Zyozuwe 1:9 - Cebaara Bible 2010

⁹ Mii ban wi gi joo n gbàn mɔ ma ì níì jo ki n yɛlɛ mi nìrimɛ le, mí lòmaana le ì? Mɔ a kɔ́ ra fɛ̀ɛgí í. Zɔ̀nviige ga yɛlɛ kaa mɔ kɔɔn í, níì cán tɛʔɛ o tɛʔɛ ni mɔ ga kári lè, mii Yawe mɔ Kolocɔlɔw i nyɛ ní mɔ ní.»

Zyozuwe 1:9 Iomraidhean Croise

Sélimɛ 28:15

Wéle, mii i nyɛ ní mɔ ní. Tɛʔɛ o tɛʔɛ ni mɔ ga kári lè, mii a ra mɔ kɔ̀rɔsíi bi ní mɔ lúrugo pan tári naa ma. Níì cán mii a tée mɔ yaʔa í, fwɔɔ bi taa gee mii joo mɔ ma lè, mii í gi foro.»

Sélimɛ 39:2

Yawe maa pye ní Zyozɛfu ní, a wi kérigèle myɛ i nyɔɔgi. A wi pye wi kàfɔw kpaʔa ni, wi lè Ezyipiti ye nǎnw.

Sélimɛ 39:3

A wi kàfɔw gi nyaa Yawe i nyɛ ní wi ní. Keele o keele wi kpéʔele lè, a Yawe i ke myɛ nyɔɔgi wi kɔ́gi ni.

2 Samyɛli 13:28

A Abisalɔmi syɛ́ɛnri naa joo n gbàn wi falipyebèle ma níì jo: «Yaa kɔ̀rɔsíi, lǎli ni Aminɔn ga dùvɛɛnw gbaa n pye fundaanra na lè, mii ga yele pye: ‹Ki n yɛlɛ ye Aminɔn kpúmɔn ye kpóo,› ye wi kpúmɔn ye kpóo. Yele a kɔ́ fyáa í. Mii ban wi gi joo n gbàn yele ma ì? Ye nìrimi le yé pye sànbalibéle.»

1 Cányi kèlē 28:20

A Davidi wi jáaw Salomɔn pye: «Nìrimɛ le, mi lòmaana le, máā báara. Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í. Níì cán Yawe Kolocɔlɔɔ wi lè mii Kolocɔlɔw, woro a pye ní mɔ ní, wi a tée mɔ yaʔa í, wi a tée láʔa mɔ na í fwɔɔ bi taa fáliw myɛ wi nyɛ lè Yawe kpáagi kéele na, wi ba kwɔ́ɔ.

2 Cányi kèlē 15:7

Yele si na, ki n yɛlɛ ye nìrimɛ le, yele a kɔ́ yele kɔ́yi yaʔa yi fɔlɔ í. Níì cán yele kapyegèle a ba sàra.»

Ŋúnuyi 46:7

Syɛɛnfeleyi i kaana, fǎnyi i cúngu, wi n wi yákpoli wáa, a tári nyan.

Ezayi 41:10

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mɔ a kɔ́ ra wéle da máari ní funjurugoro ní i, níì cán mii wi nyɛ mɔ Kolocɔlɔw. Mii i nìrimɛ nii mɔ ni, mii i mɔ dɛ̀ɛmɛ́, mii i mɔ tɔʔɔ ni yéregi ní mii fàndaari kàliige kɔ́lɔ ní.

Ezayi 43:1

Tɔ́ɔliw ni, ee Zyakɔbi! Yawe wi lè mɔ faanfɔw, woro wee wi mɔ sámaga lè, ee Isirayɛli! Woro wi syɛ́ɛnri naa joo, wi n jo: «Mɔ a kɔ́ ra fɛ̀ɛgí í, níì cán mii n mɔ nyúngi syɔɔ, mii n mɔ yeri mɔ mɛ́ɛgi na, mɔ i nyɛ mii wóo!

Ezayi 43:5

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mii a mɔ yodaʔayi yìrige yaà canʔafolomɔ ma bi pan, mii a mɔ wóbèle yìrige yaà canʔajeemɛ ma bi kpóʔoro.

Ezayi 8:12

«Gee myɛ syɛ́ɛnbèle naa yiri lè nyɔɔkuunro, yele a kɔ́ ra gee bee yiri nyɔɔkuunro í. Yárigee na be fɛ̀ɛgí lè, yele a kɔ́ ra fɛ̀ɛgí gi na í, ki a kɔ́ pye yele ma fyáara yáriga í.

Danyɛli 10:19

Koro kàdoʔo ma a wi mii pye: «Mɔ a kɔ́ fyáa í, mɔ wee wi lè nànnidaanmaɔ, fûnnyingi í pye mɔ ma. Nìrimɛ le! Nìrimɛ le!» Lǎli ni wi da ni nyuu ní mii ní lè, a fànʔa níì jée mii ni, a mii jo: «Ni kàfɔlɔ, ki n yɛlɛ maa nyuu, níì cán mɔ n fànʔa le mii ni.»

Agizye 2:4

Tɔ́ɔliw ni Zorobabɛli, nìrimɛ le! Yawe wi jo nya. Sáriga-wòlobèle kàfɔlɔ Yosadaki jáaw Zyozuwe, nìrimɛ le, tári syɛ̀ɛnnɛ myɛw, ye nìrimɛ le, Yawe wi jo nya. Yaa báara! Níì cán mii i nyɛ ní yele ní,» Nyɛ̀ʔɛni Sùlasiibéle Kafɔlɔ wi lè Yawe, woro wi jo nya.

Agizye 2:5

«N yɛlɛ ní syɛ́ɛnri ní mii da joo yele ma lè yele làriyirili ni Ezyipiti ni, á mii pǐli si i nyɛ yele níngi ni, yele a kɔ́ ra fɛ̀ɛgí í.»

Kapyegèle 4:19

A Pyɛri ní Zyan si be yari: «Kapye ki n sín Kolocɔlɔɔ ma wolo í da yele syɛ́ɛnri lúro koro ga jáa Kolocɔlɔɔ wóri, ki n yɛlɛ ye gi tímana ye wéle.

Làlwaw Kaanziin 1:21

Wéle, Yawe mɔ Kolocɔlɔw n tári tɛ́ʔɛ mɔ yɛ́ʔɛ ma. Lúgu mi sa di syɔɔ mi taa àmɛɛ Yawe mɔ tóolɛɛbèle Kolocɔlɔɔ gi joo mɔ ma lè. Mɔ a kɔ́ fyáa í, zɔ̀nviige a kɔ́ ra mɔ kɔɔn í.›

Làlwaw Kaanziin 20:1

«Lǎli ni mɔ ga yiri lè n kári sa kapɛɛnnɛ kpúmɔn ní mɔ nigoobèle ní, ní sáà syɔɔnyɔ, ní kapɛɛnkpumɔn-wòtorobéle, ní syɛɛnnɛʔɛmɛ nyaa, bee bi nɛʔɛ n sɔ̀lɔ yele na lè, mɔ a kɔ́ fyáa be na í. Níì cán Yawe mɔ Kolocɔlɔw wi mɔ yirige Ezyipiti tári ni lè, wi i nyɛ ní mɔ ní.

Làlwaw Kaanziin 31:23

A Yawe syɛ́ɛnri naa joo n gbàn Nun jáaw Zyozuwe ma níì jo: «Nìrimɛ le mí lòmaana le, níì cán táree kéele na mii kàli Isirayɛli ye ma níì jo mii a di kaan be ma lè, mɔ wi a be lége di ni. Mii tiimaa si a pye ní mɔ ní.»

Làlwaw Kaanziin 31:28

Ye yele syɛɛnfeleyi wólɛɛbéle myɛ, ní yele kùndigibèle kpóʔoro naa mii yɛ́ʔɛ ma, mii a ba syɛ́ɛnri naa joo pe nyɛnɛ̀ na pe di lóʔo. Mii a nyɛ̀ʔɛni ní tári yeri di pye séera be kánmi na.

Zyozuwe 1:10

A Zyozuwe syɛ́ɛnri naa joo n gbàn syɛ́ɛnmi yɛɛ̀kinibéle ma níì jo:

Zyozuwe 1:17

Wolo a ra lúro mɔ ma àmɛɛ wolo da ni lúro Mowizi ma kérigèle myɛ ni lè. Ki n yɛlɛ Yawe mɔ Kolocɔlɔw í tɛ́nɛ pye ní mɔ ní àmɛɛ wi da pye ní Mowizi ní kánmee na lè.

Zyozuwe 1:18

Syɔ́ɔnwee faala ga mɔ kajoogèle cée lè, wi ga fɔ̀lɔ ni mɔ syɛ́ɛnri lúro í, gee bee n jo gee myɛ mɔ ga joo n gbàn wi ma lè wi ga fɔ̀lɔ n gi lóʔo í, wi a kpóo wii. Ki n yɛlɛ mi tɛ́nɛ mi nìrimɛ le, mí lòmaana le.»

Zyozuwe 10:25

A Zyozuwe be pye: «Yele a kɔ́ ra fɛ̀ɛgí í, zɔ̀nviige a kɔ́ ra yele kɔɔn í, ki n yɛlɛ ye soro yé lòmaana le. Níì cán yele nigoobèle bele ní yele a kapɛɛnni kpúmɔn lè, Yawe a be pye bele naa pyeganma na.»

Zyozuwe 10:8

A Yawe Zyozuwe pye: «Mɔ a kɔ́ ra fɛ̀ɛgí be na í. Níì cán mii n be le mɔ kɔ́yi ni. Pe wàa a gbǎn fànʔa taa bi yére mɔ sige í.»

Zyozuwe 3:7

A Yawe gi joo Zyozuwe ma níì wi pye: «Níjanʔa mii a mɔ kpɔ́ʔɔli kéele séli Isirayɛli ye myɛ nyɛ́nɛ na, koro ga pye pe gi cán bi cán mii i nyɛ ní mɔ ní àmɛɛ mii da pye ní Mowizi ní lè.

Zyozuwe 6:27

Yawe maa pye ní Zyozuwe ní, woro wee mɛ́ʔɛ ki da yiri lè tári myɛ ni.

Zyozuwe 8:1

A Yawe Zyozuwe pye: «Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í. Kapɛɛnkpumɔnbèle myɛ kɔ́ri mi yìri maa syée Ayi kánmi na. Wéle, mii n Ayi fànʔafɔw, ní wi syɛ́ɛnbèle, ní wi kěgi, ní wi tári le mɔ kɔ́gi ni n kwɔ́ɔ.

Jàbɔbèle 6:14

A Yawe fíige wi kàbangi na níì jo: «Da syée ní fǎngi naa ní gi nyɛ mɔ ma lè mi sa Isirayɛli ye yirige Madyan ye kɔ́yi ni. Mii ban wi mɔ tun ì?»

1 Samyɛli 10:7

Fɛ̀ɛ́bèle bee ga baa kpéʔele n foro mɔ na lǎli ni lè, gee ki ga pye mɔ ma bi kpéʔele lè, ki kpéʔele. Níì cán Kolocɔlɔɔ i nyɛ ní mɔ ní.