Zyozuwe 10:1 - Cebaara Bible 2010

¹ Adoni-Sedɛki wi pye lè Zyerusalɛmi fànʔafɔw, wi maa gi lóʔo àmɛɛ Zyozuwe fànʔa taa Ayi na lè, níì gi syɛ́ɛnbèle myɛ kálagi n kwɔ́ɔ lè. Gee wi kpéʔele Zyeriko ní wi fànʔafɔw na lè, koro wonijangi wi wɔ́ɔ̀ kpéʔele Ayi ní wi fànʔafɔw na. A wi wɔ́ɔ̀ gi lóʔo Gabaɔn ye n kári n sáà bɛ̀ɛlɛ caa Isirayɛli ye ma níì kòro be níngi ni.

Zyozuwe 10:1 Iomraidhean Croise

Sélimɛ 14:18

Mɛlikizedɛki wi lè Salɛmi fànʔafɔw, ní i nyɛ sáriga-wòloo Kolocɔlɔɔ ma wi nyɛ lè Pe Myɛ Nyúngo na, a woro pan ní yaliire ní n fàra dùvɛɛn na.

Heburubèle 7:1

Níì cán Mɛlikizedɛkiw bee wi da pye Salɛmi ye fànʔafɔw ní wɔ́ɔ̀ pye sáriga-wòloo Kolocɔlɔɔ ma, woro wee wi nyɛ lè Pe Myɛ Nyúngo na. Lǎli ni Abirahami da yìri fànʔafɔbèle tɛɛ̀kpoʔo ni ni maa lè, a Mɛlikizedɛki wi fàra níì dùbaw kpéʔele wi ma.

Zyozuwe 10:3

Koro na Zyerusalɛmi fànʔafɔw Adoni-Sedɛki tun Heburɔn fànʔafɔw Hohami, ní Yarimuti fànʔafɔw Pireyami, ní Lakiisyi fànʔafɔw Yafya, ní Egulɔn fànʔafɔw Debiiri ma n be nyɛ́ɛri níì jo:

Zyozuwe 6:21

Yáriri myɛ di pye kěgi ni lè, a be ŋɔséew tɛ́ʔɛ n di kálagi n kwɔ́ɔ péw, gee bee n jo nǎnbèle, ní cébèle, ní pìíbèle, ní wolɛɛbèle n fàra yaweekpologèle ní yaweeyiligèle, ní jòfanibèle na.

Zyozuwe 8:2

Gee mɔ kpéʔele Zyeriko, ní wi fànʔafɔw na lè, koro mɔ a kpéʔele Ayi, ní wi fànʔafɔw na, kàjáa yele a wi lɔ́ri ní wi yaweeri koli bi kòro ní di ní. Ki si n yɛlɛ mɔ í sa syɛ́ɛnbèle pèle làriga kěgi kàdoʔo ma.»

Zyozuwe 8:21

A Zyozuwe ní Isirayɛli ye myɛ ga gi nyaa nǎnbèle pe da làra n sige lè a poro yiri n kěgi syɔɔ n taa, ní wɔ́ɔ̀ gi naà wírigi nyaa ki i lúru, a be kolo n lúru n too Ayi syɛ́ɛnbèle na.

Zyozuwe 9:3

Gee Zyozuwe kpéʔele lè Zyeriko ní Ayi na, a Gabaɔn ye wɔ́ɔ̀ gee bee lóʔo.