Zyozuwe 1:5 - Cebaara Bible 2010

⁵ Mɔ siiw canya myɛ ni syɔɔn faala a gbǎn fànʔa taa bi yére mɔ sige í. Mii i nyɛ ní mɔ ní àmɛɛ mii da pye ní Mowizi ní lè. Mii a tée mɔ yaʔa í, mii a tée mɔ cáan yaʔa í.

Zyozuwe 1:5 Iomraidhean Croise

Sélimɛ 39:2

Yawe maa pye ní Zyozɛfu ní, a wi kérigèle myɛ i nyɔɔgi. A wi pye wi kàfɔw kpaʔa ni, wi lè Ezyipiti ye nǎnw.

1 Fànʔafɔbèle 1:37

Amɛɛ Yawe da pye ní mɔ ní lè, ni kàfɔlɔ mɔ wi lè fànʔafɔw, ki n yɛlɛ wi pye ní Salomɔn ní kánmi bee na, si wi fāngi kpɔ́ʔɔ bi sɔ̀lɔ fànʔafɔw Davidi mɔ wógi na.»

1 Fànʔafɔbèle 11:38

Gee myɛ mii a joo gbàn mɔ ma lè mɔ ga ni gi lúro, mɔ ga ni táanri ni yɛlɛgi ní mii kólogi kèlē ní, ní i gi kpéʔele, gee gi sín mii nyɛ́nɛ na lè, ní níì mii làlwaw kèlē ní mii kajoodɛɛngèle cò àmɛɛ mii falipyew Davidi da ni gi kpéʔele lè, mii a pye ní mɔ ní. Mii a kpaʔa faan mɔ ma gi kòro beè àmɛɛ mii kàa faan Davidi ma lè. Mii a Isirayɛli ye kaan mɔ ma.

1 Fànʔafɔbèle 6:13

Mii a ba tɛ́ɛn Isirayɛli ye níngi ni. Mii a tée mii syɛ́ɛnbèle yaʔa í, pe lè Isirayɛli ye.»

1 Fànʔafɔbèle 8:57

Ki n yɛlɛ Yawe wolo Kolocɔlɔw í pye ní wolo ní àmɛɛ wi da pye ní wolo tóolɛɛbèle ní lè. Wi a kɔ́ wolo cée í, wi a kɔ́ wolo yaʔa í.

1 Cányi kèlē 28:20

A Davidi wi jáaw Salomɔn pye: «Nìrimɛ le, mi lòmaana le, máā báara. Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í. Níì cán Yawe Kolocɔlɔɔ wi lè mii Kolocɔlɔw, woro a pye ní mɔ ní, wi a tée mɔ yaʔa í, wi a tée láʔa mɔ na í fwɔɔ bi taa fáliw myɛ wi nyɛ lè Yawe kpáagi kéele na, wi ba kwɔ́ɔ.

Ŋúnuyi 46:11

Wi n jo: «Ye yére, ye gi cán mii wi nyɛ Kolocɔlɔɔ, mii wi nyɛ syɛɛnfeleyi nyúngo na, mii wi nyɛ tári nyúngo na.»

Yirile 3:12

A Kolocɔlɔɔ jo: «Mii i nyɛ ní mɔ ní. Wéle, gee ki a pye lè fɛ̀ɛ́w bi gi tɛ̀ɛn mii wi mɔ tun, koro gi nyɛ, mɔ ga sáà syɛ́ɛnbèle yirige Ezyipiti ni, yele a ba Kolocɔlɔɔ kpɔ̀ʔɔrɔ nyanbelegi naa na.»

Ezayi 42:16

Mii a fúunbèle yaʔa paa táanri kologaa ni, gee gi lè pe da gi cán í, mii a be yɛ́ɛgi kíni kobiigèlē ni, gele pe da tée lè. Mii a yébilimi kàriga gbɛ̀ɛnmɛ pe yɛʔɛ̀ ma, si tɛɛ̀gbóʔolo-gboʔoloyi kàriga tɛɛ̀fála-falaya. Gee bee mii a tɔ̀nɔ́ kpéʔele, mii a tɔ̀nɔ́ be wáa yaʔa í.

Zyeremii 1:8

Mɔ a kɔ́ fyáa be na í. Níì cán mii i nyɛ ní mɔ ní bàā mɔ syoo,» Yawe wi jo nya.

Danyɛli 11:16

Kàjáa wee wi a pan wi kánmi na lè, wi a ba gi kpéʔele gee wi caa lè, syɔɔn faala a gbǎn ba yére wi sige í. Wi a ba yére tácàndeleri ni bi yariga o yariga kálagi mɛnɛ mɛnɛ, gee wi ga fàra n taa lè.

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Wɔrɔmi ye 8:31

Ki si i lè nya, nyàʔá wolo a joo kérigèle bee na? Amɛɛ Kolocɔlɔɔ nyɛ ní wolo ní lè, wìí wi a ní gbǎn yìri wolo kurugo?

Wɔrɔmi ye 8:37

Kàjáa wolo si n gbàn n yáriri bee myɛ jáa wi bárigaw ni woro wee wi tàmaga le ní wolo ní lè.

Làlwaw Kaanziin 20:1

«Lǎli ni mɔ ga yiri lè n kári sa kapɛɛnnɛ kpúmɔn ní mɔ nigoobèle ní, ní sáà syɔɔnyɔ, ní kapɛɛnkpumɔn-wòtorobéle, ní syɛɛnnɛʔɛmɛ nyaa, bee bi nɛʔɛ n sɔ̀lɔ yele na lè, mɔ a kɔ́ fyáa be na í. Níì cán Yawe mɔ Kolocɔlɔw wi mɔ yirige Ezyipiti tári ni lè, wi i nyɛ ní mɔ ní.

Làlwaw Kaanziin 20:4

Níì cán Yawe wi lè yele Kolocɔlɔw, woro wi syée ní yele ní bi sa kapɛɛnni kpúmɔn ní yele nigoobèle ní bi kaan yele ma jàngó bi yele syɔɔ.›

Làlwaw Kaanziin 31:23

A Yawe syɛ́ɛnri naa joo n gbàn Nun jáaw Zyozuwe ma níì jo: «Nìrimɛ le mí lòmaana le, níì cán táree kéele na mii kàli Isirayɛli ye ma níì jo mii a di kaan be ma lè, mɔ wi a be lége di ni. Mii tiimaa si a pye ní mɔ ní.»

Làlwaw Kaanziin 4:31

Níì cán Yawe mɔ Kolocɔlɔw i nyɛ nyinidaara Kolocɔlɔɔ, wi a mɔ cée í, wi a mɔ kálagi í, wi a fɛ̀ʔɛ joogaanni na wi kpéʔele lè ní kàliga ní mɔ tóolɛɛbèle ma í.

Làlwaw Kaanziin 7:24

Wi a yi fànʔafɔbèle le mɔ kɔ́yi ni, mɔ a be mɛ́ɛyi kwɔ́ɔ bi yirige nyɛ̀ʔɛgèle láara ni, wàa faala a gbǎn yére mɔ sige í, fwɔɔ bi taa mɔ í be kálagi kwɔ́ɔ.

2 Timɔte 4:17

Kàfɔw si maa yére n mii sɔ́lɔgɔ níì fànʔa kaan mii ma, koro ga pye mii í gbǎn Syɛɛnjóocǎnri joo bi foro, jàngó syɛɛnfeleyi myɛ í di taa lóʔo. Wi n wɔ́ɔ̀ mii yirige càaraw nyɔ́ɔ ni.

Heburubèle 13:5

Ki ga yɛlɛ yele í yeyɛɛ daʔa wáliw tàmaga na í. Yáriree yele taa lè, ki n yɛlɛ dee bee í yɛlɛ ní yele ní, níì cán Kolocɔlɔɔ tiimaa n gi joo níì jo: «Mii a tée mɔ yaʔa í, mii a mɔ wáa kàdoʔo ma nyáana í.»

Zyozuwe 1:17

Wolo a ra lúro mɔ ma àmɛɛ wolo da ni lúro Mowizi ma kérigèle myɛ ni lè. Ki n yɛlɛ Yawe mɔ Kolocɔlɔw í tɛ́nɛ pye ní mɔ ní àmɛɛ wi da pye ní Mowizi ní kánmee na lè.

Zyozuwe 1:9

Mii ban wi gi joo n gbàn mɔ ma ì níì jo ki n yɛlɛ mi nìrimɛ le, mí lòmaana le ì? Mɔ a kɔ́ ra fɛ̀ɛgí í. Zɔ̀nviige ga yɛlɛ kaa mɔ kɔɔn í, níì cán tɛʔɛ o tɛʔɛ ni mɔ ga kári lè, mii Yawe mɔ Kolocɔlɔw i nyɛ ní mɔ ní.»

Zyozuwe 10:8

A Yawe Zyozuwe pye: «Mɔ a kɔ́ ra fɛ̀ɛgí be na í. Níì cán mii n be le mɔ kɔ́yi ni. Pe wàa a gbǎn fànʔa taa bi yére mɔ sige í.»

Zyozuwe 21:44

A Yawe ŋɔ́ndaali kaan be ma kàbanyi myɛ na n yɛlɛ ní kàligi ní wi da kpéʔele be toolɛɛbèle ma lè. Pe nigoowaa faala ga gbàn n yére n be sige í. A Yawe pe nigoobèle myɛ le be kɔ́yi ni.

Zyozuwe 3:7

A Yawe gi joo Zyozuwe ma níì wi pye: «Níjanʔa mii a mɔ kpɔ́ʔɔli kéele séli Isirayɛli ye myɛ nyɛ́nɛ na, koro ga pye pe gi cán bi cán mii i nyɛ ní mɔ ní àmɛɛ mii da pye ní Mowizi ní lè.

Zyozuwe 6:27

Yawe maa pye ní Zyozuwe ní, woro wee mɛ́ʔɛ ki da yiri lè tári myɛ ni.

Jàbɔbèle 2:18

Lǎli ni Yawe ga jàbɔwaa télege be ma lè, Yawe i gáà pye ní jàbɔw ní bi be yirige pe nigoobèle kɔ́yɔ ni jàbɔw sìi canya myɛ ni. Níì cán àmɛɛ pe gáā cɛ́ɛn bele yɛ́ʔɛ ma pe fǎngi gbàn be na ní i be wɔʔɔ lè ki i gáà pye Yawe ma nyinimɛ.

Jàbɔbèle 6:16

A Yawe wi pye: «Mii a pye ní mɔ ní. Mɔ a Madyan ye jáa. Pe a pye mɔ ma àmɛɛ nàɔn nibin nyɛ lè.»

1 Samyɛli 10:7

Fɛ̀ɛ́bèle bee ga baa kpéʔele n foro mɔ na lǎli ni lè, gee ki ga pye mɔ ma bi kpéʔele lè, ki kpéʔele. Níì cán Kolocɔlɔɔ i nyɛ ní mɔ ní.