Zyowɛli 2:2 - Cebaara Bible 2010

² Yébilige, ní yébiliwɔɔlɔ canʔa gii, fàfaanya ní nìgolowirige canʔa gii, ki i maa àmɛɛ nyǐnjerige nyɛ lè nyanbeleyi na. Syɛɛnfelegaa wéle, gee gi nɛʔɛ lè á gi fǎngi wɔ́ɔ̀ kpɔ́ʔɔ, gee gi lè ki felege da kɔ́ɔ̀ pye beè í, ki felege si a ní wɔ́ɔ pye nyáana yìrigèle gele ni ge maa lè í.

Zyowɛli 2:2 Iomraidhean Croise

Ŋúnuyi 10:6

Wi i gi nyuu wiyɛɛ fúngi ni níì jo: «Mii a tée fága í, wɔʔɔlɔ a nan mii na nyáana í!»

Ŋúnuyi 97:2

Fàfaankpɔʔɔ ní yébiliwɔɔlɔ n wi màʔa sínni ní kányɛɛgi i nyɛ wi fàngoli kàpɔɔn.

Yirile 10:14

A kúdow jée Ezyipiti tári myɛ ni, níì tìgi n tɛ́ɛn tásaligi myɛ na. Wi maa tɔ̀nɔ n pee gbanʔama. Kúdow bee félege da kɔ́ɔ̀ pan í. Wi felege si a ní wɔ́ɔ pan í.

Yirile 10:6

Mɔ kpáayi, ní mɔ falipyebèle myɛ kpaaya, ní Ezyipiti ye myɛw kpaaya a nyìn wi na. Mɔ tóobèle, ní mɔ tóobèle tòōlo da kɔ́ɔ̀ gee bee félege nyaa í nlaa be pye beè lè tári na fwɔɔ n baa nan níjanʔa na.› » A Mowizi núngo Faraɔnw tɛ́ʔɛ ni n kári.

Yirile 20:21

Syɛ́ɛnbèle maa canʔana n yére, á Mowizi nùuni fàfaangi na, gee ni Kolocɔlɔɔ pye lè.

Ezayi 5:30

Cángi bee na fúlolo a pye gi na àmɛɛ sólomi lɔ̀ʔɔ fúlomɔ nyɛ lè. Pe a ra tári wéle, wéle, ti a pye yébilimɛ, ní wɔʔɔgɔ, gbɛ̀ɛ́nmi a kàri yébilimɛ nyɛ̀ʔɛwɔɔli báriga ni.

Ezayi 8:22

Koro kàdoʔo ma pe a ra wéle tári na, wéle, ki a pye fɔ̀rɔgɔ, ní yébilimɛ, ní wɔʔɔgi yébiliwɔɔlɔ. Pe a ŋɔrigɔ wáa yébiliwɔɔlɔ ni.

Zyeremii 13:16

Yaa nìjangbɔɔrɔ taari Yawe na wi lè yele Kolocɔlɔw, sáni wi kɔ yébilimi yaʔa bi pan lè, sáni yele tɔ́lɔyi í kɔ́ kpírige lè cângwɔɔ-yébiligi nyanbeleye na. Yele i sɔ̀ngí gbɛ̀ɛnmɛ kéele na, kàjáa wi a bi kàriga kùu yébilimɛ, wi a bi kàriga yébiliwɔɔlɔ.

Zyeremii 13:6

A canya saʔa ga kwɔ́ɔ, a Yawe mii pye: «Yìri maa syée Ufurati ma, mi sa sɛntiiriw láa yaà, wee kéele mii da joo n gbàn mɔ ma níì jo mɔ í sa wi làriga yaà lè.»

Kayaagi Nyɛnigɛ 1:12

Yele bele myɛ ye sɔ̀lɔ́ kólogi ni lè ki felege ga kɔ́ɔ̀ kpéʔele yele na í. Ye wéle, ye gi nyaa, kapye mii wɔ́ʔɔgi félege i beè, koro gee gi taʔa mii na lè, gee Yawe taʔa mii na lè wi fundanʔari káfugbanga canʔa na.

Ezekyɛli 32:7

Lǎli ni mɔ ga fígi lè mii a nyɛ̀ʔɛgèle tɔ́n, mii a ge ŋɔripiigèle pye yébilimɛ, mii a cángi tɔ́n ní fàfanʔa ní, yégi a ní ki gbɛ̀ɛ́nmi kaan í.

Ezekyɛli 34:12

Amɛɛ bànaʔaɔ wi bàtogo saanri ni wéle lè, lǎli ni wi nyɛ wi bǎbèle nínge ni be yàli n màʔa lè, ànbée mii a ra mii bǎbèle saanri da wéle, mii a be yirige yaà tɛ́ɛyee myɛ ni be cariga n fala lè fàfanʔa, ní nìgolowirige canʔa na.

Ezekyɛli 38:9

Mɔ a lúgu, mɔ a pan àmɛɛ káfalakpɔʔɔ nyɛ lè, mɔ a pye àmɛɛ fàfanʔa nyɛ, gee ki a tári tɔ́n lè, mɔ ní mɔ sulasiibèle kabiya myɛw n fàra syɛɛnfele-nɛʔɛyi na yi nyɛ ní mɔ ní lè.› »

Danyɛli 12:1

«Lǎli bee ni Misyɛli a yìri, wi lè kùndigikpɔɔw bee, woro wee wi yére ni mɔ syɛ́ɛnbèle pìibēle dɛ̀ɛmɛ́ lè. Wɔʔɔgbɔʔɔ lala li a pye, gee gi lè ki felege da kɔ́ɔ̀ pye í nlaa syɛɛnfeleyi nyɛ beè lè fwɔɔ n taa n baa nan lǎli bee na. Lǎli bee ni mɔ syɛ́ɛnbèle bele mɛ́ɛyɛ yi a pye lè wozɛbɛyɛ ní sɛ́bɛw ni, poro a syɔɔ.

Danyɛli 9:12

Syɛ́ɛnree wi da joo lè wolo, ní wolo kùndigibèle kánma na, poro bele be pye wolo nyúngi na lè, wi n di foro àmɛɛ wi wɔʔɔgbɔɔgi yaʔa a gi baa too wolo na, gee gi lè gi felege ga kɔ́ɔ̀ pye nyɛ̀ʔɛni láara woboo ni í n yɛlɛ ní gee ní gi kpéʔele Zyerusalɛmi na lè í.

Zyowɛli 1:6

Níì cán syɛɛnfelegaa n pan mii tári kanma na, ki fǎngi n kpɔ́ʔɔ, á gi nɛʔɛ n pye córomɔ fun. Ki gǎngèle i nyɛ àmɛɛ càarabɔlɔ gànʔana nyɛ lè, ki gǎnzéebèle si i nyɛ àmɛɛ càarajaa wòolo nyɛ lè.

Zyowɛli 2:25

«Mii a ní yɛ́ɛgèle lúrugo kaan yele ma, gele mii kapɛɛnkpumɔn-nɛʔɛmi kálagi lè, poro bee mii da tórigo yele kurugo lè, pi lè kúdow, ní kákerebèle, ní kábàrari, ní múndɔɔw.

Zyowɛli 2:5

Ki i nyɛ mɔ a jo kapɛɛnkpumɔn-wòtorobéle tinmɛ bii pe yegi lè nyanbeleye ǹjoyo ni. Mɔ a jo naanyìnge tìnmɛ bii, gee gi nyàásige sórogi lè. Mɔ a jo fànnɛʔɛgɛ syɛɛnfelege gii, gee gi sámaga n kwɔ́ɔ lè kapɛɛnnɛ kánma na.

Zyowɛli 3:4

Cángi a ba kàri yébilimɛ, yégi si kàri sìsyaan, sáni Yawe cángi í nan lè, cángi bee gi lè cângbɔʔɔ, ní fyáara wóʔo.

Amɔsi 4:13

Wéle, wee wi nyanbeleyi sámaga lè, níì káfalagi sámaga, ní i syɔɔn kasɔngugèle tèé wi na, woro wee wi nyǐnjerigi kàragí lè yébilimɛ, ní i táanri ni sɔ̀lɔ́ tári dǎndamaya na lè, woro mɛ́ɛgi gi nyɛ Yawe Kolocɔlɔɔ, wi lè Nyɛ̀ʔɛni Sùlasiibéle Kafɔlɔ.

Sofonii 1:7

Ye kòro pyèrio Kàfɔw Yawe yɛ́ʔɛ ma! Níì cán Yawe cángi n nùuni, Yawe n tɔ̀nɔ n sárigaw sámaga, wi n wi woyeribèle sámaga n yaʔa wiyɛɛ ma kɔlɔ̀ na.»

Zakarii 14:6

Cángi bee na gbɛ̀ɛnmɛ a pye yaà í, wéeri ní suniriw wi a pye yaà.

Matye 24:21

Níì cán wɔʔɔgbɔʔɔ a ba pye lǎli bee ni, gee félege gi lè ki ga kɔ́ɔ̀ kpéʔele í nlaa yaà dulunyanw sélimɛ na n baa nan níjanʔa na, ki félegi si a ní wɔ́ɔ kpéʔele gee bee kàdoʔo ma í.

Mariki 13:19

Níì cán cányi bee a ba pye wɔʔɔgɔ canya, nlaa Kolocɔlɔɔ dulunyanw kpéʔele lè n baa nan níjanʔa na, wɔʔɔgi bee félege ga kɔ́ɔ̀ kpéʔele í, gi félegi si a ní wɔ́ɔ kpéʔele gee bee kàdoʔo ma í.

Làlwaw Kaanziin 32:7

Sɔ̀ngi mi taa booma cányi kéele na. Sɔ̀ngi yìrigēle saʔa yɛʔɛlɛ kéele na. Mɔ tóow yíbe, wi a gi joo tɛ̀ɛn mɔ na. Mɔ wolɛɛbèle yíbe, pe a gi joo mɔ ma.

Heburubèle 12:18

Nyanbelegee na syɔɔn a gbǎn tánga lè, koro gee ki da ni sóori lè, nyanbelegi bee na ban yele nùuni í, yele ga wɔ́ɔ̀ nùuni yébilimi, wàlá nyɛ̀ʔɛwɔɔli, wàlá káfalakpɔɔgi na í,

Zyudi 1:13

pe i nyɛ àmɛɛ sólomi lòkpɔʔɔ kungurukpoloyo nyɛ lè, pe i peyɛɛ fɛ̀ɛfɔnmi yirigi kàfugi na àmɛɛ lǒgi kùnguruyo kpáriga nyɛ lè, ní i nyɛ àmɛɛ ŋɔripiigèlē nyɛ, gele ge curugu ni máari lè, yébiliwɔɔlɔ tɛ́ʔɛ n sámaga n kwɔ́ɔ be kánmi na, pe a ba pye nɛɛ bee làla o làla!

Tɛ̀ɛnnɛ 9:2

A li fala n weecurugi múgu, a wírige i yirigi gi ni àmɛɛ naakpɔʔɔ wírige nyɛ lè. A weecurugi wírige fala n cángi ní nyɛ̀ʔɛni kàriga yébilimɛ.