Zyozuwe 10:3 - Cebaara Bible 2010

³ Koro na Zyerusalɛmi fànʔafɔw Adoni-Sedɛki tun Heburɔn fànʔafɔw Hohami, ní Yarimuti fànʔafɔw Pireyami, ní Lakiisyi fànʔafɔw Yafya, ní Egulɔn fànʔafɔw Debiiri ma n be nyɛ́ɛri níì jo:

Zyozuwe 10:3 Iomraidhean Croise

Sélimɛ 23:2

á wi kùu Kiiriyati-Haariba ni, ki lè Heburɔn, Kanaan tári ni. A Abirahami pan bi ba Sara kùúgi kpéʔele, si nyɛni wi kéeli na.

Sélimɛ 37:14

A Isirayɛli wi pye: «Da syée mi sa mɔ yɛʔɛfɔbèle wéle, kapye pe n cólogo yaà, á yaweeyiligèle wɔ́ɔ̀ cólogo, mi ba koro joo mii ma.» Kánmi bee na wi wi yìrige Heburɔn jǐnlɔgi ni n tórigo. A Zyozɛfu kári Sisyɛmi ma.

2 Samyɛli 2:11

Lǎlee Davidi kwɔ́ɔ fǎngi na Heburɔn ni lè Zyuda kpáagi wòolo nyúngo na, li n pye yɛ̀ʔɛlɛ kɔrɔsiin ní yeye kɔrɔni.

2 Fànʔafɔbèle 18:14

Lǎli bee ni a Zyuda fànʔafɔw Ezekyasi tun Asirii fànʔafɔw ma Lakiisyi ma n gi joo wi ma níì jo: «Mii n kolo. Lúru maa syée mí mii yaʔa. Gee mɔ ga mii kɔ́ri mii í kpéʔele lè, mii a gi kpéʔele.» A Asirii fànʔafɔw wálifiio cúlobéle selebingéle sicɛrɛ ní saala kagunɔ wáa Zyuda fànʔafɔw Ezekyasi na n fàra tɛɛ̀ cúlobéle saala sicɛrɛ ní dabata na.

2 Fànʔafɔbèle 18:17

A Asirii fànʔafɔw kòro yaà Lakiisyi ni níì sùlasiibèle myɛ kàfɔlɔ, ní kapɛɛnkpumɔnbèle kàfɔlɔ, ní wee bee taʔara tun ní kapɛɛnkpumɔn-nɛʔɛbéle ní fànʔafɔw Ezekyasi kurugo Zyerusalɛmi ma. A be kári, pe baa nan Zyerusalɛmi na lè, a be yére lǒgi wéʔe njoʔo ma, lǒgi tɛɛ̀foo-zɔ̀lɔgɔ nyɔ́ɔ na, gàla-le-nǎnw séʔe kólogo nyɔ́ɔ na.

2 Cányi kèlē 11:9

ní Adorayimi, ní Lakiisyi, ní Azeka,

Zyeremii 34:7

Koro n gi taa Babilɔni kapɛɛnkpumɔnbèle maa pye ni kapɛɛnni kpúmɔn ní Zyerusalɛmi ní, ní Zyuda kěyi wozanya myɛ ní, yi lè Lakiisyi, ní Azeka, níì cán yoro yi da kòro Zyuda kěyi ni kèniriyi.

Misye 1:13

Lakiisyi ye céw, wòtorow pwɔɔ syɔ́ɔnyi na, mɔ wi pye kapeeli sélimɛ, calipili Siyɔn ma, níì cán mɔ ni Isirayɛli kapeeyi nyaa.

Córolo 13:22

A be lúgu wòrogulo kàbangi na n kári n sáà nan Heburɔn na. Anaki pìíbèle be lè Ahiman, ní Syesyayi, ní Talimayi, beè poro da pye. Heburɔn maa faan a gi yɛ̀ʔɛlɛ kɔrɔsiin kwɔ́ɔ, á Sowan náà faan ki lè Ezyipiti ni.

Zyozuwe 10:1

Adoni-Sedɛki wi pye lè Zyerusalɛmi fànʔafɔw, wi maa gi lóʔo àmɛɛ Zyozuwe fànʔa taa Ayi na lè, níì gi syɛ́ɛnbèle myɛ kálagi n kwɔ́ɔ lè. Gee wi kpéʔele Zyeriko ní wi fànʔafɔw na lè, koro wonijangi wi wɔ́ɔ̀ kpéʔele Ayi ní wi fànʔafɔw na. A wi wɔ́ɔ̀ gi lóʔo Gabaɔn ye n kári n sáà bɛ̀ɛlɛ caa Isirayɛli ye ma níì kòro be níngi ni.

Zyozuwe 10:23

Kánmi bee na pe gi kpéʔele n sáà fànʔafɔbèle bee kagunɔ yirige fálaweegi ni n pan wi ma. Poro be nyɛ Zyerusalɛmi fànʔafɔw, ní Heburɔn fànʔafɔw, ní Yarimuti fànʔafɔw, n fàra Lakiisyi fànʔafɔw, ní Egulɔn fànʔafɔw na.

Zyozuwe 10:34

A Zyozuwe yiri Lakiisyi ni ní Isirayɛli ye myɛ ní n kári Egulɔn ma n sáà tɛ́ɛn gi taana níì too gi na,

Zyozuwe 10:5

A Amɔri ye fànʔafɔbèle kagunɔ peyɛɛ gbóʔoro, pe lè Zyerusalɛmi fànʔafɔw, ní Heburɔn fànʔafɔw, ní Yarimuti fànʔafɔw, ní Lakiisyi fànʔafɔw, ní Egulɔn fànʔafɔw, n kári ní be kapɛɛnkpumɔnbèle myɛ ní n sáà tɛ́ɛn Gabaɔn taana bi kapɛɛnni kpúmɔn ní wi ní.

Zyozuwe 14:15

Heburɔn pe da séli ni yiri Kiiriyati-Ariba. Aribaw bee wi da kpɔ́ʔɔ n sɔ̀lɔ Anaki ye ni. Lǎli bee ni a tári pye yɛɛ̀nyinge na. Kapɛɛnnɛ ga níì pye yaà í.

Zyozuwe 15:54

ní Humeta, ní Kiiriyati-Ariba, wi lè Heburɔn, n fàra Siyɔri na. A yoro pye kèye kpanjɛrɛ n fàra yi kèpiigèle na.

Zyozuwe 15:63

Yebusi ye pe da pye lè Zyerusalɛmi ni, Zyuda yòdaʔayi ga gbàn n be nɛnɛ n yirige yaà í. Yebusi ye i nyɛ wodɛ́ɛnbéle ní Zyuda yòdaʔayi nínge ni, Zyerusalɛmi ni fwɔɔ n baa nan níjanʔa na.

Zyozuwe 18:28

ní Sela, ní Elɛfi, ní Yebusi, pe ba ni yiri lè Zyerusalɛmi, n fàra Gibeyati ní Kiiriyati na. A yoro pye kèye kɛɛ ní sicɛrɛ n fàra yi kèpiigèle na. Koro gi pye Bɛnzyamɛ yòdaʔayi kɔ́rigɔ n yɛlɛ ní be túluyi ní.