Zyozuwe 10:10 - Cebaara Bible 2010

¹⁰ A Yawe be cariga peyɛɛ na Isirayɛli ye yɛ́ʔɛ ma. A be tɔ̀nɔ n pèle saʔa kpóo be ni Gabaɔn ni, níì be nɛnɛ n sɔ̀lɔ kólogi ni ki lúru ni syée Bɛti-Horɔn ma lè, ní i be kúu ni syée fwɔɔ n sáà nan Azeka, ní Makeda na.

Zyozuwe 10:10 Iomraidhean Croise

2 Samyɛli 22:15

Wi n ŋaaya ŋɔɔn n be cariga. Ní nyɛ̀ʔɛni sàlima n be nɛnɛ.

1 Fànʔafɔbèle 9:17

A Salomɔn Gezɛɛri ní táàma Bɛti-Horɔn faan,

2 Cányi kèlē 14:12

Aza ní syɛ́ɛnbèle be pye ní wi ní lè, a poro be kɔ́ri n láa ni nɛnɛ fwɔɔ n sáà nan Gerari na. A Kusyi ye syɛɛnnɛʔɛmi i tuun ni kúu, pe ga gbàn n peyɛɛ zyɔɔ í, níì cán pe maa cɔ̀nʔɔ n wo Yawe ní wi kapɛɛnkpumɔnbèle yɛ́ʔɛ ma. A Aza ní wi syɛ́ɛnbèle yanɛʔɛrɛ taa kapɛɛnni na.

2 Cányi kèlē 25:13

Kabigee wòolo si Amasya lúrugo n tórigo lè níì jo pe a kɔ́ kári ní woro ní kapɛɛnni ma í, a poro cariga n jée Zyuda kěyi ni n séli Samarii na n sáà nan Bɛti-Horɔn na. A be syɛ̀ɛnnɛ selebinnɛ ní saala kagunɔ kpóo, níì yanɛʔɛrɛ koli.

Ŋúnuyi 18:14

N Yawe yaʔa nyɛ̀ʔɛni na, a wi folo n kabagi, wee wi nyɛ lè Pe Myɛ Nyúngo na, wi n wi yákpoli wáa ní zěsolomi, ní naàniganw ní.

Ŋúnuyi 44:3

Mɔ n syɛɛnfeleye nɛnɛ n yirige yaà ní mɔ kɔ́gi ní, níì be télege. Mɔ n syɛɛnfeleye kálagi, níì be yaʔa be sínɛ sánʔa.

Ŋúnuyi 68:14

Lǎli ni yele kòro wozinɛbéle ní bàkpaayi ni lè, wálifiiw n kàtoli fókaanya tɔ́n, tɛɛcàndelew i nyɛ li síiri na ni daragi.

Ŋúnuyi 78:55

Wi n syɛɛnfeleyaa nɛnɛ pe yɛ́ɛgi na n yirige yaà, níì mɛɛnnɛ tɛ́ʔɛ n yi tári tímana n lɛɛ be na a di pye be kɔrigɔ, wi n Isirayɛli syɛɛnfeleyi télege be fànikpaayi ni.

Ezayi 28:21

Yawe a tɔ̀nɔ́ yìri àmɛɛ ki da pye Perasimi nyanbelegi na lè, wi a ra figiri àmɛɛ ki da pye Gabaɔn jǐnlɔgi ni lè, bi wi kapyeli kpéʔele, lee li lè li da tàli ni kpéʔele í, bi wi fáliw kpéʔele, wi lè falinibɔɔn.

Ezayi 30:30

Yawe si a wi fàngbɔɔgi yákpolo wáa, wi a wi kɔ́gi tɛ̀ɛn, gee ki a kpumɔnrɔ kpéʔele lè bi yɛlɛ ní wi fundanʔagbɔɔri ní, ní naanyìnge, gee ki a ra sórigolo kpéʔele lè, n fàra lònyínge, ní káfalakpɔʔɔ, ní zěsolo-kàdɛnɛrɛ na.

Zyeremii 34:7

Koro n gi taa Babilɔni kapɛɛnkpumɔnbèle maa pye ni kapɛɛnni kpúmɔn ní Zyerusalɛmi ní, ní Zyuda kěyi wozanya myɛ ní, yi lè Lakiisyi, ní Azeka, níì cán yoro yi da kòro Zyuda kěyi ni kèniriyi.

Zakarii 14:3

Yawe a yiri bi kapɛɛnni kpúmɔn ní syɛɛnfeleyi bee ní, mɔ a jo cángee na wi kapɛɛnnɛ kpúmɔn lè kapɛɛnni canʔa na.

Làlwaw Kaanziin 7:23

Yawe mɔ Kolocɔlɔw a yi le mɔ kɔ́yi ni, si nyáʔamigbɔɔlɔ cáan yi na fwɔɔ bi taa yi ba kálagi kwɔ́ɔ.

Zyozuwe 10:11

Lǎli ni be pye ni fé Isirayɛli ye yɛ́ɛgi na ni tíri Bɛti-Horɔn tìgimi ni lè, a Yawe i zěsolo-kùnguru-kpóloyo yìrigí nyɛ̀ʔɛni na ni be wábagi ni kúu ni syée fwɔɔ n sáà nan Azeka na. Bele be kùu zěsolo-kùnguriyi báriga ni lè, a poro nɛʔɛ n sɔ̀lɔ bele na Isirayɛli ye kpóo ní ŋɔséebèle ní lè.

Zyozuwe 10:28

Cángi bee wonijanga na Zyozuwe fànʔa taa Makeda na, níì ŋɔséew tɛ́ʔɛ n gi jaa, níì gi fànʔafɔw kpóo n fàra gi syɛ́ɛnbèle myɛ na, wi ga pe wàa faala yaʔa a wi syɔɔ í. Gee wi kpéʔele Zyeriko fànʔafɔw na lè, koro wonijangi wi kpéʔele Makeda fànʔafɔw na.

Zyozuwe 10:9

A Zyozuwe baa pàla n nan be na, níì cán wi maa yìri Giiligali ma n yébiligi myɛ pye tánʔani na.

Zyozuwe 11:8

A Yawe be le Isirayɛli ye kɔ́yi ni. A be fànʔa taa be na, níì be kɔ́ri n láa ni nɛnɛ ni syée fwɔɔ n sáà nan Siidɔn na ki lè kèkpɔɔgi, ní wɔ́ɔ sáà nan Misirefɔti-Mayɛn, ní Misipa jǐnlɔgi na canʔafolomɔ kabangi na. A pe be kálagi n kwɔ́ɔ. Pe ga wàa nibin yaʔa a wi syɔɔ í.

Zyozuwe 12:16

Makeda fànʔafɔw nibin. Betɛli fànʔafɔw nibin.

Zyozuwe 15:35

ní Yarimuti, ní Adulami, ní Soko, ní Azeka,

Zyozuwe 15:41

ní Gederɔti, ní Bɛti-Dagɔn, ní Naama, n fàra Makeda na. A yoro pye kèye kɛɛ ní kɔrɔni n fàra yi kèpiigèle na.

Zyozuwe 16:3

A gi níì tìgi n fala canʔajeemɛ ma, Yafilɛti ye láʔagologi kàbaan na, n kári fwɔɔ n sáà nan táàma Bɛti-Horɔn tásaligi na, níì kári n sáà nan Gezɛɛri na n sáà láʔa Sólomi Lòkpɔʔɔ na.

Zyozuwe 16:5

Efirayimi yòdaʔayi láʔagologo gi nyɛ gee naa n yɛlɛ ní be túluyi ní. Pe tári canʔafolomɔ kabangi láʔagologo maa séli Atarɔti-Adaari na níì kári fwɔɔ n sáà nan ǹjoʔo ma Bɛti-Horɔn na.

Zyozuwe 21:22

ní Kibisayimi n fàra tári na ti gi màʔa lè, ní Bɛti-Horɔn n fàra tári na ti gi màʔa lè. A yoro pye kèye sicɛrɛ.

Jàbɔbèle 4:15

A Yawe Sisera ní wi kapɛɛnkpumɔn-wòtorobèle myɛ, ní wi kapɛɛnkpumɔnbèle myɛ nɛnɛ Baraki yɛ́ʔɛ ma ní ŋɔséew ní. A Sisera tìgi wi kapɛɛnkpumɔn-wòtorow na ni fé tɔlɔyɔ na.

Jàbɔbèle 4:16

A Baraki kapɛɛnkpumɔn-wòtorobèle ní kapɛɛnkpumɔnbèle kɔ́ri n láa fwɔɔ n sáà nan Harosyɛti-Goyimi na. A be Sisera kapɛɛnkpumɔnbèle myɛ kpóo ní ŋɔséew ní, àlí nàɔn nibin ga syɔɔ í.

Jàbɔbèle 5:20

N ŋɔripiigèle yaʔa nyɛ̀ʔɛni na, a ge kapɛɛnni kpúmɔn. N ge yaʔa ge kóloyi ni, a ge kapɛɛnni kpúmɔn ní Sisera ní.

1 Samyɛli 13:18

á kabigaa wàli n fala Bɛti-Horɔn ma, á kabigee wàli n fala láʔagologi kólogo ni ki tìgi Seboyimi jǐnlɔgi kàbaan na lè fìími tára kabaan na.

1 Samyɛli 17:1

Filisitini ye maa be kapɛɛnkpumɔnbèle kpóʔoro bi kapɛɛnni kpúmɔn. A be sáà kpóʔoro Soko ni, ki lè Zyuda tári ni. A be sáà tɛ́ɛn Soko ní Azeka níngi ni, Efɛsi-Damiimi ni.