Biblia Todo Logo
Bìoball air-loidhne

- Sanasan -




Zyozuwe 11:16 - Cebaara Bible 2010

16 A Zyozuwe tári bee myɛ syɔɔ n taa, gee bee n jo ti nyanbeleyi kúlo, ní di wòrogulo kàbangi myɛ, ní Gosyɛn tári myɛ, ní tìgimi tára, ní Araba ní, n fàra Isirayɛli nyanbeleyi kúlo, ní li tìgimi tára na.

Faic an caibideil Dèan lethbhreac




Zyozuwe 11:16
16 Iomraidhean Croise  

Wi n syɛɛnfeleyi tátɛɛyɛ kaan be ma, pe n syɛɛnfeleyi fáli tɔ̀nɔ taa,


Wi n syɛɛnfeleyaa nɛnɛ pe yɛ́ɛgi na n yirige yaà, níì mɛɛnnɛ tɛ́ʔɛ n yi tári tímana n lɛɛ be na a di pye be kɔrigɔ, wi n Isirayɛli syɛɛnfeleyi télege be fànikpaayi ni.


Isirayɛli nyanbe-nyundɔnɔgi ǹjoʔo ni mii a li cɔ́rɔ. Li a káganya yirige si san, li a ba pye sɛdiri tiicanga. Féjɛɛngèle féleye myɛ a ba ra tɛ̀ɛ́n gi ni. Fókaanya yáriri myɛ a ba ra tɛ̀ɛ́n gi káganyi nyinmɛ ni.


Yele si na, Isirayɛli nyanbeleyi, yele a ra yele káganbiiri yirigi sáā yele yasanri sangi mii syɛ́ɛnbèle Isirayɛli ye ma, níì cán kérigèle bee làrivorolo n nan n kwɔ́ɔ.


Ye kolo ye kàri yaa syée, ye sɔ̀lɔ Amɔri ye nyanbeleyi kúlo ma, ní be taana tátɛɛyi myɛ ni, ní tɛɛfiigi ni, ní nyanbeleyi na, ní tìgimi tára ni, ní wòrogulo kàbangi na, ní Sólomi Lɔ̀ʔɔ nyɔ́ɔ na, ní Kanaan ye tári ma, ní Liban ma, fwɔɔ bi sa nan cábikpɔɔgi na, ki lè Ufurati.


Zyozuwe maa tɔ̀nɔ n tári bee myɛ jáa, gee bee n jo ti nyanbeleyi kúlo, ní di wòrogulo kàbangi, ní di tɛɛfiigi, ní di nyanbeleyi tìgimɛ n fàra di fànʔafɔbèle myɛ na. Wi ga syɔɔn faala yaʔa a wi syɔɔ í. Yala o yala li ŋɔ́ngi lè, a wi ke myɛ kálagi péw n yɛlɛ ní gee ní Yawe Isirayɛli ye Kolocɔlɔw da joo n gbàn lè.


A Zyozuwe be kálagi n séli Kadɛsyi-Barineya na fwɔɔ n sáà nan Gaza na, ní Gosyɛn tɛ́nɛmi myɛ na n fàra Gabaɔn na.


Gee Yawe da joo n gbàn wi falipyew Mowizi ma lè, Mowizi maa gee bee joo n gbàn Zyozuwe ma, a Zyozuwe gi foro. Gee myɛ Yawe da joo n gbàn Mowizi ma lè wi ga gi kàa faala yaʔa í.


n fàra fànʔafɔbèle bele na be pye lè solomɔkulo kàbangi na nyanbeleyi kúlo ni, ní Araba ni, Kinarɔti wòrogulo kàbangi na, ní jǐnlɔgi tára, ní Dɔɔri dǎndamayi na, canʔajeemɛ ma.


Lǎli bee wonijanna ni a Zyozuwe kári n sáà Anaki ye kwɔ́ɔ n yirige yaà, poro bele be pye lè nyanbeleyi kúlo kèye ni, yi lè Heburɔn, ní Debiiri, ní Anabi, n fàra Zyuda nyanbeleyi kúlo myɛ, ní Isirayɛli nyanbeleyi kúlo myɛ na. A Zyozuwe pe ní be kěyi kálagi péw.


Tári bee i nyɛ nyanbeleyi kúlo, ní tìgimi tára, ní Araba, ní nyanbeleyi tìgimɛ, ní fìími tára, ní wòrogulo kàbangi tára. Bele be pye tári bee ni lè, poro be pye Hɛti ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye.


Lǎli ni Zyuridɛn canʔajeemɛ fanʔafɔbèle myɛ kéeli bee lóʔo lè, pe lè nyanbeleyi kúlo fànʔafɔɔlɔ, ní tɛɛfiigi, ní Sólomi Lòkpɔʔɔ nyɔ́ɔ fànʔafɔɔlɔ, nlaa n sáà sígi Liban na, pe nyɛ lè Hɛti ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye,


Lean sinn:

Sanasan


Sanasan