Zyeremii 9:7 - Cebaara Bible 2010

⁷ Pe nyíngèle i nyɛ syɛɛnkpoo-ŋáaya, pe o yarigaa nyuu kapye námaraw ban í. Pe i bɛ̀ɛlɛ syɛ́ɛnrɛ nyuu be nyɔ́ɔyi ni pe syɛɛnnyɛnnɛ ma, kàjáa fúngi ni, pe i karinyanga nii wi na.

Zyeremii 9:7 Iomraidhean Croise

2 Samyɛli 13:26

A Abisalɔmi jo: «Mi si tɔ́ɔ mi mii senyɛnw Aminɔn yaʔa wi kári ní wolo ní.» A fànʔafɔw wi yari: «Nyàʔá na wi yɛlɛ bi kári yaà mɔ ma?»

2 Cányi kèlē 36:15

Yawe wi lè be toolɛɛbèle Kolocɔlɔɔ, woro maa wi tundunbèle tun be ma làrigēle saʔa ni, pe sa be sàmi, níì cán wi maa ni caa bi wi syɛ́ɛnbèle, ní woro tiimaa tɛɛkòrogi syɔɔ.

Ŋúnuyi 120:4

Kapɛɛnkpumɔn-ŋaafirigeye, ní tiipiige naàniganra ní.

Ŋúnuyi 55:22

Wi nyɔɔsyɛɛnri i nyɛ àmɛɛ nàará nyɛ lè, kàjáa kàsiiw i nyɛ wi fúngi ni. Wi syɛ́ɛnri n pe n sɔ̀lɔ sìnmɛ na, ní si i nyɛ ŋɔséetàanbēle.

Ŋúnuyi 62:5

Pe i peyɛɛ nyaagi ni nyuu koro ga pye poro í wi yìrige wi kpɔ́ɔmi tɛ́ʔɛ ni bi cáan, jànvaaw n be dɛ́nɛ. Pe nyɔ́ɔyi i dùbaw kpéʔele, pe si i dángaw nyuu be fúnyi ni. Ŋɔ́ndaala

Ezayi 1:25

Mii a ní mii kɔ́gi taʔa mɔ na, mii a mɔ tunmɔviri láʔa tunweele na àmɛɛ sɛ́ʔɛ gi kpéʔele lè, mii a mɔ yanɔnʔɔri myɛ yirige mɔ ni.

Ezayi 48:10

Wéle, mii n mɔ gbàla, gee bee si ga pye bi wálifiio yirige í. Mii n mɔ sɛʔɛ n wéle wɔʔɔgi tunweele ni.

Ezayi 59:3

Níì cán sìsyaanw n yele kadaagèle nɔ́nʔɔ, a kakolobyeri yele kabegèle nɔ́nʔɔ. Yele nyɔɔwari i jànvaaw nyuu, a yele nyíngèle i námaraw kabala ni nyuu.

Zyeremii 31:20

A Efirayimi i nyɛ lé jaafɔwaa, wee kéele li kpɔ́ʔɔ mii ma lè, pìiwaa, wee kéele li mii dɛ́nɛ lè gbanʔama? Níì cán àmɛɛ mii nyuu wi kéeli na lè, ànbée wi kéeli sɔ̀ngurɔ kpɔ́ʔɔgi mii fúngi ni. Mii fúngi yárira i cɛ̀lɛ́ mii ni wi nyɔɔmi kéele na, mii a tɔ̀nɔ́ nyinimɛ taa wi na,» Yawe wi jo nya.

Zyeremii 5:1

«Ye fàn ye màʔa Zyerusalɛmi kàlari-kóloyi ni ye gi wéle, ye yíbege kpéʔele, ye caa ye wéle kadàlayi na, kapye nàɔn nibin i yaà yi ni, kapye wàa nibin i yaà, wee wi kasinnɛ kpéʔele lè, wee wi kányɛɛgi caa lè, mii a Zyerusalɛmi kùsulugi syɔɔ.

Zyeremii 6:27

«Mii n mɔ télege mɔ í pye wàa, wee wi a mii syɛ́ɛnbèle sɛʔɛ wéle lè, ní kènirige, koro ga pye mɔ í be cán si be tánʔaganmi sɛʔɛ cán.

Oze sɛ́bɛw 4:1

Ye Yawe syɛ́ɛnri lóʔo, yele Isirayɛli pìíbèle! Níì cán kútii i nyɛ Yawe ma tári syɛ̀ɛnnɛ kánma na. Níì cán wi n jo: «Kányɛʔɛ o beè í, funvii o beè í, Kolocɔlɔɔ cánna o nyɛ tári ni í.

Zakarii 13:9

Mii a tíla-taanri wógi bee le náagi ni, mii a nɔ́nʔɔri yirige be ni àmɛɛ be nɔ́nʔɔrɔ yirigi wálifiio ni lè, mii a be sɛʔɛ wéle àmɛɛ be tɛɛ̀ sɛʔɛ ni wéle lè. Pe a mii mɛ́ɛgi yeri, mii a lóʔo be ma. Mii a gi joo si jo: ‹Poro be nyɛ mii syɛ́ɛnbèle!› Pe a gi joo si jo: ‹Yawe wi nyɛ wolo Kolocɔlɔw!› »

Malasyii 3:3

Wi a tɛ́ɛn bi pye àmɛɛ wálifiio gbàlafɔlɔ nyɛ lè, wee wi wálifiiw gbàlá ni fɔ́ɔnri yirigi wi ni lè. Wi a Levii yòdaʔayi jéemununɔ kpéʔele bi fɔ́ɔnri yirige be ni, àmɛɛ be fɔɔnrɔ yirigi lè tɛɛ̀, ní wálifiio ni, pe a ba pye Yawe má syɛ́ɛnbèle pèle, bele pe a ra maa ní yakaanyi ní lè ní sínnɛ ní.

1 Pyɛri 1:7

Kagbanyi bee nyúngo i nyɛ bi yele tágali sɛʔɛ wéle, loro lee li nyɔɔ n sɔ̀lɔ lè tɛ́ɛw na wi nyɛ lè yakwɔʔɔ, pe si i wi sɛʔɛ ni wéle ní náagi ní, kánmi bee na fwɔɔ yele tágali í sɛʔɛ wéle koro ga pye yele si sòololo, ní nìjanra, ní kpɔɔmɔ taa Zyezu Kirisi làridɛ̀ɛ́nni ni.

1 Pyɛri 4:12

Mii syɛɛn-nidaanmabèle, kagbanyi yi nyɛ yele na àmɛɛ naà nyɛ lè jàngó bàā yele sɛʔɛ da wéle, yele a kɔ́ gee bee yaʔa gi yele fúnyi wɔ́ɔ si jo ki n pari yele na í.