Zyozuwe 10:42 - Cebaara Bible 2010

⁴² A Zyozuwe fànʔafɔbèle bee myɛ jáa làrinijanni ni n fàra be tátɛɛyi na, níì cán Yawe wi lè Isirayɛli ye Kolocɔlɔw, wi maa ni kapɛɛnni kpúmɔn ni kaangi Isirayɛli ye ma.

Zyozuwe 10:42 Iomraidhean Croise

Ŋúnuyi 118:6

Yawe i nyɛ ní mii ní, mii o fɛ̀ɛgí yafyɛn na í, nyàʔá syɛ́ɛnbèle a gbǎn kpéʔele mii na?

Ŋúnuyi 46:1

Ŋúnuŋùúbèle kùndigi wóʔo. Kore jáabèle wóʔo. Yákpobiigèle ni. Ŋúnugo.

Ŋúnuyi 46:11

Wi n jo: «Ye yére, ye gi cán mii wi nyɛ Kolocɔlɔɔ, mii wi nyɛ syɛɛnfeleyi nyúngo na, mii wi nyɛ tári nyúngo na.»

Ŋúnuyi 46:7

Syɛɛnfeleyi i kaana, fǎnyi i cúngu, wi n wi yákpoli wáa, a tári nyan.

Ŋúnuyi 80:3

Mɔ fangi yìrige ŋúnɔmi na Efirayimi, ní Bɛnzyamɛ, ní Manase ye yɛ́ʔɛ ma, mí ba wolo syɔɔ!

Yirile 14:14

Yawe a kapɛɛnni kpúmɔn bi kaan yele ma. Yele si na, ki n yɛlɛ ye kòro pyèrio.»

Yirile 14:25

Wi maa be kapɛɛnkpumɔn-wòtorobèle sàkoyo kɔ́nɔgi n táriga, a be tánʔani kéele gbàn. Lǎli bee ni a Ezyipiti ye jo: «Ye tíi waa fé Isirayɛli ye na. Níì cán Yawe i kapɛɛnni kpúmɔn ní wolo Ezyipiti ye ní ni kaangi be ma.»

Ezayi 43:4

Níì cán mɔ i córo lɔgbanra yáriga mii nyɛ́nɛ na, mɔ i nyɛ yakpɔʔɔ, a mɔ kéeli wɔ́ɔ̀ mii dɛ́nɛ, koro na mii i nànbēle kaangi mɔ sindɛɛgi ni, ni syɛɛnfeleye kaangi mɔ pili sìndɛʔɛ ni.

Làlwaw Kaanziin 20:4

Níì cán Yawe wi lè yele Kolocɔlɔw, woro wi syée ní yele ní bi sa kapɛɛnni kpúmɔn ní yele nigoobèle ní bi kaan yele ma jàngó bi yele syɔɔ.›

Zyozuwe 10:14

Cángi bee félege da kɔ́ɔ̀ pye í, ki felege si ga ní wɔ́ɔ̀ pye í, gee ni Yawe lóʔo syɔɔn ma kánmi bee na lè. Yawe wi da ni kapɛɛnni kpúmɔn ni kaangi Isirayɛli ye ma.

Zyozuwe 10:43

A Zyozuwe ní Isirayɛli ye myɛ lúru n kári tɛɛkòrogi ma Giiligali ma.