Zyeremii 9:9 - Cebaara Bible 2010

⁹ Mii i nyaan ní i cɛ́ɛn nyanbeleyi kéele na, mii i funbɛɛnrɛ ŋúnugo ŋúu fìími tára yawee-nàʔa-tɛ́ɛyɛ kéele na. Níì cán yi n sógi, syɔɔn faala o sɔ̀lɔ́ yaà í, yaweere gboolo yákpolo ní o lúro yaà í. N séli nyɛ̀ʔɛni féjɛɛnrɛ na, n sáà nan yaweeri na, ti myɛ n yiri yaà n kári.

Zyeremii 9:9 Iomraidhean Croise

Ezayi 1:24

Gee bee na Kàfɔw Yawe wi lè Nyɛ̀ʔɛni Sùlasiibéle Kafɔlɔ, Isirayɛli ye Séekpɔɔw Fɔ́lɔ, wi n jo: «Awá! Mii a niyɛɛ kpɛʔɛlɛ ní mii kàsiitun-nyɛ́nbèle kéele ní, mii a mii gɔ̀lɔ́w wòlo mii nigoobèle na.

Ezayi 10:3

Nyàʔá yele a pye kpúmɔnri canʔa na, ní kálagi-gbɔ́ɔli li a yìri léelige bi pan lè? Wìí má yele a fàn bi kári koro ga pye bi syɔɔlɔ taa, ní sán yele a yele lɔ́ri yaʔa?

Ezayi 57:6

Lòcooloyi kàdɛnɛ-wɔlɔgɔyɔ wéle, yoro na mɔ sɔngumi nyɛ, yoro yi nyɛ mɔ lɛɛli, yoro ma mɔ sáriga-yólogow ŋuu, yoro má mɔ yakaanyi kaangi. A gee bee myɛ pyele a gbǎn mii fúngi nyíngi lé?

Zyeremii 12:11

Pe n gi pye tɛɛ̀kalagiga. Ki i nyɛ kùu káyaʔa na, ki n kálagi mii yɛ́ʔɛ ma. Tári myɛ n kálagi, níì cán wàa faala o gi córo wi fúngi ni í.

Zyeremii 12:4

Làla jòorí tári a kwɔ́ɔ kùu káyaagi na, sìnbirigi myɛ nyàā si wɔ́ɔ waʔa bi kòro nya bi làla jòorí kwɔ́ɔ? Di syɛ́ɛnbèle péemɛ kéele na yaweeri, ní féjɛɛnri i kálagi ni syée. Níì cán pe n jo: «Wi o wolo nyɛ̀ʔɛnaw nyaagi í.»

Zyeremii 4:25

A mii i wéle, n gi nyaa syɔɔn ga níì pye yaà í. A nyɛ̀ʔɛni féjɛɛngèlē myɛ fàn.

Zyeremii 5:29

Mii si kòro lé kàa sìnbye ni kérigèle bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Zyeremii 5:9

Mii si kòro lé kàa sìnbye ni kapyeri bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Oze sɛ́bɛw 4:3

Koro na tári a pye kùu káyaʔa na, bele myɛ be nyɛ di ni lè pe a fána, poro ní sìnbirigi yaweere, ní nyɛ̀ʔɛni féjɛɛnrɛ. Alí sólomi lɔ́ʔɔ fàala a wɔ́ɔ kwɔ́ɔ yiri yaà.»

Zyowɛli 1:19

Mɔ kurugo mii yákpoli wáa, Yawe! Níì cán náagi n fìími tára yaweenaʔa-tɛ́ɛyɛ sórigo, a naanyǐngi séyi tíire myɛ sórigo.

Amɔsi 5:1

Yele Isirayɛli kpáagi wòolo, ye syɛ́ɛnri naa lóʔo, ye funbɛɛnrɛ ŋúnugi lóʔo, gee mii ŋúu yele kéeli na lè.

Amɔsi 5:2

«Nàngeele sinján pìcaaw Isirayɛli n too, wi a tée ní yìri í. Wi n tìgi n sínɛ wi tiimaa tári na, syɔɔn faala a ní wi yìrige í.»