Zyozuwe 10:36 - Cebaara Bible 2010

³⁶ A Zyozuwe ní Isirayɛli ye myɛw yiri Egulɔn ni n kári Heburɔn ma n sáà too gi na.

Zyozuwe 10:36 Iomraidhean Croise

Jàbɔbèle 1:10

A Zyuda ye kári n sáà too Kanaan ye na be pye wodɛ́ɛnbéle ní Heburɔn ni lè. Heburɔn pe da séli ni yiri Kiiriyati-Ariba. A be wɔ́ɔ̀ fànʔa taa Syesyayi, ní Ahiman, ní Talimayi na.

Zyozuwe 15:13

A be lɛɛlɛ kaan Yefune jáaw Kalɛbi ma Zyuda yòdaʔayi nínge ni àmɛɛ Yawe da gi joo n gbàn Zyozuwe ma lè, loro li nyɛ Kiiriyati-Ariba, wi lè Heburɔn. Anaki tóow wi pye Ariba.

Córolo 13:22

A be lúgu wòrogulo kàbangi na n kári n sáà nan Heburɔn na. Anaki pìíbèle be lè Ahiman, ní Syesyayi, ní Talimayi, beè poro da pye. Heburɔn maa faan a gi yɛ̀ʔɛlɛ kɔrɔsiin kwɔ́ɔ, á Sowan náà faan ki lè Ezyipiti ni.

1 Cányi kèlē 12:28

Yehoyada wi pye lè Aarɔn ye nyúngi na, selebinnɛ ní saala kɔrɔtaanri ní dabata n pye ní woro ní,

1 Cányi kèlē 12:23

Pèle maa ni maa Davidi ma canʔa o canʔa bi ba ra wi dɛ̀ɛmɛ́ fwɔɔ n taa n baa pye kapɛɛnkɔgaa, gee gi kpɔ́ʔɔ lè, móō Kolocɔlɔɔ kapɛɛnkɔgɔ gii.

Zyozuwe 21:13

A be Heburɔn kaan sáriga-wòlow Aarɔn yòdaʔayi ma n fàra tári na ti gi màʔa lè ki lè kàsuro-jée-kègaa syɛɛnkpoobèle ma, ní wɔ́ɔ̀ Libina kaan be ma n fàra tári na ti gi màʔa lè,

Zyozuwe 15:54

ní Humeta, ní Kiiriyati-Ariba, wi lè Heburɔn, n fàra Siyɔri na. A yoro pye kèye kpanjɛrɛ n fàra yi kèpiigèle na.

Zyozuwe 10:5

A Amɔri ye fànʔafɔbèle kagunɔ peyɛɛ gbóʔoro, pe lè Zyerusalɛmi fànʔafɔw, ní Heburɔn fànʔafɔw, ní Yarimuti fànʔafɔw, ní Lakiisyi fànʔafɔw, ní Egulɔn fànʔafɔw, n kári ní be kapɛɛnkpumɔnbèle myɛ ní n sáà tɛ́ɛn Gabaɔn taana bi kapɛɛnni kpúmɔn ní wi ní.

Zyozuwe 10:3

Koro na Zyerusalɛmi fànʔafɔw Adoni-Sedɛki tun Heburɔn fànʔafɔw Hohami, ní Yarimuti fànʔafɔw Pireyami, ní Lakiisyi fànʔafɔw Yafya, ní Egulɔn fànʔafɔw Debiiri ma n be nyɛ́ɛri níì jo:

Sélimɛ 13:18

A Abirami wi fànikpaayi kɔ́n n kàriga n pan n baa tɛ́ɛn Mamire syɛni tíiri nínge ni, Heburɔn taana. A wi sáriga-wòlo-yafanʔa faan yaà beè Yawe ma.

Zyozuwe 10:35

A be fànʔa taa gi na cángi bee wonijanga, ní ŋɔséew ní. Wi n gi syɛ́ɛnbèle myɛ kpóo péw cángi bee wonijanga àmɛɛ wi da gi kpéʔele Lakiisyi na lè.

Zyozuwe 10:37

A be fànʔa taa gi na níì gi fànʔafɔw ní gi syɛ́ɛnbèle myɛ kpóo ní ŋɔséew ní, n fàra gi tɛ́nɛmi kèye syɛ̀ɛnnɛ myɛ na. Gee wi kpéʔele Egulɔn na lè, koro wonijangi wi wɔ́ɔ̀ kpéʔele yaà beè. Wi ga syɔɔn faala yaʔa a wi syɔɔ í. Wi maa tɔ̀nɔ n kěgi jaa níì gi syɛ́ɛnbèle myɛ kpóo péw.

Jàbɔbèle 1:20

A be Heburɔn kaan Kalɛbi ma àmɛɛ Mowizi da gi joo lè. A wi Anaki jáabèle taanri nɛnɛ n yirige yaà.

2 Cányi kèlē 11:10

ní Soreya, ní Ayalɔn, ní Heburɔn na yi lè Zyuda, ní Bɛnzyamɛ tári ni. Yi n pye kèniriye.