Zyozuwe 10:4 - Cebaara Bible 2010

⁴ «Yaa maa ye ba mii dɛ̀ɛmɛ wo Gabaɔn jaa, níì cán pe n sáà bɛ̀ɛlɛ lége poro ní Zyozuwe ní Isirayɛli ye níngi ni.»

Zyozuwe 10:4 Iomraidhean Croise

Matye 16:24

Lǎli bee ni a Zyezu gi joo wi pìitamabèle ma níì jo: «Syɔ́ɔnwee faala wi ga ni caa bi taʔa mii na lè, ki n yɛlɛ wi wi nyɛnɛ kérigèle yaʔa wi wi tiiparigi láa waa maa mii kurugo.

Zyan 15:19

Yele ga maa pye dulunyanw wòolo, yele kéeli mǎà dée dulunyanw syɛ̀ɛnnɛ dɛ́nɛ àmɛɛ yele nyɛ lè dulunyanw wòolo. Kàjáa yele ní o nyɛ dulunyanw wòolo í, níì cán mii n yele nyɛ́nɛ n wòlo n yirige dulunyanw ni. Gee bee na yele kéeli dulunyanw syɛ̀ɛnnɛ bɛɛn.

Kapyegèle 21:28

ní i yákpogèle wáa níì jo: «Yele Isirayɛli ye, ye ba wolo dɛ̀ɛmɛ! Nǎnwee wi da ni nyuu lè syɛ́ɛnbèle myɛ ma tɛ́ɛyi myɛ ni ní i syɛɛnpeeri nyuu ni wáa wolo syɛ́ɛnbèle na, n fàra Mowizi làlwaw, ní tɛ́ɛgi naa na, woro wi wee. Alí wi maa wɔ́ɔ̀ Girɛkibèle pèle kɔ́ri n baa jée kpɔ̀ʔɔrɔli kpaʔa ni n tɛɛcǎngi naa nɔ́nʔɔ.»

2 Timɔte 3:12

Bele myɛ si be caa lè bàā táanri Kolocɔlɔɔ yɛ́ɛgi fyáara na Kirisi Zyezu kólogi ni, pe a wɔ́ɔ ra be wɔʔɔ.

Zyaki 4:4

Yele kanɔnʔɔbyebèle! Yele ga gi cán ncan wee wi ga tàmaga le ní dulunyanw ní lè, wee bee i nyɛ Kolocɔlɔɔ nígoo ì? Syɔ́ɔnwee faala wi caa bi pye tàmaga na ní dulunyanw ní lè, wee bee n wiyɛɛ gbéʔele Kolocɔlɔɔ nígoo.

Zyozuwe 10:1

Adoni-Sedɛki wi pye lè Zyerusalɛmi fànʔafɔw, wi maa gi lóʔo àmɛɛ Zyozuwe fànʔa taa Ayi na lè, níì gi syɛ́ɛnbèle myɛ kálagi n kwɔ́ɔ lè. Gee wi kpéʔele Zyeriko ní wi fànʔafɔw na lè, koro wonijangi wi wɔ́ɔ̀ kpéʔele Ayi ní wi fànʔafɔw na. A wi wɔ́ɔ̀ gi lóʔo Gabaɔn ye n kári n sáà bɛ̀ɛlɛ caa Isirayɛli ye ma níì kòro be níngi ni.

Zyozuwe 10:5

A Amɔri ye fànʔafɔbèle kagunɔ peyɛɛ gbóʔoro, pe lè Zyerusalɛmi fànʔafɔw, ní Heburɔn fànʔafɔw, ní Yarimuti fànʔafɔw, ní Lakiisyi fànʔafɔw, ní Egulɔn fànʔafɔw, n kári ní be kapɛɛnkpumɔnbèle myɛ ní n sáà tɛ́ɛn Gabaɔn taana bi kapɛɛnni kpúmɔn ní wi ní.

Zyozuwe 9:15

A Zyozuwe bɛ̀ɛlɛ joogaanna kpéʔele ní be ní n gi tɛ̀ɛn pe a kòro sìi na. A syɛ́ɛnmi kùndigibéle kàli be ma.

1 Pyɛri 4:4

Tɔ́ɔliw ni àmɛɛ gi nyɛ lè yele ní o pìnɛ́ ni fé ni syée ní be ní kanɔnʔɔnɛʔɛri bee kurugo lè í, a be i káama gi na, ní i yele mɛ́ɛyi kálagi.

Tɛ̀ɛnnɛ 16:14

Màdebèle bee i nyɛ pìigēle, gele ge bìngaari kèlē kpéʔele lè, ke i syée sa dulunyanw fànʔafɔɔlɔ myɛ kpóʔoro pe sa kapɛɛnni kpúmɔn Séew Myɛ Kolocɔlɔɔ cângbɔɔgi canʔa na.