Zyowɛli 2:3 - Cebaara Bible 2010

³ Naà i sórigolo kpéʔele ki yɛʔɛ̀ ma, naanyìnge si i nyɛ ki kàdoʔo ma, gee gi sórogi lè, tári maa pye ki yɛʔɛ̀ ma àmɛɛ Edɛn nángwɔɔ nyɛ lè, ki kàdoʔomaw si na, koro i nyɛ fìimɛ tɛɛ̀kalagiga, yafyɛn o syoo gi ma í!

Zyowɛli 2:3 Iomraidhean Croise

Sélimɛ 13:10

A Lɔti yɛ́ɛgi yìrige n Zyuridɛn tɛɛfiigi myɛ wéle, a wi gi nyaa lǒgi i nyɛ gi kàbanyi myɛ na. Sáni Yawe í Sodɔmi ní Gomɔri kálagi lè, tɛ́ɛgi bee maa pye mɔ a jo Yawe nángwɔɔw wii, mɔ a jo Ezyipiti tári dii, n kári fwɔɔ n sáà nan Sowari na.

Sélimɛ 2:8

Koro kàdoʔo ma a Yawe Kolocɔlɔɔ nángwɔɔ kɔligɔ sámaga Edɛn ni, canʔafolomɔ ma. Nǎnwee wi sámaga lè, a wi wee bee télege nángwɔɔw bee ni.

Ŋúnuyi 50:3

Wolo Kolocɔlɔw i maa, wi a ba kòro pyèrio í. Naà i sórigolo kpéʔele wi yɛʔɛ̀ ma, káfalakpɔʔɔ i nyɛ wi kàbanyi myɛ na.

Ŋúnuyi 97:3

Naà i syée wi yɛʔɛ̀ ma, ki i wi kasiitun-nyɛ́nbèle líile ni wi máari.

Yirile 10:15

A wi tásaligi yɛ́ʔɛ myɛ tɔ́n, a tári myɛ pye yébilimɛ. A wi tári nyàā myɛ lìi, ní wɔ́ɔ̀ tíiri yasanra myɛ lìi, gee bee n jo dee myɛ ti da kòro zěsolomi kàdoʔo ma lè. Nyàákannaa, ní waganna faala da níì kòro Ezyipiti tári ni kúdow kàdoʔo ma í.

Yirile 10:5

Wi a ba tásaligi yɛ́ʔɛ tɔ́n, syɔɔn a ní gbǎn ra tári nyaagi í. Yáriree di kòro beè lè, dee zěsolomi yaʔa yele ma lè, wi a dee bee lìi. Tíiri di fíin yele ma sìnbirigi ni lè wi a dee bee myɛ lìi.

Ezayi 14:17

ní i dulunyanw kàragí fìimɛ tára ní i wi kěyi jee, wi si da ni wi kàsolebèle yaari í?»

Ezayi 15:6

Níì cán Nimirimi lóyi n waʔa. Nyàági n waʔa, nyàápungi n kálagi, wara ní o yaà í.

Ezayi 33:4

Pe i yele yáriri koli àmɛɛ kúdo gàlagí kpéʔele lè. Pe n tìn n tɔ́n di na àmɛɛ kábàrara gi kpéʔele lè.

Ezayi 51:3

Yawe i nyinimɛ taagi Siyɔn na kányɛʔɛ na, wi tɛɛ̀kalagiyi myɛ nyínimɛ i nyɛ wi na. Wi a wi fìími tára kàriga àmɛɛ Edɛn nángwɔɔw nyɛ lè, bi lɔ̀ʔɔ fun tɛ́ɛyi pye àmɛɛ Yawe nángwɔɔw nyɛ lè. Mugurumi, ní fundaanri a pye wi níngi ni, n fàra bariga kaanni ŋúnuyo, ní kpɔ̀ʔɔrɔli ŋúnuyo na.

Ezayi 9:18

Yawe wi lè Nyɛ̀ʔɛni Sùlasiibéle Kafɔlɔ woro fundanʔagbɔɔri n tári cò naà, a syɛ́ɛnbèle pye náagi yasorigoro. Wàa faala o nyɔɔgi wi senyɛnnɛ̀ na í.

Ezayi 9:19

Syɔɔn i cɛnɛ ni káa kàliige ma, kateegi si sèʔé i nyɛ wi na. Wi i líi kàmɔnɔ ma, wi si a tée tín í. Pe myɛ nibin nibin a ra be kɔ́yi pìremɛ káa.

Zyeremii 5:17

Ki a mɔ yaliilaari ní mɔ búruw lìi, ki a mɔ nanbiigèle ní mɔ calipiigèle lìi, ki a mɔ yaweeyiligèle ní mɔ yaweekpologèle lìi, ki a mɔ ɛrɛzɛn tíriri ní mɔ děsyaantiiri lìi, ki a mɔ keniriyi kálagi ní ŋɔséew ní, yee na mɔ mɔ sɔngumi taʔa lè.

Ezekyɛli 36:35

Pe a ra gi nyuu si jo: ‹Tári naa ti da kálagi lè nya, ti n baa kàri n pye àmɛɛ Edɛn nángwɔɔ nyɛ lè, ní di kěyi yi pye lè kataya, níì kálagi, níì kpúmɔn n cáan, pe n níì yi sámaga a yi nìri, syɛ̀ɛnnɛ si i nyɛ yi ni.›

Amɔsi 7:4

Gee Kàfɔw Yawe mii yaʔa a mii nyaa lè mii maa gi nyaa a Kàfɔw Yawe naà tɛ́ʔɛ n kútiiw joo, a náagi weekpɔɔ-cùrugi sórigo, ní i tári sórogi.

Habakuki 1:6

Wéle, mii i Kalide ye yìrigí bele! Syɛ́ɛnbèle bee be nyɛ lè nyinimɛ fun níì wári, poro bele be tátɛɛyi forogi ni máari lè bàā tɛɛkòroyi nɛnɛ da syoo, yoro yee yi lè yi o nyɛ pe woyò í.

Zakarii 7:14

«Mii n be cariga syɛɛnfeleyi myɛ nínge ni, yee yi lè pe da yi cán í. A tári kòro tɛɛ̀kalagiga pe kàdoʔo ma, syɔɔn faala da ni sɔ̀lɔ́ yaà wàlá ni maa yaà í, tári bee di pye lè fundaanra wóro, pe n di pye tɛɛ̀kalagiga.»