Zyozuwe 10:2 - Cebaara Bible 2010

² Lǎli bee ni a gi pye wi ní wi syɛ́ɛnbèle ma fyáakpɔɔrɔ. Níì cán Gabaɔn maa pye kèkpɔʔɔ àmɛɛ fàngaʔa nyɛ lè. Alí ki maa kpɔ́ʔɔ Ayi na, ki nǎnbèle myɛ si i nyɛ kapɛɛnkpumɔn-sànbalibéle.

Zyozuwe 10:2 Iomraidhean Croise

2 Samyɛli 12:26

Zyowabi wi da sáà too Araba na lè ki lè Amɔn ye fàngegi a wi gi syɔɔ n taa.

Kàseegèle 10:24

Gee na syɛɛnpeew fɛ̀ɛgí lè, koro gi nangi wi na, gee si syɛɛnsinbèle caa lè, ki a kaan be ma.

Làlwaw Kaanziin 11:25

Wàa faala a gbǎn yére bi yele sige í. Táree ni yele ga tánʔa n sɔ̀lɔ lè, Yawe yele Kolocɔlɔw a zɔ̀nviikɔnirɔ ní fyáara cáan syɛ́ɛnbèle bee myɛ na yele kéeli na bi yɛlɛ ní gi ní àmɛɛ wi gi joo yele ma lè.

Làlwaw Kaanziin 2:25

Mii a séli níjanʔa na bi mɔ fyáari cáan syɛɛnfeleyi na yi nyɛ lè nyɛ̀ʔɛni myɛ láara ni, yi a ra fɛ̀ɛgí mɔ na. Mɔ mɛ́ɛgi lóʔolo a yi kaan yaa cɛ̀lɛ́, yi fúnyi si curugo mɔ yɛ́ʔɛ ma.

Làlwaw Kaanziin 28:10

Tári syɛɛnfeleye myɛ a gi nyaa bi cán Yawe mɛ́ɛgi i yiri mɔ na, yi a fyáa mɔ na.

Heburubèle 10:27

Kàjáa kútiiw sigele ní naakpɔɔgi sórigolo fyáakpɔɔrɔ di kòro, náagi bee ki a ba Kolocɔlɔɔ nigoobèle kálagi!

Heburubèle 10:31

Bi jée Kolocɔlɔɔ woweew kɔ́yɔ ni, gee bee i nyɛ fyáakpɔɔrɔ kéele!

Zyozuwe 2:24

Pe n baa gi joo Zyozuwe ma níì jo: «Kányɛʔɛ na Yawe n tɔ̀nɔ n tári myɛ le wolo kɔ́yi ni. Tári syɛ̀ɛnnɛ myɛ báriga n tɔ̀nɔ n kwɔ́ɔ wolo yɛ́ʔɛ ma.»

Zyozuwe 9:24

A be Zyozuwe yari: «Gee na wolo gee bee kpéʔele lè, koro gi nyɛ ncan ki n fílige n joo wolo ma wo nyɛ lè mɔ púlobèle níì jo Yawe mɔ Kolocɔlɔw maa gi joo n gbàn wi falipyew Mowizi ma níì jo wi tári naa myɛ kaan yele ma, si di syɛ́ɛnbèle myɛ kálagi yele yɛ́ʔɛ ma. Gee bee na wolo fyáa yele na gbanʔama wolo sìíw kéele na.

Zyozuwe 9:3

Gee Zyozuwe kpéʔele lè Zyeriko ní Ayi na, a Gabaɔn ye wɔ́ɔ̀ gee bee lóʔo.

1 Samyɛli 27:5

A Davidi Akisyi pye: «Kapye mɔ n fɔ̀lɔ mii na kányɛʔɛ, ki n yɛlɛ be tɛɛ̀tɛ́ɛnnɛ kaan mii ma sìnbirigi kègaa ni. Níì cán nyàʔá na gi yɛlɛ mɔ falipyew í tɛ́ɛn ní mɔ ní fàngegi ni?»