní gi tɛ́nɛmi kèye na. A yoro pye tɛ́nɛdɛɛyɛ taanri.

Jàbɔbèle 1:27

Manase ga Bɛti-Syeyan ye ní gi tɛ́nɛmi kèye wòolo nɛnɛ n yirige yaà í, n fàra Taanaki ní gi tɛ́nɛmi kèye wòolo, ní Dɔɔri ní gi tɛ́nɛmi kèye wòolo, ní Yibileyami ní gi tɛ́nɛmi kèye wòolo, ní Megido ní gi tɛ́nɛmi kèye wòolo na. Kanaan ye ga fɔ̀lɔ bi yiri tári bee ni í.