Zyozuwe 10:11 - Cebaara Bible 2010

¹¹ Lǎli ni be pye ni fé Isirayɛli ye yɛ́ɛgi na ni tíri Bɛti-Horɔn tìgimi ni lè, a Yawe i zěsolo-kùnguru-kpóloyo yìrigí nyɛ̀ʔɛni na ni be wábagi ni kúu ni syée fwɔɔ n sáà nan Azeka na. Bele be kùu zěsolo-kùnguriyi báriga ni lè, a poro nɛʔɛ n sɔ̀lɔ bele na Isirayɛli ye kpóo ní ŋɔséebèle ní lè.

Zyozuwe 10:11 Iomraidhean Croise

Sélimɛ 19:24

Lǎli bee ni a Yawe naà ní dìrigí yìrige nyɛ̀ʔɛni na n cáan Sodɔmi ní Gomɔri na àmɛɛ zàʔá nyɛ lè, dee di yìri woro Yawe ma lè.

2 Samyɛli 18:8

A kapɛɛnni cariga tári myɛ ni, bele kɔ́ligi lìi lè, a poro nɛʔɛ n sɔ̀lɔ ŋɔséew wòolo na.

Zyɔbi 38:22

A mɔ jée lé fwɔɔ n sáà nan lànɛɛzyiw tɛɛkɔnyɔ na? A mɔ zěsolomi tɛɛkɔnyɔ nyaa lé,

Zyɔbi 38:23

toro dee mii yaʔa kɔlɔ̀ na lè wɔʔɔgɔ lala, ní kapɛɛnkpumɔnrɔ canʔa, ní kapɛɛnnɛ canʔa yɛ́ʔɛ na?

Ŋúnuyi 11:6

Wi i naàniganw, ní náagi, ní dìrigíw cáan syɛɛnpeebèle na àmɛɛ zàʔá nyɛ lè. Yagbaanyɛnni wi a kaan be ma lè pe lɛɛli, li a pye káfalafuugo wólo.

Ŋúnuyi 147:17

Wi i wi zěsolomi wábagi kùnguruyo. Wìí syɔ́ɔn wi a gbǎn yére bi wi wéeri sige?

Ezayi 28:2

Nànnirio wéle, wee wi nyɛ lè séefɔlɔ, wee Yawe tun lè àmɛɛ zěsolomɔ nyɛ, bee bi pee lè, ní àmɛɛ gàlagí káfalakpɔʔɔ nyɛ lè, ní àmɛɛ zàʔá nyɛ, gee gi kabi ni jǐn lòcooloyo lɔ́ʔɔ ni lè. Wi n gi cáan tári na ní fundanʔara ní.

Ezayi 28:21

Yawe a tɔ̀nɔ́ yìri àmɛɛ ki da pye Perasimi nyanbelegi na lè, wi a ra figiri àmɛɛ ki da pye Gabaɔn jǐnlɔgi ni lè, bi wi kapyeli kpéʔele, lee li lè li da tàli ni kpéʔele í, bi wi fáliw kpéʔele, wi lè falinibɔɔn.

Ezayi 30:30

Yawe si a wi fàngbɔɔgi yákpolo wáa, wi a wi kɔ́gi tɛ̀ɛn, gee ki a kpumɔnrɔ kpéʔele lè bi yɛlɛ ní wi fundanʔagbɔɔri ní, ní naanyìnge, gee ki a ra sórigolo kpéʔele lè, n fàra lònyínge, ní káfalakpɔʔɔ, ní zěsolo-kàdɛnɛrɛ na.

Ezekyɛli 13:11

Ki joo bele má be poofiiw téeri ni gi pòó lè mí be pye: Ki a too! Zěkpɔʔɔ a pan zěsolo-kàdɛnɛrɛ a ra tuun, káfalakpɔʔɔ zàʔá a yìri.

Làlwaw Kaanziin 20:4

Níì cán Yawe wi lè yele Kolocɔlɔw, woro wi syée ní yele ní bi sa kapɛɛnni kpúmɔn ní yele nigoobèle ní bi kaan yele ma jàngó bi yele syɔɔ.›

Tɛ̀ɛnnɛ 11:19

A wàa Kolocɔlɔɔ kpɔ̀ʔɔrɔli kpaʔa múgu gi nyɛ lè nyɛ̀ʔɛni ni, a mii wi joogaanni kásu nyaa wi kpɔ̀ʔɔrɔli kpaʔa ni. A nyɛ̀ʔɛni fala ni nyɛ́ʔɛnɛ, ní i tìngí, ní i folo ni kabagi, a tári cúngo, a zěsolomɔ i tuun wogbolomɔ ní.

Tɛ̀ɛnnɛ 16:21

A zěsolo-kùnguru-kpóloyo i yìrigí nyɛ̀ʔɛni na n ba ni tuun syɛ́ɛnbèle na, yi líbeganmi maa cúlobéle togoye siin-ziin kwɔ́ɔ. A syɛ́ɛnbèle i syɛɛnpeeri nyuu ni wáa Kolocɔlɔɔ na zěsolomi wɔʔɔgɔ kéele na, níì cán wɔʔɔgi bee n kpɔ́ʔɔ n caanri.

Jàbɔbèle 5:20

N ŋɔripiigèle yaʔa nyɛ̀ʔɛni na, a ge kapɛɛnni kpúmɔn. N ge yaʔa ge kóloyi ni, a ge kapɛɛnni kpúmɔn ní Sisera ní.