Zyozuwe 10:12 - Cebaara Bible 2010

¹² Cángee na Yawe Amɔri ye le Isirayɛli ye kɔ́yi ni lè, lǎli bee ni a Zyozuwe gee naa nyɛ́ɛri Yawe ma Isirayɛli ye nyɛ́nɛ na níì jo: «Cángi, ki n yɛlɛ mi yére Gabaɔn nyúngi ni. Yégi, ki n yɛlɛ mi yére Ayalɔn jǐnlɔgi ǹjoʔo ni.»

Zyozuwe 10:12 Iomraidhean Croise

2 Samyɛli 2:12

A Nɛɛri jáaw Abinɛɛri, ní Sawuli jáaw Isyi-Bosyɛti falipyebèle yiri Mahanayimi ni n kári Gabaɔn kàbangi na.

2 Fànʔafɔbèle 20:10

A Ezekyasi wi yari: «Bi kànyinni tórigo yɛʔɛ̀ ma li sa nan tɛɛ̀lúgugéle kɛɛ na, koro n wɛ́ʔɛri. Ki n yɛlɛ li lúru kàdoʔo ma bi ba nan tɛɛ̀lúgugéle kɛɛ na.»

2 Fànʔafɔbèle 20:11

A kanyaajoow Ezayi nyɛ́ɛri Yawe ma a wi kànyinni lúrugo a li baa nan tɛɛ̀lúgugéle kɛɛ na Akazi tɛɛ̀lúgugèle na, beè li da tìgi lè.

2 Fànʔafɔbèle 20:9

A Ezayi jo: «Yawe a gee naa kpéʔele gi pye mɔ ma fɛ̀ɛ jàngó mɔ í gi cán gee Yawe joo mɔ ma lè, wi a gi kpéʔele. Cángi kànyinnɛ í kári lé yɛʔɛ ma bi sa nan tɛɛ̀lúgugéle kɛɛ na láà ba fwɔɔ li lúru kàdoʔo ma bi ba nan tɛɛ̀lúgugéle kɛɛ na?»

1 Cányi kèlē 8:13

Beriya, ní Syema be pye lè narigbaaya kundigibéle Ayalɔn ye níngi ni, a poro Gati ye nɛnɛ.

2 Cányi kèlē 11:10

ní Soreya, ní Ayalɔn, ní Heburɔn na yi lè Zyuda, ní Bɛnzyamɛ tári ni. Yi n pye kèniriye.

Zyɔbi 9:7

Wi i nyuu ni gbàngí cángi ma, cángi o yirigi í. Wi i ŋɔripiigèle tɔ́ngi.

Ŋúnuyi 148:3

Yaa wi sòoló, cángi ní yégi! Yaa wi sòoló, yele ŋɔripiigèle myɛ ye nyín lè!

Ŋúnuyi 19:4

Syɛɛnjóoro fun ni, syɛɛnkanya fun ni, ti joomɔ ga lóʔo í.

Ŋúnuyi 74:16

Cángi i nyɛ mɔ wóʔo, a yébiligi wɔ́ɔ i nyɛ mɔ wóʔo, mɔ wi yégi ní cángi sámaga.

Ezayi 28:21

Yawe a tɔ̀nɔ́ yìri àmɛɛ ki da pye Perasimi nyanbelegi na lè, wi a ra figiri àmɛɛ ki da pye Gabaɔn jǐnlɔgi ni lè, bi wi kapyeli kpéʔele, lee li lè li da tàli ni kpéʔele í, bi wi fáliw kpéʔele, wi lè falinibɔɔn.

Ezayi 38:8

Wéle cángi kànyinnɛ li tìgi lee Akazi tɛɛ̀lúgugéle kɛɛ na, mii si a gi lúrugo kàdoʔo ma bi láʔa tɛɛ̀lúgugèle bee na.› » Cángi kànyinnɛ maa tìgi n kwɔ́ɔ n nan tɛɛ̀lúgugèle gele kɛɛ na lè, a gi níì lúru kàdoʔo ma n láʔa gele bee na.

Ezayi 60:20

Mɔ cángi a ní jée í, mɔ yégi a ní jée yébilimɛ ni í. Níì cán Yawe wi a pye mɔ gbɛɛnmi làla o làla. Mɔ kuu-káyaagi cánya a kwɔ́ɔ.

Zyeremii 28:1

Yɛ́ɛli bee wonijanna, Zyuda fànʔafɔw Sedesyasi fǎngi sélimɛ na, yɛ̀ʔɛlɛ sicɛrɛ wóli yeye kagunɔ wógi na, Azuuri wi lè Gabaɔn ye wów, a woro jáaw kanyaajoow Hananya gi joo mii ma Yawe kpáagi ni, sáriga-wòlobèle, ní syɛ́ɛnbèle myɛ nyɛ́nɛ na níì jo:

Amɔsi 2:9

Bi gi taa mii n Amɔri ye kálagi pe yɛʔɛ̀ ma, poro bele tɔnɔganma bi pye àmɛɛ sɛdiri tíiri nyɛ lè pe fǎngi si i nyɛ àmɛɛ syɛni tíiri wóʔo nyɛ lè. Mii n be yasanri kálagi ǹjogi ni, níì be nǐnri kálagi táàma.

Amɔsi 8:9

Cángi bee na mii a gi yaʔa cángi í too lǎli ni ki ga tɛ́ɛn nyùngo ni lè, si tári kàriga yébiliwɔɔlɔ cânvulɛɛli làla ni,» Kàfɔw Yawe wi jo nya.

Habakuki 2:20

Kàjáa Yawe i nyɛ wi kpɔ̀ʔɔrɔli kpaacanga ni. Ki n yɛlɛ tári myɛ í kòro pyèrio wi yɛʔɛ̀ ma!

Habakuki 3:11

Cángi ní yégi i yèré tɛɛnijangi ni mɔ ŋáayi gbɛ̀ɛnmɛ na yi syée lè, ní mɔ tabaaw gbɛ̀ɛnmɛ darigala na.

Zakarii 2:13

Wéle, mii a mii kɔ́gi yìrige yi kánmi na, yi a ba pye yi púlobèle yakoliro.› Yele si a gi cán bi cán Yawe wi lè Nyɛ̀ʔɛni Sùlasiibéle Kafɔlɔ, woro wi mii tun.

Làlwaw Kaanziin 17:3

níì kári n sa ni kolocɔlɔbèle pèle nikwɔɔlɔ kpɔ̀ʔɔrɔ́, ní i kpùmɔnɔ́ be yɛʔɛ̀ ma, ní wɔ́ɔ i kpùmɔnɔ́ cángi, wàlá yégi, wàlá nyɛ̀ʔɛni ŋɔripilaa faala yɛ́ʔɛ ma, gee gi lè mii ban wi gi joo nyáana í,

Làlwaw Kaanziin 4:19

Mi wɔ́ɔ maa miyɛɛ kɔ̀rɔsíi, koro ga pye mɔ ga mɔ nyapiigèle yìrige n le nyɛ̀ʔɛni ni, níì cángi, ní yégi, ní ŋɔripiigèle nyaa, ti lè nyɛ̀ʔɛni yárira myɛw, mɔ a kɔ́ miyɛɛ yaʔa di kpɔ̀ʔɔrɔ láaw í mɔ taa mɔ í da kpùmɔnɔ́ di yɛʔɛ̀ ma í. Yawe mɔ Kolocɔlɔw n dee bee kaan nyɛ̀ʔɛni láara syɛɛnfeleye myɛ bìnɛw ma.

Zyozuwe 10:13

A cángi yére a yégi wɔ́ɔ̀ yére fwɔɔ bi taa Isirayɛli syɛɛnfelegi í gi gɔ̀lɔ́w wòlo ki nigoobèle na. Kéeli bee n sɛ́bɛ Wozinw sɛ́bɛ ni. Lǎli ni cángi tɛ́ɛn nyùngo ni lè, a gi yére beè n canbogo félege kwɔ́ɔ. Ki ga sɛ̀ʔɛrɛ n kári canʔajeemɛ ma í.

Zyozuwe 19:42

ní Syaalabɛn, ní Ayalɔn, ní Yitila,

Zyozuwe 21:24

ní Ayalɔn n fàra tári na ti gi màʔa lè, ní Gati-Irimɔn n fàra tári na ti gi màʔa lè. A yoro pye kèye sicɛrɛ.

Jàbɔbèle 12:12

Koro kàdoʔo ma a Zabulɔn ye Elɔn kùu, a be wi tɔ́n Ayalɔn ni, Zabulɔn tári ni.

Jàbɔbèle 5:20

N ŋɔripiigèle yaʔa nyɛ̀ʔɛni na, a ge kapɛɛnni kpúmɔn. N ge yaʔa ge kóloyi ni, a ge kapɛɛnni kpúmɔn ní Sisera ní.

1 Samyɛli 12:18

A Samyɛli Yawe nyɛ́ɛri, a Yawe nyɛ̀ʔɛni yaʔa li i tìngí níì zàʔá cáan cángi bee tiimaa na. A syɛ́ɛnbèle myɛ fyáa gbanʔama Yawe ní Samyɛli na.

1 Samyɛli 14:31

A be Filisitini ye kpóo cángi bee n séli Mikimasyi na fwɔɔ n sáà nan Ayalɔn na. Syɛ́ɛnbèle fànʔa si maa tɔ̀nɔ n kwɔ́ɔ.