Zyozuwe 1:6 - Cebaara Bible 2010

⁶ Ki n yɛlɛ mi nìrimɛ le, mí lòmaana le, níì cán mɔ bárigaw ni syɛ́ɛnbèle naa a tári kɔ́rigɔ lìi, dee kéele na mii da kàli be toolɛɛbèle ma níì jo mii a di kaan be ma lè.

Zyozuwe 1:6 Iomraidhean Croise

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 26:3

Tɛ́ɛn tári naa ni mi làlaa kwɔ́ɔ. Mii a pye ní mɔ ní si wɔ́ɔ dùbaw taʔa mɔ na. Níì cán mɔ ní mɔ yodaʔayi má mii a tátɛɛyi naa myɛ kaan. Nyɔɔfaligee mii da kpéʔele mɔ tóow Abirahami ma lè, mii a gee bee foro.

2 Samyɛli 10:12

Gbèé pye, wo nìrimɛ le wolo syɛ́ɛnbèle kéele na ní wolo Kolocɔlɔw kèye kéele na. Gee gi Yawe dɛ́nɛ lè, ki n yɛlɛ wi koro kpéʔele.»

1 Fànʔafɔbèle 2:2

«Mii wi syée wee tári syɛ̀ɛnnɛ myɛ tɛɛ̀káriga ni. Ki si n yɛlɛ mi nìrimɛ le mi pye nànbile.

1 Cányi kèlē 22:13

Gee ki a mɔ kapyegèle yaʔa kaa nyɔɔgi lè, koro gi nyɛ làlwaw kèlē ní kajoodɛɛngèle Yawe joo Mowizi ma lè Isirayɛli ye kéeli na, mɔ í gele bee sámaga cò sáā ge kpéʔele. Ki n yɛlɛ mi lòmaana le mí wɔ́ɔ nìrimɛ le. Mɔ a kɔ ra fɛ̀ɛgí í. Fyáara a kɔ́ mɔ cò í.

1 Cányi kèlē 28:10

Ki córo tɔ́ɔliw ni mi cán Yawe n mɔ nyɛ́nɛ n wòlo, koro ga pye mɔ í kpaʔa faan gi pye tɛɛcànga. Nìrimɛ le, máā báara.»

1 Cányi kèlē 28:20

A Davidi wi jáaw Salomɔn pye: «Nìrimɛ le, mi lòmaana le, máā báara. Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í. Níì cán Yawe Kolocɔlɔɔ wi lè mii Kolocɔlɔw, woro a pye ní mɔ ní, wi a tée mɔ yaʔa í, wi a tée láʔa mɔ na í fwɔɔ bi taa fáliw myɛ wi nyɛ lè Yawe kpáagi kéele na, wi ba kwɔ́ɔ.

2 Cányi kèlē 15:7

Yele si na, ki n yɛlɛ ye nìrimɛ le, yele a kɔ́ yele kɔ́yi yaʔa yi fɔlɔ í. Níì cán yele kapyegèle a ba sàra.»

2 Cányi kèlē 20:11

Wéle, sàrawee na pe maa ba wolo sàra lè, woro wi nyɛ bi ba wolo nɛnɛ yirige mɔ tɛ́ɛgi ni, gee mɔ kaan wolo ma lè.

2 Cányi kèlē 20:7

Wolo Kolocɔlɔw, mɔ ban wi tári naa syɛ̀ɛnnɛ nɛnɛ n yirige di ni mɔ syɛ́ɛnbèle Isirayɛli ye yɛ́ʔɛ ma ì, níì di kaan mɔ taannyɛnw Abirahami yòdaʔayi ma di pye be woro làla o làla ì?

Ŋúnuyi 27:14

Da wéle Yawe ma! Nìrimɛ le, mí zɔ̀nnirio taa! Da wéle Yawe ma!

Danyɛli 10:19

Koro kàdoʔo ma a wi mii pye: «Mɔ a kɔ́ fyáa í, mɔ wee wi lè nànnidaanmaɔ, fûnnyingi í pye mɔ ma. Nìrimɛ le! Nìrimɛ le!» Lǎli ni wi da ni nyuu ní mii ní lè, a fànʔa níì jée mii ni, a mii jo: «Ni kàfɔlɔ, ki n yɛlɛ maa nyuu, níì cán mɔ n fànʔa le mii ni.»

Agizye 2:4

Tɔ́ɔliw ni Zorobabɛli, nìrimɛ le! Yawe wi jo nya. Sáriga-wòlobèle kàfɔlɔ Yosadaki jáaw Zyozuwe, nìrimɛ le, tári syɛ̀ɛnnɛ myɛw, ye nìrimɛ le, Yawe wi jo nya. Yaa báara! Níì cán mii i nyɛ ní yele ní,» Nyɛ̀ʔɛni Sùlasiibéle Kafɔlɔ wi lè Yawe, woro wi jo nya.

Zakarii 8:9

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Ye nìrimɛ le yele kɔ́yi ni, yele bele ye syɛ́ɛnri naa lúro lè cányi naa ni kanyaajoobèle nyɔ́ɔyɔ na, poro bele be pye yaà lè cángee na pe Nyɛ̀ʔɛni Sùlasiibéle Kafɔlɔ Yawe kpáagi kàpɔɔn le lè, bi kpɔ̀ʔɔrɔli kpaʔa faan.

Córolo 26:53

«Tári a lɛɛ be na di pye be kɔrigɔ bi yɛlɛ ní syɛ́ɛnbèle nyɔ́ɔ ní.

Córolo 33:53

Yele a tári syɔɔ taa bi tɛ́ɛn di ni, níì cán mii n di kaan yele ma di pye yele wóro.

1 Korɛnti ye 16:13

Ye kòro nyɛ̀nɛ na, yé pye lòmaanafɔɔlɔ tágali ni, yáā nànzorodo kpéʔele, yé nìrimɛ le,

Efɛzi ye 6:10

Gee gi syɛɛnsanri kwɔ́ɔ lè, àmɛɛ yele nyɛ lè Kàfɔw ni, ki n yɛlɛ ye nìrimɛ le yeyɛɛ ni wi séekpɔɔw fànʔa báriga ni.

Làlwaw Kaanziin 1:21

Wéle, Yawe mɔ Kolocɔlɔw n tári tɛ́ʔɛ mɔ yɛ́ʔɛ ma. Lúgu mi sa di syɔɔ mi taa àmɛɛ Yawe mɔ tóolɛɛbèle Kolocɔlɔɔ gi joo mɔ ma lè. Mɔ a kɔ́ fyáa í, zɔ̀nviige a kɔ́ ra mɔ kɔɔn í.›

Làlwaw Kaanziin 1:8

Ye wéle, mii n tári tɛ́ʔɛ yele yɛ́ʔɛ ma. Táree kéele na mii Yawe da kàli yele tóolɛɛbèle Abirahami ní Izaaki, ní Zyakɔbi ma lè, níì jo mii a di kaan be ma, si wɔ́ɔ di kaan be yòdaʔayi ma naa pe kàdoʔo ma lè, yaa syée ye sa di syɔɔ ye taa.›

Làlwaw Kaanziin 11:8

Koro na ye kajoodɛɛngèle myɛ cò, gele mii kaangi yele ma lè níjanʔa. Koro ga pye yele í fànʔa taa bi kári sa tári jáa, dee ni yele a jeli jée lè bi di syɔɔ taa.

Làlwaw Kaanziin 31:23

A Yawe syɛ́ɛnri naa joo n gbàn Nun jáaw Zyozuwe ma níì jo: «Nìrimɛ le mí lòmaana le, níì cán táree kéele na mii kàli Isirayɛli ye ma níì jo mii a di kaan be ma lè, mɔ wi a be lége di ni. Mii tiimaa si a pye ní mɔ ní.»

2 Timɔte 2:1

Gee bee na, ni pyà, ki n yɛlɛ mi nìrimɛ le kpɔ́ʔɔri báriga ni, dee wo taa Kirisi Zyezu ni lè.

Zyozuwe 1:18

Syɔ́ɔnwee faala ga mɔ kajoogèle cée lè, wi ga fɔ̀lɔ ni mɔ syɛ́ɛnri lúro í, gee bee n jo gee myɛ mɔ ga joo n gbàn wi ma lè wi ga fɔ̀lɔ n gi lóʔo í, wi a kpóo wii. Ki n yɛlɛ mi tɛ́nɛ mi nìrimɛ le, mí lòmaana le.»

Zyozuwe 1:7

Mɔ mi tɛ́nɛ mi nìrimɛ le, mí wɔ́ɔ lòmaana le gbanʔama. Làlwawee myɛ mii falipyew Mowizi kaan mɔ ma lè, wi sámaga mi cò, máā táanri wi na. Mɔ a kɔ́ wàli bi láʔa wi na bi kári kàliige ma wàlá kàmɔnɔ ma í, koro ga pye tɛʔɛ o tɛʔɛ ni mɔ ga kári lè ki sa tɛ́nɛ mɔ na.

Zyozuwe 1:9

Mii ban wi gi joo n gbàn mɔ ma ì níì jo ki n yɛlɛ mi nìrimɛ le, mí lòmaana le ì? Mɔ a kɔ́ ra fɛ̀ɛgí í. Zɔ̀nviige ga yɛlɛ kaa mɔ kɔɔn í, níì cán tɛʔɛ o tɛʔɛ ni mɔ ga kári lè, mii Yawe mɔ Kolocɔlɔw i nyɛ ní mɔ ní.»

Zyozuwe 10:25

A Zyozuwe be pye: «Yele a kɔ́ ra fɛ̀ɛgí í, zɔ̀nviige a kɔ́ ra yele kɔɔn í, ki n yɛlɛ ye soro yé lòmaana le. Níì cán yele nigoobèle bele ní yele a kapɛɛnni kpúmɔn lè, Yawe a be pye bele naa pyeganma na.»

Zyozuwe 13:6

ní nyanbeleyi kúlo syɛ̀ɛnnɛ myɛ, nlaa yaà Liban na fwɔɔ n sáà nan Misirefɔti-Mayɛn na, gee bee n jo Siidɔn ye myɛw. Mii a be nɛnɛ yirige yaà Isirayɛli ye yɛ́ʔɛ ma. Ki si n yɛlɛ mɔ í dee bee myɛ kaan Isirayɛli ye ma kɔrigɔ ní gɔ̌nwáari ní bi yɛlɛ ní gi ní àmɛɛ mii gi joo n gbàn mɔ ma lè.

Zyozuwe 18:3

A Zyozuwe Isirayɛli ye pye: «Táree Yawe yele tóolɛɛbèle Kolocɔlɔɔ kaan yele ma lè, làlìí yele ní i sigi si náa yìri bi di syɔɔ taa?

Zyozuwe 21:43

Kánmi bee na Yawe tári myɛ kaan Isirayɛli ye ma, dee kéele na wi da kàli níì jo woro a di kaan be toolɛɛbèle ma lè. A be di syɔɔ n taa níì tɛ́ɛn di ni.

Zyozuwe 5:6

Isirayɛli ye maa ni nyaari ni máari fìími tára ni n baa taa yɛ̀ʔɛlɛ togoye siin, fwɔɔ n taa kapɛɛnkpumɔn-nǎnbèle myɛ pe da yiri Ezyipiti ni lè, a poro myɛ baa kùu fìími tára ni àmɛɛ gi lè pe da fɔ̀lɔ n lóʔo Yawe ma í. A Yawe si kàli níì jo woro a fɔ̀lɔ bi be yaʔa be tári nyaa í, dee nyɔɔfaliga woro da kpéʔele be toolɛɛbèle ma lè níì jo woro a di kaan wolo ma, tári di nyìn nɔ́nɔw ní sárigi na ni fóo lè.

1 Samyɛli 4:9

Ki n yɛlɛ ye nìrimɛ le Filisitini ye, ye pye nànbēle, koro ga pye yele a kɔ́ pye pulobèlē Heburubèle ma àmɛɛ poro pye pulobèlē yele ma lè í. Ye pye nànbēle, yáā kapɛɛnni kpúmɔn.»