Zyozuwe 10:8 - Cebaara Bible 2010

⁸ A Yawe Zyozuwe pye: «Mɔ a kɔ́ ra fɛ̀ɛgí be na í. Níì cán mii n be le mɔ kɔ́yi ni. Pe wàa a gbǎn fànʔa taa bi yére mɔ sige í.»

Zyozuwe 10:8 Iomraidhean Croise

1 Fànʔafɔbèle 20:13

Lǎli bee ni a kanyaajoowaa si pan Akabi ma wi lè Isirayɛli fànʔafɔw ní baa jo: «Yawe n jo: ‹A mɔ syɛɛnnɛʔɛmi naa myɛ nyaa lé? Mii a bi le mɔ kɔ́yi ni níjanʔa, koro ga pye mɔ í gi cán bi cán mii wi nyɛ Yawe.› »

Wɔrɔmi ye 8:31

Ki si i lè nya, nyàʔá wolo a joo kérigèle bee na? Amɛɛ Kolocɔlɔɔ nyɛ ní wolo ní lè, wìí wi a ní gbǎn yìri wolo kurugo?

Làlwaw Kaanziin 3:2

A Yawe mii pye: ‹Mɔ a kɔ́ ra fɛ̀ɛgí wi na í. Níì cán mii n wi le mɔ kɔ́yi ni, woro ní wi syɛ́ɛnbèle myɛ, ní wi tári ní. Mɔ a wi pye àmɛɛ mɔ Amɔri ye fànʔafɔw Sihɔn pye lè, woro wee wi pye lè wodɛ́ɛɔn ní Hɛsyibɔn ni.›

Làlwaw Kaanziin 7:24

Wi a yi fànʔafɔbèle le mɔ kɔ́yi ni, mɔ a be mɛ́ɛyi kwɔ́ɔ bi yirige nyɛ̀ʔɛgèle láara ni, wàa faala a gbǎn yére mɔ sige í, fwɔɔ bi taa mɔ í be kálagi kwɔ́ɔ.

Zyozuwe 10:25

A Zyozuwe be pye: «Yele a kɔ́ ra fɛ̀ɛgí í, zɔ̀nviige a kɔ́ ra yele kɔɔn í, ki n yɛlɛ ye soro yé lòmaana le. Níì cán yele nigoobèle bele ní yele a kapɛɛnni kpúmɔn lè, Yawe a be pye bele naa pyeganma na.»

Zyozuwe 10:9

A Zyozuwe baa pàla n nan be na, níì cán wi maa yìri Giiligali ma n yébiligi myɛ pye tánʔani na.

Zyozuwe 11:6

A Yawe Zyozuwe pye: «Mɔ a kɔ́ ra fɛ̀ɛgí be na í, níì cán nyɛ̀ʔɛna níbeena nyɔʔɔmɔ na, mii a be myɛ le Isirayɛli ye kɔ́yi ni. Pe a pye wogbumɔn-gbàlibēle ní, kùumɔ. Mɔ a be syɔ́ɔnyi tɔ́lɔyɔ kadoʔo ma kápangboloyo cɛnɛ, si be kapɛɛnkpumɔn-wòtorobèle sórigo ní naà ní.»

Zyozuwe 8:1

A Yawe Zyozuwe pye: «Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í. Kapɛɛnkpumɔnbèle myɛ kɔ́ri mi yìri maa syée Ayi kánmi na. Wéle, mii n Ayi fànʔafɔw, ní wi syɛ́ɛnbèle, ní wi kěgi, ní wi tári le mɔ kɔ́gi ni n kwɔ́ɔ.

Jàbɔbèle 6:16

A Yawe wi pye: «Mii a pye ní mɔ ní. Mɔ a Madyan ye jáa. Pe a pye mɔ ma àmɛɛ nàɔn nibin nyɛ lè.»

Jàbɔbèle 7:9

Yébiligi bee ni a Yawe Zyedeyɔn pye: «Yìri mi tìgi be tɛɛ̀tɛ́ɛngi ma, níì cán mii n be le mɔ kɔ́yi ni.

1 Samyɛli 17:47

Syɛɛnkpoʔolomi naa myɛ a gi cán bi cán ŋɔsée wàlá tàbaa ní ban Yawe syɔɔn syoo í. Níì cán Yawe wólo li nyɛ kapɛɛnni, wi a yele le wolo kɔ́yi ni.»