Zyozuwe 10:41 - Cebaara Bible 2010

⁴¹ A Zyozuwe be kálagi n séli Kadɛsyi-Barineya na fwɔɔ n sáà nan Gaza na, ní Gosyɛn tɛ́nɛmi myɛ na n fàra Gabaɔn na.

Zyozuwe 10:41 Iomraidhean Croise

Sélimɛ 10:19

Kanaan ye láʔagoloyi n séli Siidɔn na n kári Gerari kàbangi na, fwɔɔ n sáà nan Gaza na. Ní níì sɔ̀lɔ n fala Sodɔmi, ní Gomɔri, ní Adima, ní Seboyimi kàbangi na, fwɔɔ n sáà nan Lesya na.

1 Fànʔafɔbèle 3:5

N Salomɔn yaʔa Gabaɔn ni, a Yawe wiyɛɛ dɛ̀ɛn wi na ŋúnɔgɔ na yébiligi ni. A Kolocɔlɔɔ wi pye: «Gee mɔ caa mii í kaan mɔ ma lè, ki nyɛ́ɛri.»

Zakarii 9:5

Asikalɔn a gee bee nyaa, fyáara si wi cò. Gaza a wɔ́ɔ gi nyaa, sáā cɛ̀lɛ́ gbanʔama, ní Ekurɔn wɔ́ɔgēle, níì cán wi sɔ̀ngumi tɛɛtaʔaga a fɛ̀ɛrɛ wáa wi na. Fànʔafɔlɔ a ní pye Gaza ni í. Syɔɔn faala a ní pye Asikalɔn ni í.

Córolo 13:26

Pe pan lè a be kári Mowizi, ní Aarɔn, ní Isirayɛli syɛ́ɛnmi myɛ ma Kadɛsyi ma, Paran fìími tára ni. Gee be sáà taa yaà lè, a be gi joo n tɛ̀ɛn pe ní syɛ́ɛnmi myɛ na, níì tári yasanra tɛ̀ɛn be na.

Córolo 32:8

Lǎli ni mii yele tóobèle yirige Kadɛsyi-Barineya ni n tun be sa tári saanri be wéle lè, koro félegi pe da baa kpéʔele.

Córolo 34:4

Yele láʔagologi a ní wàli bi fala wòrogulo kàbangi na Akirabimi tɛɛ̀lúgugi ma, bi sɔ̀lɔ Sɛn ma, bi kári Kadɛsyi-Barineya wòrogulo kàbangi na, si taʔa fala Hasari-Adari ma, si sɔ̀lɔ Asimɔn ma.

Kapyegèle 8:26

A Kàfɔw tundunwaa joo ní Filipi ní níì wi pye: «Yìri mi tìgi canʔa parima ma wòrogulo kàbangi na, kólogee gi yìri lè Zyerusalɛmi ma ni syée Gaza ma ki lè fìími tára wóʔo, maa syée gee bee ni.»

Làlwaw Kaanziin 1:19

«A wolo yìri Horebi taana n kári. Fìimɛ tákpɔɔri bee yele nyaa lè, ti lè fyáara wóro ní, a wo ti myɛ nyaari n foro. A wolo Amɔri ye nyanbeleyi kúlo kólogo láa n yɛlɛ ní Yawe wolo Kolocɔlɔw syɛ́ɛnrɛ ní wi da joo n gbàn wolo ma lè. A wolo sáà nan Kadɛsyi-Barineya na.

Làlwaw Kaanziin 2:23

Avii ye be pye lè wodɛ́ɛnbéle ní kèpiigèle ni fwɔɔ n sáà nan Gaza na, Kafitɔri ye be yiri Kafitɔri ni lè, a poro pan n baa be kálagi n yirige yaà níì tɛ́ɛn pe sìndɛɛgi ni.

Làlwaw Kaanziin 9:23

Ní lǎli ni Yawe yele yirige Kadɛsyi-Barineya ni n tórigo lè níì jo: ‹Ye lúgu ye sa tári syɔɔ ye taa, dee mii kaan yele ma lè.› Lǎli bee ni a yele céemɛ kpéʔele n Yawe yele Kolocɔlɔw tundunro cée. Yele ga tága wi na í, yele ga wi jóomi lóʔo í.

Zyozuwe 10:12

Cángee na Yawe Amɔri ye le Isirayɛli ye kɔ́yi ni lè, lǎli bee ni a Zyozuwe gee naa nyɛ́ɛri Yawe ma Isirayɛli ye nyɛ́nɛ na níì jo: «Cángi, ki n yɛlɛ mi yére Gabaɔn nyúngi ni. Yégi, ki n yɛlɛ mi yére Ayalɔn jǐnlɔgi ǹjoʔo ni.»

Zyozuwe 10:2

Lǎli bee ni a gi pye wi ní wi syɛ́ɛnbèle ma fyáakpɔɔrɔ. Níì cán Gabaɔn maa pye kèkpɔʔɔ àmɛɛ fàngaʔa nyɛ lè. Alí ki maa kpɔ́ʔɔ Ayi na, ki nǎnbèle myɛ si i nyɛ kapɛɛnkpumɔn-sànbalibéle.

Zyozuwe 11:16

A Zyozuwe tári bee myɛ syɔɔ n taa, gee bee n jo ti nyanbeleyi kúlo, ní di wòrogulo kàbangi myɛ, ní Gosyɛn tári myɛ, ní tìgimi tára, ní Araba ní, n fàra Isirayɛli nyanbeleyi kúlo, ní li tìgimi tára na.

Zyozuwe 11:22

Anaki ye wówaa faala ga níì kòro Isirayɛli tári ni í, fwɔɔ Gaza, ní Gati, ní Asidɔdi ni pe pèle da kòro.

Zyozuwe 15:51

ní Gosyɛn, ní Holɔn, ní Giilo na. A yoro pye kèye kɛɛ ní nibin n fàra yi kèpiigèle na.

Jàbɔbèle 16:1

Cangaa a Samisɔn kári Gaza ma. A wi sáà nànjaacewaa nyaa yaà beè, a wi sínɛ ní wi ní.

Jàbɔbèle 16:21

A Filisitini ye wi cò, níì nyapiigèle jabagi wi na, níì kári ní wi ní Gaza ma n sáà wi pwɔɔ ní kanyɛɛnrɛ nyɔ̀ʔɔmɔ ní, wi si i tire tírege na yaà kàsow ni.

1 Samyɛli 6:17

Níkunyi niwiriye Filisitini ye da sámaga ní tɛ́ɛw ní n kaan Yawe ma lè kolomi sáriga, yoro yi yee naa. Nibin maa pye Asidɔdi wóʔo, nibin si i nyɛ Gaza wóʔo, nibin si i nyɛ Asikalɔn wóʔo, nibin si i nyɛ Gati wóʔo, a nibin pye Ekurɔn wóʔo.