Zyozuwe 11:12 - Cebaara Bible 2010

¹² A Zyozuwe wɔ́ɔ̀ fànʔa taa fànʔafɔbèle bee kèye myɛ, ní yi fànʔafɔbèle myɛ na. A wi be kpóo ní ŋɔséew ní. Wi n be kpóo péw àmɛɛ Yawe falipyew Mowizi da gi joo n gbàn lè.

Zyozuwe 11:12 Iomraidhean Croise

Làlwaw Kaanziin 7:2

lǎli ni Yawe mɔ Kolocɔlɔw ga sáà yi le mɔ kɔ́yi ni lè, a mɔ yi jáa, mɔ a yi kálagi péw. Mɔ a kɔ́ joogaanna kpéʔele ní yi ní í, mɔ a kɔ́ nyinimɛ taa yi na í.

Làlwaw Kaanziin 9:3

Ki n yɛlɛ mi gi cán níjanʔa bi cán Yawe wi lè mɔ Kolocɔlɔw, woro wi a ra syée mɔ yɛ́ɛgi na àmɛɛ naà nyɛ, gee gi sórigolo kpéʔele lè. Woro wi a be kálagi, woro wi a be cáan mɔ yɛ́ʔɛ ma, mɔ a be nɛnɛ yirige yaà, si be kálagi kwɔ́ɔ kelekele àmɛɛ Yawe gi joo mɔ ma lè.

Zyozuwe 10:20

A Zyozuwe ní Isirayɛli ye tɔ̀nɔ n be kpóo saʔa n tɔ̀nɔ n be kálagi, fwɔɔ bele be fàn n syɔɔ be ni lè n sáà jée kèniriyi ni.

Zyozuwe 10:28

Cángi bee wonijanga na Zyozuwe fànʔa taa Makeda na, níì ŋɔséew tɛ́ʔɛ n gi jaa, níì gi fànʔafɔw kpóo n fàra gi syɛ́ɛnbèle myɛ na, wi ga pe wàa faala yaʔa a wi syɔɔ í. Gee wi kpéʔele Zyeriko fànʔafɔw na lè, koro wonijangi wi kpéʔele Makeda fànʔafɔw na.

Zyozuwe 10:30

A Yawe wɔ́ɔ̀ ki ní gi fànʔafɔw le Isirayɛli ye kɔ́yi ni, a be ŋɔséew tɛ́ʔɛ n gi jaa. Syɛ́ɛnbèle myɛ be pye gi ni lè pe ga pe wàa faala yaʔa a wi syɔɔ í. Gee be kpéʔele Zyeriko fànʔafɔw na lè, a be koro wonijangi kpéʔele gi fànʔafɔw na.

Zyozuwe 10:32

A Yawe Lakiisyi le Isirayɛli ye kɔ́yi ni, a be fànʔa taa gi na canziin wógi na. A be ŋɔséew tɛ́ʔɛ n gi syɛ́ɛnbèle myɛ kpóo àmɛɛ ki da wɔ́ɔ̀ pye Libina ye na lè.

Zyozuwe 10:35

A be fànʔa taa gi na cángi bee wonijanga, ní ŋɔséew ní. Wi n gi syɛ́ɛnbèle myɛ kpóo péw cángi bee wonijanga àmɛɛ wi da gi kpéʔele Lakiisyi na lè.

Zyozuwe 10:37

A be fànʔa taa gi na níì gi fànʔafɔw ní gi syɛ́ɛnbèle myɛ kpóo ní ŋɔséew ní, n fàra gi tɛ́nɛmi kèye syɛ̀ɛnnɛ myɛ na. Gee wi kpéʔele Egulɔn na lè, koro wonijangi wi wɔ́ɔ̀ kpéʔele yaà beè. Wi ga syɔɔn faala yaʔa a wi syɔɔ í. Wi maa tɔ̀nɔ n kěgi jaa níì gi syɛ́ɛnbèle myɛ kpóo péw.

Zyozuwe 11:13

Kèyi yi pye dǎndamayi na lè, Isirayɛli ye ga gi kàa sórigo í fwɔɔ Hasɔɔri yagana, koro gee Zyozuwe sórigo lè.

Zyozuwe 11:15

Gee Yawe da joo n gbàn wi falipyew Mowizi ma lè, Mowizi maa gee bee joo n gbàn Zyozuwe ma, a Zyozuwe gi foro. Gee myɛ Yawe da joo n gbàn Mowizi ma lè wi ga gi kàa faala yaʔa í.

Zyozuwe 13:6

ní nyanbeleyi kúlo syɛ̀ɛnnɛ myɛ, nlaa yaà Liban na fwɔɔ n sáà nan Misirefɔti-Mayɛn na, gee bee n jo Siidɔn ye myɛw. Mii a be nɛnɛ yirige yaà Isirayɛli ye yɛ́ʔɛ ma. Ki si n yɛlɛ mɔ í dee bee myɛ kaan Isirayɛli ye ma kɔrigɔ ní gɔ̌nwáari ní bi yɛlɛ ní gi ní àmɛɛ mii gi joo n gbàn mɔ ma lè.

Zyozuwe 21:44

A Yawe ŋɔ́ndaali kaan be ma kàbanyi myɛ na n yɛlɛ ní kàligi ní wi da kpéʔele be toolɛɛbèle ma lè. Pe nigoowaa faala ga gbàn n yére n be sige í. A Yawe pe nigoobèle myɛ le be kɔ́yi ni.

Zyozuwe 8:31

n yɛlɛ ní syɛ́ɛnri ní, dee Yawe falipyew Mowizi da joo n gbàn Isirayɛli ye ma lè, àmɛɛ di sɛ́bɛ Mowizi làlwaw sɛ́bɛ ni lè n jo: «Ki a pye kàdɛnɛnaa-sìndanra sáriga-wòlo-yafanʔa, dee di lè tunmɔrɔ yála a nyáʔana di na í.» A be sáriga sórigoo wòlo gi na Yawe ma n fàra pínɛnyɛnnɛgɛ sáriga na.

Zyozuwe 8:8

Lǎli ni yele ga kěgi taa n cò lè, ye naà le gi na. Ye gi pye ye yɛlɛ ní Yawe syɛ́ɛnri ní. Ye kɔ̀rɔsíi! Mii n gi joo n gbàn yele ma.»

Zyozuwe 9:24

A be Zyozuwe yari: «Gee na wolo gee bee kpéʔele lè, koro gi nyɛ ncan ki n fílige n joo wolo ma wo nyɛ lè mɔ púlobèle níì jo Yawe mɔ Kolocɔlɔw maa gi joo n gbàn wi falipyew Mowizi ma níì jo wi tári naa myɛ kaan yele ma, si di syɛ́ɛnbèle myɛ kálagi yele yɛ́ʔɛ ma. Gee bee na wolo fyáa yele na gbanʔama wolo sìíw kéele na.