Zyeremii 9:6 - Cebaara Bible 2010

⁶ Gee bee na Nyɛ̀ʔɛni Sùlasiibéle Kafɔlɔ Yawe syɛ́ɛnri naa joo níì jo: «Wéle! Mii a be gbàla si be sɛʔɛ bi wéle. Níì cán kanmìí na mii a gi pye mii syɛ́ɛnbèle kàbaan na?

Zyeremii 9:6 Iomraidhean Croise

Kàseegèle 1:24

Amɛɛ mii yeri lè, yele si ga fɔ̀lɔ í, àmɛɛ mii mii kɔ́gi sánʔa lè, syɔɔn faala si ga gi córo í,

Kàseegèle 1:29

Níì cán cánni n be bɛɛn. Pe ga mii Yawe yɛ́ɛgi fyáara nyɛ́nɛ n wòlo í.

Ezayi 1:25

Mii a ní mii kɔ́gi taʔa mɔ na, mii a mɔ tunmɔviri láʔa tunweele na àmɛɛ sɛ́ʔɛ gi kpéʔele lè, mii a mɔ yanɔnʔɔri myɛ yirige mɔ ni.

Ezayi 1:3

Nɔ̀ɔ n wi kàfɔw cán, a jòfani wi kàfɔw cán, wee wi wi kaangi wi i líi lè, kàjáa Isirayɛli ga yafyɛn cán í, mii syɛ́ɛnbèle ga yarigaa cán í.»

Ezayi 4:4

Koro a pye lǎli ni Yawe ga kútiisinw káfalaga, ní kálagili káfalaga tɛ́ʔɛ n Siyɔn calipiigèle jée lè n yanɔnʔɔri láʔa ge na, níì Zyerusalɛmi sámaga n nyɔɔ n gi syɛɛnkpoori sìsyaan yirige gi ni.

Zyeremii 11:10

Pe n lúru ni be booma tofɔlɛɛyi kakoloyo kpéʔele, poro bele be cée pe ga fɔ̀lɔ ni mii syɛ́ɛnri lúro lè í, níì peyɛɛ bwɔɔ kolocɔlɔbèle pèle na, ni poro kpɔ̀ʔɔrɔ́. Isirayɛli kpáagi wòolo ní Zyuda kpáagi wòolo n mii joogaanni kálagi, loro lee mii da kpéʔele ní be toolɛɛbèle ní lè.

Zyeremii 11:19

Mii maa pye àmɛɛ bàpile nyɛ, lee li fwɔɔgɔ lè, lee be cò ni syée kaàkpoo-tɛ́ɛgi ma lè, kérigèle pe da ni tímana be fúnyi ni mii kánmi na lè, mii da ge cán í. Pe n jo: «Wo tíigi kálagi ní gi yasangi ní! Wo wi kɔ́n wo yirige yaà niweebèle tára ni, pe a ní kɔ́ sɔ̀ngi bi taa wi mɛ́ɛgi na í!»

Zyeremii 13:10

Syɛɛnfelegi bee gi pee lè nya, koro gee gi mii syɛ́ɛnri lóʔolo cée lè, gee gi taʔa gi fungbangi kasɔngurɔ na lè, níì kiyɛɛ bwɔɔ kolocɔlɔbèle pèle nikwɔɔlɔ na ni báara be ma, ní i tíri ni tuun be yɛʔɛ̀ ma, ki a pye àmɛɛ sɛntiiriw naa nyɛ lè, wee wi lè wi a ní gbǎn yafyɛn nyɔɔ í.

Zyeremii 18:18

Pe n jo: «Yaa maa wo ba nyɔɔ kúun Zyeremii na! Níì cán bi sáriga-wòlobèle yaʔa beè, làlwaw a kwɔ́ɔ wàlá bi fɔ̀n sícilibēle ni, bele pe a ra wolo lálii lè í, wàlá bi fɔ̀n kanyaajoobéle ni, bele pe a ra nyuu wo ma lè í. Yaa maa wo ba wi kpúmɔn ní nyíngèle ní, syɛ́ɛnri myɛ wi nyuu lè wo a kɔ́ yákirii yaʔa di na í.»

Zyeremii 20:10

Mii i syɛɛnnɛʔɛmɛ syɛɛn-ŋúnuŋunuro lúro a pe i gi nyuu níì jo: «Fyáakpɔɔrɔ i nyɛ kàbanyi myɛ na! Yaa gi nyuu yaa tèé! Waa gi nyuu waa tèé!» Bele myɛ pe da pye ní mii ní lè yɛɛ̀nyinge na, pe i mii tooli caa ní i gi nyuu níì jo: «Dɔ̀ʔɔ́ wi a wiyɛɛ yaʔa be fáana pùuni, wolo si wi taa jáa, si gɔ̀lɔ́w wòlo wi na!»

Zyeremii 5:27

Amɛɛ gòdege gáà nyìn féjɛɛnrɛ na lè, ànbée be kpáayi nyìn yanɔʔɔrɔ-mí-syɔɔri na. Kánmi bee na pe baa pye séefɔɔlɔ ní lɔrɔfɔɔlɔ.

Zyeremii 8:5

Nyàʔá na si Zyerusalɛmi syɛ́ɛnbèle naa kòro niceebéle ni syée nya? Pe n kòro n tan fáanagi na, pe n cée pe ga fɔ̀lɔ bi lúru pan í.

Oze sɛ́bɛw 11:8

Kanmìí na mii a dée gbǎn mɔ yaʔa Efirayimi? Ba mɛ̀ɛ́ mii a dée gbǎn mɔ le kɔlɔ̀ ni, Isirayɛli? Kanmìí na mii a dée gbǎn mɔ kpéʔele àmɛɛ Adima nyɛ lè? Ba mɛ̀ɛ́ mii a dée mɔ kpéʔele àmɛɛ Seboyimi nyɛ lè? Mii fúngi n baa wáa n kàri, mii fúngi yárira myɛ i nyaʔami mii ni.

Oze sɛ́bɛw 4:6

Mii syɛ́ɛnbèle i kúu cánni fɔ̀ngɔ kéele na. Níì cán mɔ n cánni cée, mii a wɔ́ɔ mɔ cée, si mɔ yirige sáriga-wòlori fáli ni. Amɛɛ mɔ fɛ̀ʔɛ mɔ Kolocɔlɔw làlwa na lè, mii a wɔ́ɔ fɛ̀ʔɛ mɔ piibèle na.

Zakarii 13:9

Mii a tíla-taanri wógi bee le náagi ni, mii a nɔ́nʔɔri yirige be ni àmɛɛ be nɔ́nʔɔrɔ yirigi wálifiio ni lè, mii a be sɛʔɛ wéle àmɛɛ be tɛɛ̀ sɛʔɛ ni wéle lè. Pe a mii mɛ́ɛgi yeri, mii a lóʔo be ma. Mii a gi joo si jo: ‹Poro be nyɛ mii syɛ́ɛnbèle!› Pe a gi joo si jo: ‹Yawe wi nyɛ wolo Kolocɔlɔw!› »

Wɔrɔmi ye 1:28

Pe ga fɔ̀lɔ n Kolocɔlɔɔ kéeli yaʔa peyɛɛ fúnyi ni í, gee bee na Kolocɔlɔɔ be yaʔa be fɛ̀ɛfɔnmi sɔ̀ngurɔ kɔ́yɔ ni, koro ga pye paa kanaa-sìnbyeri kpéʔele.

1 Korɛnti ye 15:34

Ye fundeleye le yeyɛɛ ni, yáā kasingéle kpéʔele, yé láʔa kapeegèle na. Níì cán pèle i yaà pe ga Kolocɔlɔɔ cán í, mii n koro joo bi fɛ̀ɛrɛ wáa yele na.

1 Samyɛli 2:12

Helii jáabèle si maa pye nifaʔaya, pe da Yawe cán í.