Zyozuwe 10:13 - Cebaara Bible 2010

¹³ A cángi yére a yégi wɔ́ɔ̀ yére fwɔɔ bi taa Isirayɛli syɛɛnfelegi í gi gɔ̀lɔ́w wòlo ki nigoobèle na. Kéeli bee n sɛ́bɛ Wozinw sɛ́bɛ ni. Lǎli ni cángi tɛ́ɛn nyùngo ni lè, a gi yére beè n canbogo félege kwɔ́ɔ. Ki ga sɛ̀ʔɛrɛ n kári canʔajeemɛ ma í.

Zyozuwe 10:13 Iomraidhean Croise

2 Samyɛli 1:18

A wi gi joo n gbàn níì jo pe Zyuda yòdaʔayi tama gi na. Sedegi ŋúnugo gii. Ki n sɛ́bɛ Wozinw sɛ́bɛ ni.

2 Fànʔafɔbèle 20:10

A Ezekyasi wi yari: «Bi kànyinni tórigo yɛʔɛ̀ ma li sa nan tɛɛ̀lúgugéle kɛɛ na, koro n wɛ́ʔɛri. Ki n yɛlɛ li lúru kàdoʔo ma bi ba nan tɛɛ̀lúgugéle kɛɛ na.»

Ɛsitɛri 8:13

Pe maa sɛ́bɛw bee syɛɛnnijanra sɛ́bɛ n tórigo tórigo tátɛɛyi myɛ ma syɛɛnfeleyi myɛ ma, a gi pye làlwa, jàngó Zyefubèle í peyɛɛ zámaga yaʔa cángi bee yɛ́ʔɛ na, bi be gɔ̀lɔ́w wòlo pe nigoobèle na.

Zyɔbi 9:7

Wi i nyuu ni gbàngí cángi ma, cángi o yirigi í. Wi i ŋɔripiigèle tɔ́ngi.

Ŋúnuyi 148:3

Yaa wi sòoló, cángi ní yégi! Yaa wi sòoló, yele ŋɔripiigèle myɛ ye nyín lè!

Ŋúnuyi 19:4

Syɛɛnjóoro fun ni, syɛɛnkanya fun ni, ti joomɔ ga lóʔo í.

Ezayi 24:23

Yégi a círige, cángi a pye fɛ̀ɛrɛ wóʔo ní. Níì cán Nyɛ̀ʔɛni Sùlasiibéle Kafɔlɔ wi lè Yawe, woro a tɛ́ɛn fǎngi na Siyɔn nyanbelegi na, Zyerusalɛmi ni. Nìjanri a ra daragi wi wolɛɛbèle yɛ́ʔɛ ma.

Ezayi 38:8

Wéle cángi kànyinnɛ li tìgi lee Akazi tɛɛ̀lúgugéle kɛɛ na, mii si a gi lúrugo kàdoʔo ma bi láʔa tɛɛ̀lúgugèle bee na.› » Cángi kànyinnɛ maa tìgi n kwɔ́ɔ n nan tɛɛ̀lúgugèle gele kɛɛ na lè, a gi níì lúru kàdoʔo ma n láʔa gele bee na.

Zyowɛli 2:10

Tári i cɛ̀lɛ́ pe yɛʔɛ̀ ma, a nyɛ̀ʔɛni cúngo, cángi, ní yégi i kàragí yébilimɛ, ŋɔripiigèle gbɛ̀ɛnmɛ i kwóo ni syée.

Habakuki 3:11

Cángi ní yégi i yèré tɛɛnijangi ni mɔ ŋáayi gbɛ̀ɛnmɛ na yi syée lè, ní mɔ tabaaw gbɛ̀ɛnmɛ darigala na.

Córolo 21:14

Koro na ki joo Yawe kapɛɛngèle sɛ́bɛ ni níì jo: «Wahebi, Sufa ni, ní Arinɔn lókoloyi,

Córolo 31:2

«Ki n yɛlɛ mi Isirayɛli ye gɔ̀lɔ́w wòlo Madyan ye na, koro kàdoʔo ma mɔ a kùu bi kári mɔ syɛ́ɛnbèle kurugo.»

Matye 24:29

«Wɔʔɔli bee canya kàdoʔo ma, cángi a kàri yébilimɛ terire, yégi a ní fílige í, ŋɔripiigèle sáā yìrigí nyɛ̀ʔɛni na bi ba ra tuun tári na, nyɛ̀ʔɛni fàngboloyo a cúngo.

Matye 5:45

Koro ga pye yele a náa pye yele Tóow jàala wi lè nyɛ̀ʔɛni na. Níì cán woro wi wi cángi yaʔa a gi i fologi syɛɛnpeebèle ní syɛɛncanbèle ma, ní wɔ́ɔ̀ zěgi yaʔa a gi i tuun syɛɛnsinbèle ní syɛɛnnaa-sìnzinbèle ma.

Luki 18:7

Kolocɔlɔɔ syɛɛnnyɛnɛ-wòlobèle si be wi yiri lè canʔa ní yébilige, wi a tɔ̀ʔɔ́ tànʔa kaan bele bee ma ì? A wi a fúngi nyíngi lé be dɛ̀ɛmɛni kurugo?

Kapyegèle 2:20

Cángi a ba kàri yébilimɛ, yégi si kàri sìsyaan, sáni Kàfɔw cângbɔʔɔ í nan lè ki lè nìjangbɔɔri canʔa.

Zyozuwe 10:11

Lǎli ni be pye ni fé Isirayɛli ye yɛ́ɛgi na ni tíri Bɛti-Horɔn tìgimi ni lè, a Yawe i zěsolo-kùnguru-kpóloyo yìrigí nyɛ̀ʔɛni na ni be wábagi ni kúu ni syée fwɔɔ n sáà nan Azeka na. Bele be kùu zěsolo-kùnguriyi báriga ni lè, a poro nɛʔɛ n sɔ̀lɔ bele na Isirayɛli ye kpóo ní ŋɔséebèle ní lè.

Zyozuwe 10:14

Cángi bee félege da kɔ́ɔ̀ pye í, ki felege si ga ní wɔ́ɔ̀ pye í, gee ni Yawe lóʔo syɔɔn ma kánmi bee na lè. Yawe wi da ni kapɛɛnni kpúmɔn ni kaangi Isirayɛli ye ma.

Tɛ̀ɛnnɛ 21:23

Kěgi màko o nyɛ cángi gbɛ̀ɛnmɛ na í, wàlá yégi wómɔ na í, níì cán Kolocɔlɔɔ nìjangbɔɔri di nyɛ ki gbɛ̀ɛ́nmi, á Bàpili si i nyɛ gi fètinni.

Tɛ̀ɛnnɛ 6:10

A be yákpogèle wáa gbanʔama níì jo: «Kàfɔzinw, mɔ wi lè kányɛɛgi fɔ́lɔ, làlìí mɔ sige si náa wolo sìsyaanw wolo kútii joo ceri tári syɛ̀ɛnnɛ na, si gi sìndɛɛgi lúrugo be ma?»

Tɛ̀ɛnnɛ 6:12

A Bàpili ga fɛ̀ɛ kɔrɔni wów múgu, a mii tári nyaa, a di cúngo gbanʔama, a cángi kàri wowɔʔɔ ní àmɛɛ gɔ̀nvaʔaga nyɛ lè, gee be tìin ní síiwɔɔrɔ ní lè. A yégi myɛ kàri wonyɛnʔɛ ní àmɛɛ sìsyaan nyɛ lè,

Tɛ̀ɛnnɛ 8:12

A nyɛ̀ʔɛni tundun-sicɛrɛ wóo wi búruw wìi. A Kolocɔlɔɔ fala n cángi tílaya taanri wóʔo kpúmɔn n fàra yégi tílaya taanri wóʔo, ní ŋɔripiigèle tílaya taanri wóʔo na, koro ga pye yi tílayi taanri-daanri wóyo í kàri yébilimɛ, gbɛ̀ɛnmɛ ga pye syɛ́ɛnbèle ma cángi tílaya taanri wóʔo na í, a yégi ní ŋɔripiigèle gbɛ̀ɛnmɛ tílaya taanri wóʔo wɔ́ɔ baa pye ànbée yébiligi làla ni.

Jàbɔbèle 16:28

Lǎli bee ni a Samisɔn Yawe nyɛ́ɛri níì jo: «Kàfɔw Yawe, mii i mɔ nyɛ́ɛri, sɔ̀ngi mi taa mii na, mí ní fànʔa kaan mii ma kátali naa na. Ee Kolocɔlɔɔ, koro ga pye mii í mii nyapiigèle siin jaala gɔlɔ́ wòlo Filisitini ye na tɔlɔgi naa nibin na.»

Jàbɔbèle 5:2

«Kùndigibèle ga kapɛɛnni yìrile fɛ̀ɛ kaan, syɛ́ɛnbèle ga peyɛɛ gaan bi kári kapɛɛnni ma, yaa Yawe kpɔ̀ʔɔrɔ́ gee bee kéele na.