Zyozuwe 1:1 - Cebaara Bible 2010

¹ Mowizi wi pye lè Yawe falipyew, woro kùúli kàdoʔo ma, a Yawe gi joo Nun jáaw Zyozuwe ma, woro wee wi pye lè Mowizi dɛ̀ɛmɛfɔw níì wi pye:

Zyozuwe 1:1 Iomraidhean Croise

1 Fànʔafɔbèle 19:16

Mi kàlifaali sìnmɛ wo Nimisyii Zyehu na mi wi kpéʔele Isirayɛli fànʔafɔw. Mí kàlifaali sìnmi wo Elize na wi lè Abɛli-Mehola ye Syafati jáaw mi wi kpéʔele kanyaajooo mɔ sindɛɛgi ni.

2 Fànʔafɔbèle 3:11

Kàjáa a Zyozafati jo: «Yawe kanyaajoowaa faala o nyɛ nɛɛ naa koro ga pye wolo í gbǎn Yawe yíbe wi bárigaw ni ì?» A Isirayɛli fànʔafɔw falipyewaa wi yari: «Syafati jáaw Elize i naa, woro wee wi da ni lǒgi ŋuu Elii kɔ́yi na lè.»

Nehemii 8:17

Syɛɛnkpoʔolomi wóbèle bele myɛ pe da yìri púlori na n lúru n pan lè, a be kpáagéle sámaga n tɛ́ɛn gele bee láara ni. Nlaa yaà Nun jáaw Zyozuwe cángi na fwɔɔ n baa nan cángi naa na, Isirayɛli ye da ní kɔ́ɔ̀ gee bee félege kpéʔele í. A gi tɔ̀nɔ n pye fundaangbɔɔrɔ.

Yirile 24:13

A Mowizi yìri, a wi falipyew Zyozuwe pínɛ ní wi ní n lúgu Kolocɔlɔɔ nyanbelegi na.

Córolo 11:28

Zyozuwe wi lè Nun jáaw, nlaa wi cárimi làla ni, wi maa ni báara Mowizi ma, a woro syɛ́ɛnri láa n gi joo níì jo: «Mowizi, ni kàfɔlɔ, ki n yɛlɛ mi be yérige.»

Córolo 12:7

Kánmi bee si na ban mii falipyew Mowizi kéeli nyɛ í. Wi i nyɛ tágala syɔ́ɔn mii kpáagi myɛ ni.

Córolo 13:16

Nǎnbèle bele Mowizi tórigo be sa tári saanri be wéle lè, poro mɛ́ɛyi yi nyɛ yee bee. A Mowizi Nun jáaw Hosyeya mɛ́ɛgi le ni wi yiri Zyozuwe.

Córolo 13:8

Efirayimi syɛɛnfelegi wóo si i nyɛ Hosyeya, wi lè Nun jáaw.

Luki 16:10

wee wi nyɛ lè tágala syɔ́ɔn kapiipiigèle ni, wee bee wɔ́ɔ i nyɛ tágala syɔ́ɔn kakpologèle ni. Wee si wi nyɛ lè syɛɛnnaa-sìnziɔn kapiipiigèle ni, wee bee wɔ́ɔ i nyɛ syɛɛnnaa-sìnziɔn kakpologèle ni.

Kapyegèle 7:45

Amɛɛ wolo tóolɛɛbèle fànikpaagi bee taa lè, a poro ní Zyozuwe kári ní gi ní n sáà jée syɛɛnfeleyaa tára ni, yee Kolocɔlɔɔ nɛnɛ a yi fàn pe yɛ́ɛgi na lè. A gi kòro nya fwɔɔ n taa n baa nan Davidi lǎli na.

Wɔrɔmi ye 1:1

Mii Pɔli, wi lè Kirisi Zyezu púlo, Kolocɔlɔɔ n mii yeri mii í pye woro pìituɔn àmɛɛ wi mii nyɛ́nɛ n wòlo lè mii í da woro Syɛɛnjóocǎnri nyuu.

Làlwaw Kaanziin 1:38

Nun jáaw Zyozuwe, woro wee wi báara mɔ ma lè, woro wi a jée di ni. Lòmaana le wi ni, níì cán woro wi a Isirayɛli ye kaan be tári bee kɔ́rigɔ lìi.

Làlwaw Kaanziin 31:23

A Yawe syɛ́ɛnri naa joo n gbàn Nun jáaw Zyozuwe ma níì jo: «Nìrimɛ le mí lòmaana le, níì cán táree kéele na mii kàli Isirayɛli ye ma níì jo mii a di kaan be ma lè, mɔ wi a be lége di ni. Mii tiimaa si a pye ní mɔ ní.»

Làlwaw Kaanziin 31:3

Yawe mɔ Kolocɔlɔw tiimaa wi a kíni mɔ yɛ́ɛgi na, woro wi a syɛɛnfeleyi bee kálagi bi yirige yaà mɔ yɛ́ʔɛ ma, mɔ si yi tɛ́ɛgi taa, Zyozuwe wi a kíni mɔ yɛ́ɛgi na àmɛɛ Yawe gi joo lè.

Làlwaw Kaanziin 33:1

Dùbawee Kolocɔlɔɔ syɔ́ɔnw Mowizi kpéʔele Isirayɛli ye ma sáni wi kùu lè, woro wi nyɛ wee naa.

Làlwaw Kaanziin 34:12

ní fyáakpɔɔri kèlē Mowizi kpéʔele lè ní sée kɔ́lɔ ní Isirayɛli ye myɛ nyɛ́nɛ na.

Làlwaw Kaanziin 34:5

Mowizi wi lè Yawe falipyew, a wi kùu yaà beè Mowabi tári ni n yɛlɛ ní gi ní àmɛɛ Yawe da gi joo n gbàn lè.

Làlwaw Kaanziin 34:9

Zyozuwe wi lè Nun jáaw, woro maa nyìn sícilimɛ pìle na, níì cán Mowizi maa wi kɔ́yi taʔa wi na. A Isirayɛli ye i lúro wi ma, ní i gi kpéʔele n yɛlɛ ní syɛ́ɛnri ní Yawe da joo n gbàn Mowizi ma lè.

Tiiti 1:1

Mii Pɔli, wi lè Kolocɔlɔɔ púlo ní Zyezu Kirisi pìituɔn, wi n mii tun koro ga pye mii í da Kolocɔlɔɔ wonyɛnɛ-wòlobèle dɛ̀ɛmɛ́ paa syée yɛʔɛ̀ ma tágali ni, sáā kányɛɛgi tèé be na gee gi yɛlɛ lè ní Kolocɔlɔɔ yɛ́ɛgi fyáara ní,

Zyaki 1:1

Mii Zyaki wi nyɛ lè Kolocɔlɔɔ púlo ní wɔ́ɔ i nyɛ Kàfɔw Zyezu Kirisi wóo, mii a sɛ́bɛw naa tórigo yele ma, yele bele ye nyɛ lè Isirayɛli syɛɛnfeleyi kɛɛ ní siin yodaʔaya níì cariga dulunyanw tɛ́ɛyɛ myɛ ni lè, mii i yele syáanri!

Zyozuwe 1:15

fwɔɔ bi taa Yawe í sa ŋɔ́ndaala kaan yele senyɛnbèle ma àmɛɛ wi li kaan yele ma lè, pé wɔ́ɔ tári fáliga taa, dee Yawe yele Kolocɔlɔw a kaan be ma lè. Koro kàdoʔo ma tári di lè yele wóri, toro dee Yawe falipyew Mowizi kaan yele ma lè Zyuridɛn jeligi naa na canʔafolomɔ ma, yele a náa lúru pan ba tɛ́ɛn di ni.»

Zyozuwe 1:2

«Mii falipyew Mowizi n kùu. Ki n yɛlɛ mi yìri tɔ́ɔliw ni mɔ ní syɛ́ɛnbèle naa myɛ ní mi Zyuridɛnw naa jeli mi jée tári ni, dee mii a kaan yele Isirayɛli ye ma lè.

Zyozuwe 12:6

Yawe falipyew Mowizi ní Isirayɛli ye maa be kpóo. Mowizi wi pye lè Yawe falipyew, á woro be tári kaan Wurubɛn ye, ní Gadi ye, ní Manase syɛɛnfelegi tíla ma, a di pye pe worò.

Tɛ̀ɛnnɛ 1:18

mii wi nyɛ Woweew. Mii maa kùu, kàjáa wéle, mii ní i nyɛ sìi na làla o làla kwɔ́ɔmɔ fun. Mii má kùúw ní kúbèle tɛɛkòrogo làkilebéle nyɛ.