Zyozuwe 1:7 - Cebaara Bible 2010

⁷ Mɔ mi tɛ́nɛ mi nìrimɛ le, mí wɔ́ɔ lòmaana le gbanʔama. Làlwawee myɛ mii falipyew Mowizi kaan mɔ ma lè, wi sámaga mi cò, máā táanri wi na. Mɔ a kɔ́ wàli bi láʔa wi na bi kári kàliige ma wàlá kàmɔnɔ ma í, koro ga pye tɛʔɛ o tɛʔɛ ni mɔ ga kári lè ki sa tɛ́nɛ mɔ na.

Zyozuwe 1:7 Iomraidhean Croise

1 Fànʔafɔbèle 2:2

«Mii wi syée wee tári syɛ̀ɛnnɛ myɛ tɛɛ̀káriga ni. Ki si n yɛlɛ mi nìrimɛ le mi pye nànbile.

1 Fànʔafɔbèle 2:3

Gee Yawe mɔ Kolocɔlɔw joo n gbàn mɔ ma lè, ki sámaga mi cò, máā táanri maa yɛlɛgi ní wi kólogi kèlē ní, mí wi làlwaw kèlē, ní wi kajoodɛ̀ɛ́ngèle, ní wi tundunri, ní wi kajoogèle cò bi yɛlɛ ní gi ní àmɛɛ gi sɛ́bɛ lè Mowizi làlwaw sɛ́bɛ ni, koro ga pye mɔ ga fíige kàbanga o kàbanga na, mɔ kérigèle myɛ í da nyɔɔgi.

2 Fànʔafɔbèle 22:2

A wi i gi kpéʔele gee gi sín Yawe nyɛ́nɛ na lè. Wi maa ni táanri wi toolɛɛgi Davidi kóloyi myɛ ni. Wi ga téè wàli n yiri yi ni n kári kàliige wàlá kàmɔnɔ ma í.

1 Cányi kèlē 22:13

Gee ki a mɔ kapyegèle yaʔa kaa nyɔɔgi lè, koro gi nyɛ làlwaw kèlē ní kajoodɛɛngèle Yawe joo Mowizi ma lè Isirayɛli ye kéeli na, mɔ í gele bee sámaga cò sáā ge kpéʔele. Ki n yɛlɛ mi lòmaana le mí wɔ́ɔ nìrimɛ le. Mɔ a kɔ ra fɛ̀ɛgí í. Fyáara a kɔ́ mɔ cò í.

2 Cányi kèlē 15:7

Yele si na, ki n yɛlɛ ye nìrimɛ le, yele a kɔ́ yele kɔ́yi yaʔa yi fɔlɔ í. Níì cán yele kapyegèle a ba sàra.»

2 Cányi kèlē 26:5

Wi maa wiyɛɛ yaʔa Kolocɔlɔɔ caali na Zakarii wéemi làla ni, woro wee má Kolocɔlɔɔ yanyaari kɔ́rɔ cánna da pye lè. N wi yaʔa Yawe caali na, a Kolocɔlɔɔ wi kapyegèle yaʔa ke i nyɔɔgi.

Zyɔbi 1:8

A Yawe Sutanaw pye: «A mɔ mii falipyew Zyɔbi kɔ̀rɔsíi lé? Syɔɔnwaa o nyɛ wi felege tári na í. Wi i nyɛ kajoolo fun, níì sín. Wi i fɛ̀ɛgí Kolocɔlɔɔ na, ní i còʔoró kapeebyeri na.»

Ŋúnuyi 80:19

Wolo a tée ní wàli bi láʔa mɔ na í, ní mi sìi le wolo ni, wolo a ra mɔ mɛ́ɛgi yiri.

Kàseegèle 4:27

Mɔ a kɔ́ wàli bi kári kàliige wàlá kàmɔnɔ ma í. Mɔ tɔ́lɔgi léeli kapeegi na.

Kàseegèle 8:20

Mii i táanri sínni kólogo ni, kányɛɛgi kóbiigéle nínge ni.

Danyɛli 10:19

Koro kàdoʔo ma a wi mii pye: «Mɔ a kɔ́ fyáa í, mɔ wee wi lè nànnidaanmaɔ, fûnnyingi í pye mɔ ma. Nìrimɛ le! Nìrimɛ le!» Lǎli ni wi da ni nyuu ní mii ní lè, a fànʔa níì jée mii ni, a mii jo: «Ni kàfɔlɔ, ki n yɛlɛ maa nyuu, níì cán mɔ n fànʔa le mii ni.»

Córolo 27:23

A wi wi kɔ́yi taʔa wi na níì kérigèle joo n gbàn wi ma, n yɛlɛ ní gi ní àmɛɛ Yawe da gi joo woro Mowizi nyɔ́ɔgi ni lè.

Làlwaw Kaanziin 11:8

Koro na ye kajoodɛɛngèle myɛ cò, gele mii kaangi yele ma lè níjanʔa. Koro ga pye yele í fànʔa taa bi kári sa tári jáa, dee ni yele a jeli jée lè bi di syɔɔ taa.

Làlwaw Kaanziin 28:14

mɔ si ga wàli n láʔa mii syɛɛnjóoraa faala na n kári kàliige wàlá kàmɔnɔ ma í, toro dee mii nyuu yele ma lè níjanʔa, ní sáà miyɛɛ daʔa kolocɔlɔbèle pèle nikwɔɔlɔ na ni kpɔ̀ʔɔrɔ́ í.

Làlwaw Kaanziin 29:8

Koro na ye joogaanni naa syɛ́ɛnrɛ kɔn yáā táanri di na, koro ga pye yele kapyegèle myɛ í da nyɔɔgi.

Làlwaw Kaanziin 29:9

«Yele myɛ ye nyɛ bele woyérebéle ní Yawe yele Kolocɔlɔw yɛ́ʔɛ ma níjanʔa, yele syɛɛnfeleyi kùndigibéle, ní yele wolɛɛbèle, ní yele sùlasiibèle kàfɔɔlɔ, yele Isirayɛli nǎnbèle myɛw,

Làlwaw Kaanziin 31:7

Koro kàdoʔo ma a Mowizi Zyozuwe yeri níì gi joo wi ma Isirayɛli ye myɛ nyɛ́nɛ na níì jo: «Nìrimɛ le, mí lòmaana le. Níì cán mɔ wi a jée ní syɛ́ɛnbèle naa ní tári ni, dee kéele na Kolocɔlɔɔ kàli be toolɛɛbèle ma níì jo woro a di kaan be ma lè, mɔ wi a di lɛɛ be na di pye be kɔrigɔ.

Làlwaw Kaanziin 4:2

Syɛ́ɛnree mii nyuu ni gbàngí yele ma lè yele a kɔ́ tàa taʔa di na í, yele si a wɔ́ɔ kɔ́ tàa yirige di ni í. Ye Yawe yele Kolocɔlɔw tundunro sámaga ye cò bi yɛlɛ ní gi ní kánmee na mii di kaan yele ma lè.

Làlwaw Kaanziin 5:32

Dee Yawe yele Kolocɔlɔw joo n gbàn yele ma lè ye di sámaga ye cò, yele a kɔ́ wàli bi láʔa di na bi kári kàliige wàlá kàmɔnɔ ma í.

Zyozuwe 1:1

Mowizi wi pye lè Yawe falipyew, woro kùúli kàdoʔo ma, a Yawe gi joo Nun jáaw Zyozuwe ma, woro wee wi pye lè Mowizi dɛ̀ɛmɛfɔw níì wi pye:

Zyozuwe 1:8

Làlwaw naa sɛ́bɛ syɛ́ɛnrɛ ga yɛlɛ bi fɔ̀n mɔ nyɔ́ɔgi na í. Ki n yɛlɛ mɔ í da sɔ̀ngí di na canʔa ní yébilige, koro ga pye kérigèle myɛ ge sɛ́bɛ lè wi ni, mɔ í ge sámaga cò, sáā táanri ge na. Níì cán koro ki a gi yaʔa mɔ kólogi í ra tàán, mɔ kérigèle sáā nyɔɔgi.

Zyozuwe 1:9

Mii ban wi gi joo n gbàn mɔ ma ì níì jo ki n yɛlɛ mi nìrimɛ le, mí lòmaana le ì? Mɔ a kɔ́ ra fɛ̀ɛgí í. Zɔ̀nviige ga yɛlɛ kaa mɔ kɔɔn í, níì cán tɛʔɛ o tɛʔɛ ni mɔ ga kári lè, mii Yawe mɔ Kolocɔlɔw i nyɛ ní mɔ ní.»

Zyozuwe 11:15

Gee Yawe da joo n gbàn wi falipyew Mowizi ma lè, Mowizi maa gee bee joo n gbàn Zyozuwe ma, a Zyozuwe gi foro. Gee myɛ Yawe da joo n gbàn Mowizi ma lè wi ga gi kàa faala yaʔa í.

Zyozuwe 23:6

Ye nìrimɛ le gbanʔama, yé Mowizi làlwaw sɛ́bɛ syɛ́ɛnrɛ myɛ sámaga ye cò, yáā táanri di na. Yele a kɔ́ wàli bi láʔa di na bi kári kàliige wàlá kàmɔnɔ ma í,